السلام عليكم
انا اليوم حابب ادلكم على طريقه لعمل عجينه طريه وبنفس الوقت لذيذه
وهذه العجينه تقدرو تستعملوها للفطائر وبنفس الوقت تقدرو تستعملوها للبيتزا العربيه

نبدأ بالمواد :
1- طحين 1 كيلو
2- زبده 75 غرام واذا شفتو انها بتحتاج اكثر بضيفو
3- خميره بمقدار معلقتين كبار الي بناكل فيهم
4- سكر 100 غرام
5- ملح 25 غرام يعني شوي ماتكثرو ملح
6- محسن عجين بمقدار معلقه واحده صغيره الي بنستعملهم للشاي
7- بيضه واحده

طريقة عملها :

بنحط الطحين بوعاء
بنحط الخميره فوق الطحين
وبنحط السكر والملح والزبده والمحسن والبيضه كامله
يعني بنحط المواد كلها فوق بعض
بعدين بنخلطها وبنصير نحط ماء فاتر بس الصعوبه هلا انو لما نحط الماء الفاتر فوق الخلطه
بتحطو الماء على دفعات عشان العجين يرتاح وبنحطو بشويش شوي شوي مو مره وحده اوكي
لحديت ماتصير العجينه متماسكه ويفضل انو يكون العجين تماسكو وسط
يعني ما يطلع العجين خفيف ولا يطلع شديد جامد اوكي
خير الامور اوسطها
وبس نخلص بنغطي العجين وبنتركو ساعه او ساعتين لحديت مايخمر العجين
وصحتين وعافيه على قلوب الجميع

العجينه بتنفع للمعجنات والبيتزا العربيه والعجينه ألها طعم طيب ولذيذ
وهذه العجينه بنستخدمها اكثر شي بالفنادق العالميه مثل الشيراتون والكراون بلازا ألخ.......