بسم الله الرحمن الرحيم
انا قريت عندكم على انكم تبون تسون صندوق للعيله وهذا شي حلو واكثر من رائع وتكلموا بوه بالاجتماع
ونشاءالله يسونه وبوه فايده للكل مثل ماتعرفون السيوف واجد ولله الحمد وبهم شخصيات قاده ولهم نفوذ
ووجهاء وذو مناصب . بالعربي لابد ان الجميع يفيدون بعضهم ويتكاتفون
موضوعي يتكلم عن صندوق لعيلة السيوف بتبوكـ مسوينه لنا سنتين بحاول اني قدر المستطاع اني اذكر
بعض شروطه ونتم عليكم انكم تدرسونه زين بحيث يفيد السيوف جميعا زودوا ولا نقصوا ادرسوه زين
واذا جازلكم اذكروه بالاجتماع وتمنى للجميع التوفيق
الشروط والاساسيات :
1- الصندوق خاص بالسيوف وعوائلهم .
2- على كل شخص دفع 200 ريال لمن اراد المشاركه.
3- يقدم المبلغ شهريا او كل ستة شهور كحد اقصى.
4- عدم المطالبه بأي مبلغ من الصندوق لمدة سنتين من تاريخ الانعقاد.
5- عند اخذ السلفه يجب ان تسدد خلال سنه من تاريخ اخذها.
6- عند التاخير في التسديد عن سنه يحرم من السلفه لمدة سنتين وكل شهر بعد السنه يأخر شهرين بعد السنتين وهكذا.
7- في حالة تقدم اكثر من عضو لاخذ السلفه يراعى العضو الذي لم ياخذ من قبل .
8- اقصى حد للسلفه هي 20 الف كحد اقصى لان المشتركين يمكن 6 عوائل وتختلف اذا زادوا.
9- لايسمح لاكثر من ستة اشخاص للسلفه بالسنه الواحده .
10- من كل عيله يحق لشخص واحد بالسنه.( لان البعض يشارك عياله معه )
11- تحرم العيله اذا الشخص المستلف لم يقم بسداد ماعليه ولا يحق لافراد عائلته المطالبه بما دفعوا .
تكون مسؤلية ايداع المبلغ للصندوق على رب العيله.
طبعا حنا مسوين كذا مشان الفايده وبدل اللجوووء الى البنكـ ونتم عارفين الفوايد وسواليفهمـ بحيث يتم السداد بنفس قيمة السلفه . عاد انتم شوفوا اذا كان الموضوع لاكثر من 6 عوايل ودرسوها زين انا حطيت لكم النقط على الحروف وباقي عليكم التشكيل ون جازتلكم نفذوها مهيب خساره والله يجيب الخير نشاءالله .
اخوكمـ : سامي بن مطلق بن سيف السيف.