الله يسعدك يامنال..


فعلا ليش الندم..


اليوم بفضفض عن كابوس شفته من ايام وأثر في.. وسيطر على افكاري..


هو من السنه انك ماتذكر الاحلام السيئه بس ودي افضفض من غير مااقول تفاصيل الحلم لاني اخاف يتحقق..


الموت هو حق والكل عارف انه حق وكل انسان معرض له بأي وقت..


بس ليش كل انسان اذا مات له عزيز وخصوصا الام ولا الاب ينصدم وكأنه ماكان يتوقع انه الموت بيمر عليهم..


ويتمنى يرجعون لو ساعه عشان يستسمح منهم او يلبي طلب لهم.. كانوا يترجونه يخلصه وهو يتعذر كل يوم بشي..


انا بصراحه دايم يروح عن بالي انه امي وابوي ممكن بيوم يفصل بيني وبينهم التراب..والله الحين اكتب وانا ماني مستوعبه الكلام اللي


اكتبه..


والله سويت حركات كثير تقهر لامي وابوي وودي يعشون معي طول العمر عشان اعوضهم..


صايره اقلق كثير و كل شوي اشوف هم وين..وكل ماسمعت صوت اسعاف اتصل عليهم..


لدرجه اني اذا شفت امي غفت جنبي اقوم واشوف هي تتنفس ولا لا..


حاسه اني ضعيفة ايمان .. حاسه انه في كلام بنفسي كثير ودي اقوله بس مدري كيف اشرحه..


الله يعينا هو الانسان مخلوق بالدنيا وحياته كلها لازم تكون مشقه ومافي انسان سعيد..


ودي مايموت احد عزيز قبلي..ادري اني انانيه لاني ابي غيري يحزن وانا مااحزن على احد..


ودي اغير من حياتي كثير..ودي اسلم على يد امي وابوي ورجولهم كل شوي..بس مدري وش اللي يمنعني..


كل مااقول بسوي كذا اذا قربت منهم استحي مع انه موحيا بس مدري كيف افسره..


يمكن تعودنا انه كل واحد يحتفظ بمشاعره بقلبه..بس والله ودي احضنهم وودي اقولهم ترى مااتخيل الحياه بدونكم..


بس مااقدر..والله مقهووره..احس اننا تربينا نكون جلفين وجافين وكل مشاعرنا عيب نطلعها..ونخجل منها..


كالعاده اكتب ودموعي تشوش علي الحروف..


حمدلله اني بعد كل فضفضه ياذن علي اذان..اذن الفجر وخير مشتكى اليه ربي عز وجل..


الله يفرج هم اخوي سهم زي مافرج من همي..والله العظيم اني لي ايام بس افكر وماقلت لاحد والحين احس اني ارتحت شوي..