كم لمحة إمعرّب سطت بالحناوي ....
وكم هاجس ماله مزيّه ومعيار
وكم عايش(ن) إبدنيتلّه فداوي ....
يذكر إبطيب لو عثتبه الاخطار
في دنية تقسى ولاهيب تاوي ....
يسمع إهروج مابها فود واعذار
وياما حبيب في منامه خلاوي ....
يتنى عطيّة خالق النور والنار
ماشغل منامه بين هرج وراوي ....
إمعوّد نفسه على كتم الاسرار
له مجلس عامر وسامر وحاوي ....
ناس كريمه والتّواضع لهم كار
قولة هلا عنده تراها إتساوي ....
شيّ(ن) كثير(ن) عند حشّامة الجار
ماهوب خصم للمدوّر شكاوي ....
إن قيل وينك ؟قال أنا تحت الانظار
طيّب وهيّب مايحب الثناوي ....
اللي يغيّر هرجتلّه إلى ثار
يقول هوّن لالمح شخص ناوي ....
يضرب طريق ماتحبّه الاخيار
الحكمة اللي نسمعه وينها وي ....
ياليتنا ندري مكانه ونختار
لكنّها تعطى إمحب وهاوي ....
جمع القلوب اللي نوت بيعة الدار
والظاهر انّه تنعطى من يداوي ....
جرح إبصدر قبل مايوخذ الثار
________________________
ناصرالفهد_
