قلت اسكبي الدمع على الخد لا باس يمكن يريح الدمع لو نستثيره
قالت زماني قد حكمني بالاتعاس ولى علي انسان ضايع ضميره
كنت احسبه طيب وقلبه من الماس واثره شبيه للوحوش السعيره
حبيته بكلي حب بلا قياس وظنيتني بقلبه كنت الاميره
بعت اهلي واصحابي وكل هالناس من اجل عينه كنت دايم سهيرهلا
خذ ما يبي مني وسواس خناس كل شي بأسم الحب وانا غريره
ظنيت يحشمني عن درب الانجاس واثري بعيني وحده حقيره
ليته ذبحني قبل ما بالقدم داس على البرائه في فؤاد الصغيره
قلت اسكتي يا بنت يفداك هالراس يفداك هو واهله وكل العشيره
لا تزعلي يا بنت ولا يدخلك ياس ربي عسا يعوضك بأنسان غيره
يعشقك من قلبه ويغمرك باحساس ويقاسمك هالعمر شره وخيره
يفهمك ويداريك ويكون لك ساس قلبه يكون العرش وانتي الاميره
يعشق ترابك وبيده يقدم الكاس يروي ضماك وينفحك من عبيره
يسهر يناجي سحر العيال النعاس حيث اتجه انتي هدف خط سيره