السلام عليكم ورحمة الله وبركاته ... حياكم الله اعضاء وعضوات منتدي السيف.

اعترف:ان بئالي فترة معترفتش..
اعترف:اني هتكلم بالعامي علشان خاطر عيونك يا عشوووووووقة.
اعترف:اني بقول لعاشقة غرفتها فرحت من كل قلبي والله لما رجعتي..والله يعينك علي ظروفك وما تاخدكيش مننا بالطريقة الصعبة دي.
اعترف:اني اقول لا سكادا..الله يحفظك من النامووس ..والحمدلله انك اتطمنتي علي صديقتك.
اعترف:اني مبسوطة النهاردة اوووووووووووي والفضل يرجع لله والحمد مني لله.
اعترف:اني بصراحة النهاردة كان جايلي نووم مش طبيعي..والله كنت بنام علي نفسي وانا واقفة زي اللي شاربه حاجة والعياذ بالله.
اعترف:ان اخويا الكبير رجع من السفر وامي كانت عاوزانا نخرج نتغدي برا وانا كان جايلي نووم بطريقة شنيعة ومرضتش اقوم الا يا عيني لما سمعتها بتقولي حبيبتي...اصحي علشان خاطري بالله لتقومي..ساعتها بصراحة صعبت عليا فقومت وانا زهئانة من عيشتي ولبست من غير حتي ما اكوي هدومي وفضلت نايمة في العربية لغاية ما وصلنا..روحنا البحر وماشاء الله كان حلو والحمدلله الاختلاط كان قليل شوية واخواتي الصغيرين نزلوا المية وشكلهم كان تحفة ولا فرقة العداله في زمانهم..اما انا فضلت جالسة علي الكرسي ومتحركتش من عليه ووالله عمالة انام علي نفسي..وامي يا عيني كان نفسها تتمشي علي الشط وفضلت تقولي قومي امشي معاية شوية لكن انا بصراحة مرضتش علشان كنت حاسة اني لو قمت اقف هقع من طوولي..بس واشترينا الغدا كان سندويتشات كباب و فراخ مشوية و كانزات بيبسي وبصراحة الفراخ كانت عجباني اكتر حاجة..فضلنا جالسين من العصر للعشاء وبعدين مشينا..وانتهت الخرجة والحمدلله.
اعترف:اني بحب منتدي السيف ع الاخر.
اعترف:ان جميع اعضاؤه وحشووني ع الاخر.
اعترف:اني شكلي هسهر عليه النهاردة والله اعلم.
اعترف:اني خلصت اعترافاتي