عند فطامي
فطامي تمشي وتحس نعالها فيه شي ..
تطالعه تشوف بلاه وتمشي .. وفجآة تصدم فواحد من الشباب .. وتطيح تحت ..
ينزل لها ويقول لها : السموحه اختيه ما شفتج ..
فطامي صاده تحت لالا مستحيل هذا مو محمد .. بس هذا صوته يارب ما يكون هو
رفعت راسها وانصدمت ..!!
يقولون يخلق من الشبه اربعين ..
اما يشبه من الصوت اربعين .!!!!
استانست فطامي انه ما كان محمد ..بس صوته شرآت صووت محمد
وبعدين حست بعمرها وشافت الناآس كلهم يطالعونها قفطت من الخاطر ..
والريآل يمد ايده يبا يقومهـآ .. طلعته بنظره وقامت وقفت .. وهي قافطه
.. قالت له : ما تشووف يدامك ..؟ ولا تستهبل يعني ..؟
. : السموحه اختيه بس كنـت ..
قاطعته فطامي : اووف .. حصل خيييير .. فخاطرها > مالت عليك <
والريآل تينن على فطامي ..

المهم فطامي راحت باسكن ..
وقفت .. ويا واحد وقف حذالهـآ وبدون ما تصد له وهو ما يصد لها ..
وقالوا ويا بعض : لو سمحت ..
بعدين طالعوا ببعض .. شهقت فطامي : مـ حـ مـ د !!!
محمد يطالعها ومتفاجآ .. وبنفس الوقت متفشل من اللي سواه امس ..
فطامي طالعته بنظره تبين انها زعلانه .. وكانت تبا تروح جان يناديها ..
محمد : فطامي ..
فطامي قلبها يدق بسرعه وقفت وصدت صوبه بدون ما ترمس ..
محمد : ممكن ارمسج شوي ..؟
فطامي وهي ماسكه عمرها : اظن اللي قلته امس كفايه وما بينك وبيني كلام .. عن اذنك ..
فطامي قالت هالكلام ومشت عنه ونزلت دمعه حارهـ ع خدها ..
شو تبا تقول بعد يا محمد .. ما كفاك اللي قلته امس .. آآه يقلبي ليت الجرح مو منك ليت الجرح من غيرك ..

محمد واقف ومصدوم اول مره فطامي ترمسه بـ هالطريقه .. مبين انها تأثرت واايد من كلامه .. بس والله ندماان يا فطامي والله ..

رجعت فطامي عند عبير وميثوه ..
عبير : ويين الايسكريم ..؟
فطامي :............
ميثوه : بلآج فطامي ..؟
فطامي صااخه عنهم وما تبا ترمس ابد ..

رجع محمد عند احمد ..
احمد : هاا وين الايسكريم ..
محمد : ليتني ما رحت ولا سمعت اللي سمعته ..
احمد : بلاك ليش جي تقول ..
محمد : ماشي ماشي .. وينهم عوآش وساروهـ دق لهم خلنا نرد بوظبي ..
احمد : بس للحين ما تغدينا .. << همه بس الاكل
محمد بدون نفس : احمد دق لهم بسرعه خلنا نظهر من دبي
احمد : اوكي ..

عند فطامي ..
كانوا داخل محل .. وفجآه لقوا عواش وساروه يدامهم ..
عوآش : هلآ والله ..
فطامي : اهلين .. وسلموا على بعض ..

وبعد شوي تمشوا كلهم ويا بعض > عواش وفطامي و ساروهـ وعبير وميثوه ..
دق تلفون عوآش ..
عوآش : هلآ احمد ..
احمد : عواش تعالي انتي وساروهـ صوب الكافيه .. ترا بنرد بوظبي ..
عوآش : ليش نرد بوظبي .. للحين ما خذنا شي ..
احمد : ما ادري محمد قال لازم نرجع ..
عواش : عطني ارمس محمد ..
صدت فطامي صوبها وفيها فضول تبا تعرف شو مستوي ..
عواش : محمد ليش تبانا نرجع بوظبي ؟؟ للحين ما شرينا شي ..
فطامي طالعت عواش .. محمد يباهم يرجعون ليش .!! عشان اللي صار بينا .. لالا ما اظن ..
محمد : انزين بنتم بس شوي .. انتوا أي صوب واقفين ..؟
عوآش : نحن ويا بنات عميه ..
محمد استانس من الخاطر : انزين نادي بنات عمج وخلينا نتغدى وياهم ..
عوآش : انزين ..
سآروهـ : ها عويش بنرد ..!!
عوآش : لالا ما بنرد .. محمد يقول خلينا نروح نتغدى وياهم ..
فطامي : اوكيك نحن بنترياكم روحوا تغدوا وارجعوا ..
عوآش : لا .. محمد قال اييبكم ويانا ونتغدى وياهم ..
فطامي ارتبكت : امممممـ .. انا مو يوعانه .. وما اشتهي .. وبعدين ربيعتيه ميثوه كيف تيلس وياهم ما يصير ..
عوآش : فطامي بنخليهم يلسوون ع طاولة ثانيه .. تعالي عآآد ..
عبير : اوكيك ما عليكم منها يلا بنروح ..
فطامي ما تبا تشوف محمد بس شتسوي : اوكيك
وهم يمشون دق اخو ميثوه لهـآ .. وقال لهـآ انا ياي صوبج ..
فطامي : انزين تمي تغدي وروحي ..
ميثوه : لالا مره ثانيه ان شاء الله ..
وصل اخو ميثوه عندهم ..
فطامي متفاجئه : هذا اخووج ..
ميثوه : هيه هذا اخويه سعيد ..
فطامي : ههههههههـ تدرين انه صدمني وطحت ع الارض وقفطت من الخآآطر ..
ميثوه : ههههههه والله فاتني كان خاطري اشووف شكلج ..
فطامي : مالت علييج ..
ميثوه : وعليييج .. يلا بآآي صبايااااا ..
كلهم : بآآآآآي ..
فطامي ما كانت تباها تروح لانها الحين بتنجر انها تيلس وياهم .. ويا محمد اللي ما تبا تشوفه ..
وصلوا المطعم .. وسلموا على عيال عمهم .. ويلسوا احمد مجابل عبير ومحمد مجابل فطامي وعويش مجابل ساروه ..
على فكرهـ .. > احمد وعبير يحبون بعض وبس يخلصون الدراسه بيعرسون <
احمد يطالع عبير ويبتسم لها وهي مستحيه وما تروم تاكل ..
اما فطامي ومحمد .. ولا حتى تعطيه نظره صاده صوب عوآش .. او تصد تحت ..
تموا يسولفون واحمد يخبرهم عن اللي سوآه بسآروه ..
ومحمد وفطامي مو هني .. فطامي بدون ما تحس صدت عنده ويت عينها بعيونه
كانت العيون تتكلم .. عيون محمد تعتذر وعيون فطامي ما تقبل و بسرعه فطامي صدت الصوب الثآني .. وتموا ع هالحآل لين ما خلصوآ الغدا .. وفطامي صاخه ما قالت ولا كلمه طول ما هي يالسه .. ولما خلصوا الغدآ ..

عوآش : يلا بنوتات نشوآ خلونا نروح نتشرى اغرض ..
ونشوآ وراحوا ومحمد يراقب فطامي من بعيد ..

عوآش و فطامي فـ صوب .. وعبير وسآروه فـ الصوب ثاني ..
فطامي وهي سرحانه .. يوم الاحد عيد ميلادك يا محمد .. كان خاطري اقولك كل عام وانت بخير مثل كل سنه .. بس انت اللي اخترت ..

جذبهـآ محل يبيع ساعات رجاليه .. دخلت وخذت ساعه تهبل ..
عواش حست انها هديه لمحمد بس ما حبت تفتح السالفه ..
فطامي تبين لعواش انها مو لمحمد : فهد وصاني اشتري له ساعه
عواش : ما تعرفين تجذبين فطامي انا اعرف هالساعه لمنو ..
فطامي نزلت راسها
عواش : فطامي ترا عرفت شو سوآ محمد امس ..
فطامي رفعت راسها وعيونها نترسن دموع ..
عوآش : والله ندمان على كل اللي قاله .. ويبا يعتذر منج بس ماله ويه ..
فطامي :..............
عوآش : فطامي فكري ترآ محمد قال اللي قاله بلحظة غضب .. وانتي قلبج كبير وبتسامحينه ..
فطامي خلاص وصلت حدها ما تروم تمسك عمرهـآ ..
لوت عليها عويش ونسوآ انهم يدام الناس
كانوا قريبين من المكان اللي يالس فيه محمد لمحهم من بعيد وشاف فطامي تصيح جان يقوم بسرعه ويروح صوبهم ..

محمد : فطااامي
فطامي شافته ونزلت راسها ..
محمد : فطامي انا آسف ع اللي قلته امس ..
فطامي : تعتذر بعد شو بعد ما جرحتني ..!!!
محمد : والله ما كان قصدي
فطامي : محمد خلاص اللس سمعته منك كفايه .. وابا منك شي وآحد بس .. تنساااني وبس

شوو تتوقعون ردة فعل محمد ..!!
وهل بيحاول مره ثانيه يطلب السماح من فطامي ..!!
وهل فطامي معاها حق .؟