كان ياما كان في قديم الزمان وسالف العصر والأوان
صلي على محمد يا سرور وأذكري الرحمان عظيم الشأن
كان فيه واحد دخل على ناس في بيتهم وكان هو شخص جديد
عليهم وكان في هذا البيت بنت مهبله في أهل البيت هبال مصرقعتهم
ما فيه حد ما سلم من شراها كل يوم طايحه فيهم مقالب ومصايب ومواقف
اللهم يا كااافي والكل معلن له الراية البيضاء لحد ما دخل عليهم هذا الشخص
اللي قلت عليه ومن أول يوم له طاح هو فيها وهي طاحت فيه كل يوم مقالب في بعضهم
وصارت بينهم حروب وأهل البيت كان يتفرجون على هذه الصراعات الدموية بينهم من طرف
و من طرف ثاني فرحين إنه جاههم اللي يوقفها عند حدها شووي ويريحهم منها ومن مقالبها
ويرد لها الصاع صاعين ومرات أيام وليالي على هذا الحال لحد في يوم من الأيام
ومع طلوع شمس يوم جديد الكل تفاجئ بالبيت إنه الشخصين صاروا أخوان وأصدقاء
لا وغير كذا صار يدافعوا عن بعض وياويل اللي يقرب لهم أو يحاول بس يتحرش فيهم
يسفرونه خروج بلا عوده وراء الشمس ولأحد يدري عنه مرررررره
وأهل بيت قالوا يا من شراء له من حلاله عله حنا وهي لحالها ما سلمنا منها
هالحين صارت هي والضيف الجديد مع بعض من يكفنا منهم هالحين
ومن مقالبهم ومصايبهم وصاروا كل يوم والثاني هذا الشخص ومع هذه البنت
يوقعون واحد من أهل البيت بمقلب أو مصيبة أو يأخذون لهم شلة كاملة ويستلمونهم مقالب
ومر يوم وراء يوم وعين الله على الشخص هذا والبنت كل يوم يتفننون بالمقالب بأهل البيت
لحد ما جاء يوم غريب عجيب كان صدمه لأهل البيت كلهم هذا الشخص قرر يترك البيت ويهاجر
الكل زعل وتضايق وحتى هذه البنت كانت مثلهم مو مصدقه الخبر وحاولت تثنيه عن هذا القرار
لكن هو كان مصر وقرر يهاجر وبالفعل هاجر وترك هذا البيت
ومن بعده المقالب والمصايب قلت وعم الهدوء والسكنية و تم إعلان وقف النار والسلام بين أهل البيت
واستمر البيت لم يتوقف برحيل هذا الشخص وأهل البيت كل يوم عن يوم علاقتهم ببعضهم تزيد
والبيت يكبر ويزداد روعه وجمال ، وتوته توته خلصت الفزوره
هالحين يا سرور الشطوره ممكن تقولين لي :
من المقصود بالفزوره ؟؟
من الشخص هذا ؟؟ ومن هي البنت ؟؟ ومن هم أهل البيت ؟؟ واش اسم هذا البيت ؟؟