ترضى أحـــــد يفـــتش جــوالـــك؟!ولمـــاذا؟

:: ترضى أحد يفتش في جوالك ! وليــش ؟ ::

الجوال ( مستودع الأسرار )!!

أصبح الجوال جزء لايتجزاء من حياتنا اليوميه مانطلع إلا بالجوال ومانقعد ولا ننام إلا مع الجوال

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...!!

الجوال مثل السكرتير

اللي يذكرنا بالمواعيد والساعات متى علينا محاضره وفي أي قسم

والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:

والمنبه ( أهم شي المنبه )

اللي يرن الصباح وقت الدوام .. نحط على غفوه وهالغفوه 10 دقايق

ومانقوم إلا إذا حد قال لنا :.. قومووووا دووووام متى بتروحوون...!!!

الملاحظ إن فئه عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك جواله

ودايماََ مايقولون

( لحد يلعب في جوالي ) !!

هالجمله البسيطه تحوي معاني كثيره (ممكن تفسرونها )

ليش مانرضى أحد يفتش أو :يلعب: في الجوال

هل هو الحرص عليه !!

ولا من زوود المحبه !!

ولا فيه شي خطير ماودك حد يشوفه أبد !!

هل لهالدرجه جوالك خطير ماتخلي حد يقرا مسجاتك

ويشوف قائمة الأسماء اللي بجوالك

ولا يسمع النغمات اللي منزلها ولا يشوف كم فيديو إستعراض

ولا فيديو كليب<<وهذا اللي مادري ليش يحطونه!!

الأسئله كثيره والتساؤلات أكثر حول هالموضوع

ماودي أطول عليكم بس أخليكم تفكرون وتجاوبون ..

أولا: يعطيــك العافيه على الموضوع الرائــع :edclap:
ثانيا : أنــا أعتقد أن الجـوال فيه خصوصيات ماأمانع اذا اختي فتحته او أمي عادي لكن صديقه أو قريبه مثل بنت خاله صراحه أتضايق وأحسن أنها من الوقاحــه أن يجي أحد ويفتش في جوالك .. هذا رأيي الشخصي ..
ولكم فائق تقديري واحترامي
:fasel909:

موضوع رائع سهم
انا عن راي
عادي لو احد فتش جوالي
لان انا عندي هواية اقرا المسجات خخخخخخ
لكن مو اي احد يفتح جوالي
انقهر ان تجي وحدة من صديقاتي تفتح التقويم وتقرا ولا الا رشيف احسه من الخصوصية
يعني وحدة تسالك موعد المستشفى هذا ليش سلامات ؟؟ >>> قمة اللقافة ..

اخوي سهم الشخص اذا كان يمتلك جهاز حاسب- او دفتر هاتف (نوته)ماوده احد يقربه (بدون استئذان)

وش حال ان كان جهاز جوال؟؟

اخوي--

ارفض انه احد يمسك جوالي بدون اذن----وممكن بنوتات--واذا صدف احد من اخواني طلبه--اعطيه

بس والله لقعد لاصقه حنبه اشوفوش يبي فيه---اما لوبنت اخليها تفتش (بس تحدد تفتش وين)

اخوي البنت تستحي تمسك جوال اخوها لأنه مايخلى من الشغلات المحرجه

يكفي انه فيه ارقام اصحابه

طيب الولد المفروض يقدر نفس الشي

وبرضو افضل محد يمسك جوالي000مع انه اصراري على هذا الرئي

يخليهم يشكون بالوضع---بس الاهم اني مقتنعه ان تصرفاتي تخلو من الخطأ



اخوي سهم---اهنئك--على طرحك لمشكله قاااهرتني

واعذرني عالاطاله

ودمت للافضل دوما

لو انت مسكت جوالي

شوف وش يصير فيك:couto:

وجوالي فيه اسراري:sagrin:

بس الطبع هذا موزيييييييين واللقافه شينه:46:

عادي عندي أصلا جوالي دايم يضيع مني أحطه بمكان وانساه واقعد ادور بالبيت دقوا على جوالي ودقوا على جوالي

مره كنت بطلع مشوار وانا اكلم وفاتحه الدولاب واختار لبس وخلصت وحطيته على الرف وسكرت الدولاب واقعد ادور واحوس وماحصلته

وبعدين جت الشغاله كاويه الملابس وتحطها بالدولابوتشوفه وتقول مسس هادا جوال انتي

ابوي يقول عليه بحبل برقبتك

بس لايفوتكم إني حاطه قفل ما أحد يقدر يفتحه

ياناس فيه خصوصيات

ياناس الجوال وسيلة إتصال ومو كاتم الأسرار

بس هذا مايمنع إنو من الأخلاق الإستئذان

وأعتقد إللي واثـــــــــــــــــــــــــق من أخلاقه ............. مايكبرها لمن أحد يشوف جواله .............بس كمان يديه درس في آداب الإستئذان