ملامح شاحبة ووجيه تذبل والحزن ينعاد
................................... يشتت مابقى منّي .. ويكسر باقي سيوفي!
على ذاك الطريق أكتب ضياعي والجروح امداد
.................................. تسقيني تعب كافر / وتزرعني مع حتوفي !
كثر مايتسع ضيقي وأصبح له وطن وبلاد
..............................أشوف الدنيا في عيني تضيييق/وألعن وقوفي !
وأشوف الليل من حولي يرتّب للتعب ميعاد
............................... وأضيّعني مع أنفاسي وأعيش أتنفس كفوفي !
يكبلني الحزن (مذنب) / وأذوب فـ قسوة الأصفاد
.....................................وأقول الله (ياخذني) مادام قبورنا توفي!
مشيت وخطوتي (ضاعت) فـ دربٍ فيه حلمي باد
............................... ولاادري ليه تجبرني على توديعه ظرووفي !
تصيح الدمعة في كفّي وأنا ياحيلتي وش عاد !
................................أغنّيها بـتعب( موّال ) بعد ماماتت حروفي !
بقا هذا المدى شاحب .. بقا هذا الشعور رْماد !
..............................وانا باقي أسامرني (عبث) والوحده ضيوفي !
ترا ماعاد يعنيني بخل فرحي عليّ أو جاد ..
...............................مادام إنّ العمر ( نار ٍ) توقّد في قعر جوفي !
عزاي إنّ التعب واحد ولو يلبس ثياب جداد
............................مثل أمس ومثل قبله بـ عيش أصارع كتوفي !
عزاي إنّ الثرا صاير تعب يستجدي الأعياد
...........................بدا صوته مشقّق حيل ينادي للسما ( رووفي ) !
وانا يا أرض قبيلة همّ ماتت ترجي (إ)لها سهاد!
...........................وليت الموت بس مرّه عشان أرتاح من خوفي !
07-05-2007, 03:42 AM
انا يا أرض ((قبيلة همّ )))ماتت ترجي..... 
(إظهار الكل)
الأعضاء الذين شاهدوا الموضوع : 0
العرض العادي
