سالفه حصلت معي اليوم الظهر

الأميـــ ع ــــر · 21-05-2007, 09:45 PM

مشكور يا حلو

من مواضيعي في منتدى الصرقعه والتنسيـــــــــــــــــــــــم ( كاريكاتير رائــــــــع)
http://www.alsaifonline.com/vb/t11562.html

بنوتة انيقه · 21-05-2007, 10:55 PM

صدق قليل ادب مايستحي على وجهه موكفو سياره
وانت ياااااا قاهر ماوصيك وصدق الي سويته عشان هذا العامل بينكتبلك اجر عند الله

سهم الخواطر · 21-05-2007, 11:09 PM

هلا والله قاهر

تبي الصراحه انا انصدمت من رد بعض الاعضاء

واعتراضهم على الجنسيه

وانا اقول الشي اللي رجعنا ورى هو هذا التفكير الرجعي

اللمملكة العربية السعوديه

دولة تطبق احكامها من كتاب الله وسنة رسوله

والرسول قال في مامعنى الحديث لافرق بين عربي واعجمي الا بالتقوى

واستحاله انك تجمع الناس كلهم وتساويهم ببعض ..

والله العظيم لو العامل هذا بدوله اخرى اجنبيه او دوله مثل الامارت

اللي قبل فتره مسويه نظام بس عشان يحمي حقوق الاجانب ماكان صار اللي صار له

اعذروني على ردي

بس والله عندنا بالسعوديه ناس كثيرين يحتقرون الشخص عشان جنسيته

صدقوني كلمه من هالعامل الظعيف وربك بينصره على اللي ظربه

لو قال حسبي الله ونعم الوكيل

وش تتوقعون بيصير بهالبغيض

فكروا معاي

واعذروني على طولة ردي

ويعطيك الف عافيه ياقاهر

والله يكثر من امثالك

قاهر الحب · 23-05-2007, 01:42 PM

هلابكم و الله
ومشكورين على المرور والتعليقات الرائعه

مـــلـــكـ · 23-05-2007, 02:33 PM

اقتباس:

المشاركة الأصلية كتبت بواسطة قاهر الحب

اليوم الظهر بعز الحر الساعة 1 تهاوشت مع واحد كان يهاوش عامل في المحطة
القصة و ما فيها إن هذا الشخص البغيض كان موقف قدامي يعبي بنزين لسيارته
قال هو لعامل المحطة ملي السيارة ولما خلص العمل قال له المبلغ 50 قاله له هذا الرجل ومن قال لك تعبي بـ50
قال له العمل أنت قالت لي ملي الخزان قال هذا الرجل البغيض أنا ما قلت لك قال العامل إلا أنت قايل قال له هذا البغيض رأس مالك عامل لا ترفع صوتك علي ومير يضرب العامل كف على وجهه ومير يجي العامل عندي و يقولي أنت سمعته يوم يقول ملي السيارة لك له نعم قال لي الرجل أنت كذاب قلت له كذاب بعينك أنت الكذاب و النصاب بعد و قلت له ليش تمد إيديك عليه تراه ادمي مثلك دخلت أنا و إيه في ملاسنه ولم بداء يسب أنا خلاص وصلت حدي نزلت العقال و بديت ضرب فيه و أنا و إيه ضرب ومير يوقفون الناس ويفكون بيننا وأقولهم السالفة ويقول لهم هذا الشخص البغيض أنت كذاب قلت له احترم نفسك و بعدين قال العامل له خلاص أنا ادفع الفلوس قلت له لا وألف لا وأروح لسيارة و أجيب المصحف و قلت له أحلف على المصحف إنك ما قلت للعامل يملي السيارة .
تعرفون وش قال قال أنا مو طاهر قلت له دورات المياه توظاء وحنا نحتريك قال لا قلت لهم خلاص بانت مير هو يبدأ يلعن و يسب قلت له اسكت بس لا تزود الفشيله والناس حولنا يضحكون عليه و يعاتبونه على تصرفه ويوم توقف إحدى الدوريات عندنا وأقوله السالفة قال يا تحلون السالفة ودي وإلا تروحون معي للقسم لان المسالة صارت مضاربه بيننا قال خلاص راح أدفع .
وسبحان الله واحد من الحاضرين كان عامل محطة ثانيه يوم شاف الرجل قال لشرطي هذا قبل يومين عبئ بنزين بــ30 ريال و مشى وما دفع الفلوس طلع بالأخير راعي سوابق يلعب على راعين المحطات يعبي و ما يدفع
وشالوه معه إلى القسم و أنا طيبت خاطر العامل وشكرني على فزعتي له عبيت بنزين و رحت للبيت بعد ساعتين من الهوشات مع هذا البغيض حتى الوالدة خافت علي ليش تأخرت لأني قلت لها أنا طالع أصلي الظهر و أجيب جريده و راجع لكن طولت على العموم هذا اللي صار بغيت أقولكم اللي صار معي لأني مزاجي اليوم تعكر بسبب هذا البغيض.

الله المستعان

هذا نصاب ويلعب علي اصحاب المحطات

ياخي

هذوول الاشكال مذكورين بالقرأن

وبالنص الصريح

انهم نصابين ومنافقين

عاد مانب قايل منهم

الي يبحث اكيد بيعرف منهم

ما نقول الا حسبي الله ونعم الوكيل

~..شموس..~ · 23-05-2007, 03:39 PM

حسبي الله عليه مايستحي على وجهه بعد يكذب

ماشاء الله تصرفت صح مع هذي الاشكال
جزاك الله خير قاهر على الي سويته .

طبعي ذبح غيري · 24-05-2007, 09:55 PM

ياااحلييل سالفتك
ان دل ماشاء الله د ل علي قلبك الطيب

قاهر الحب · 25-05-2007, 02:21 PM

أشكركم على الردود و التعليقات

عسكريمه · 28-05-2007, 02:11 AM

تصدق عاد

والله انه مخ

بس لو يستفيد من مخه وافكارووه بطريقه نظاميه كان يطلع موهوووب خوذوه من <<<وش عنده هع

يسلموكا ياسنافي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
((فضيحه شركه الاتصالات السعوديهai_jawal ))مهم لجميع السعوديين..سالفه صدق..	خليجي ولكن	آخر أخبار الساعه	34	30-10-2008 02:29 PM
تخلص من الآم الظهر	قاهر الحب	منتدى الصحة والطب	8	04-01-2008 12:03 PM
الحمد لله حصلت اليوم على الليسانس	احمدقطب	أخبار اعضاء منتدى السيف	35	05-11-2007 06:22 AM
آلام أسفل الظهر ..	!! عانيتـ بـ سكاتـ !!	منتدى الصحة والطب	14	25-05-2007 12:06 AM
سالفه خياليه مخلوطه باعربي والبدوي ههههههه لاتفوتكم	بـقـه	منتدى الضحك والفرفشـه	1	13-12-2006 04:47 PM


الرئيسية - التسجيل - لوحة التحكم - مركز تحميل الصور الملفات - طلب رقم التنشيط - دليل مواقع السيف - القرأن الكريم - الصفحة الشخصية لحور - أسعار الاعلانات

الذين يشاهدون محتوى الموضوع الآن : 1 ( الأعضاء 0 والزوار 1)

(إظهار الكل) الأعضاء الذين شاهدوا الموضوع : 0
لا يوجد أسماء لعرضها.

سالفه حصلت معي اليوم الظهر

أخبار اعضاء منتدى السيف