مذكرات واحد منسم...

الغريب؟؟؟ · 21-05-2007, 10:24 PM

مذكرات واحد منسم
===============

وصلتني بالبريد وحبيت انقلها لكم وانشاء الله ماتكون مكرره

أول شي إذا أنت ما عندك وقت الحين تقرأ لمدة عشر دقائق فقفل هالرسالة وافتحها بعدين هذي مذكرات
المنسسسسسسسسسسسسسسم ههههههههههههه اسلوبببببببه مخروووووش خفييييف دمم من جد بس اسمعوا يبيلكم
تقرونها وكذا انتم انواع ابو ابو ابو الفضاوه ومروقين شغل السريع سريع ما ينفع ...

يقدر السمينات

يوم كنا صغار ، نشتري ببسي بريال يقولون ليييييه ورا ماجبت العائلي ..نشتري خروف يقولون ليييييي ورا ماجبت اكبر ..
نشتري تفاح بالكيلو يقولون لييييييه ورا ما جبت كرتون .. نشتري كامري يقولون لييييييه وراك ما شريت جمس .. اللي
فهمته إن الكبير أزين من الصغير وان المتين أزين من النحيف .. نعم أنا ضحية رسائل مرروها أهلي لعقلي طوال عقدين من
الزمان ..

فتيات أحلامي ... زي كل شاب لازم أمر بفترة المراهقة وكل الناس كذا باستثناء أمي وأبوي يقولون إنهم كانوا أطفال وكبروا
وصاروا راشدين على طول ما مروا بفترة مراهقة طبعاً يؤسفني إني أقول إن أهلي كذابين نعم أهلي كذابين وأنا ولدهم فأكيد إني
أنا برضه كذاب .. إلا في شي واحد عشقي للسمينات والمتينات وادوخ ايما دوخه عند المربربات هذا صدق ما فيه جدال..

زمااان أيام ما كان محمد عبده طاق تسعة ازارير في الياقة وشعر منصور مفتاح كنه عرفجه كانوا أبناء جيلي مفتونين بعلا رامي وأختها بسحر وأنا الوحيد اللي شايل صورة وفاء مكي قسم بالله اهل وفاء مكي ما شالوا صورتها وانا شلتها .. ويوم دخلت وفاء مكي السجن فكرت اشيل القضيه عنها واروح للنائب العام في دمنهور واعترف .. لحمه بيضا اختصاراً للوقت .. حرمه صدقيه .. عندي اعتقاد الى درجة اليقين ان الحرمه ما تكتمل أنوثتها إلا إذا صارت زنودها مثل زنود محمد علي كلاي تملا حياتي وتملا بيتي وتملا السرير .. تحس معاها انك مع حرمه اكره النحيفات احب الحرمه اللي جسمها مثل الطماطه الخربانه مثل مسحب الدجاج لو تحط إصبعك في بطنها طلع مع ظهرها ما فيها عظام .. حرمه وأنت معاها سكرت باب الشارع وكأنك ماخذ اربع..

أما النحيفة اللي مثل الشايب .. كلها عظام وعروق ماباها ماباها ..ويوم طحنا في الدشوش انهبلوا العالم عند هيفاء واليسا و.. و .. وانا بغا يغمى علي يوم شفت كلوديا الشمالي خصوصاً اذا كشفت عن كتوفها وقالت طلبت الألب عطيتك ألبي .. لكن ما فيه قناه إلا وحاربتني عليها واختفت والله عوضني خير وجاءت عنق الفقمة وحفيد سيد قشطه .. ديانا كرزون ..صوّت لها لين بغيت ادخل السجن من الديون .. وبكيت أكثر من امها يوم فازت ولأني من فئة (انزه في روض المحاسن مقلتي ... وامنع نفسي أن تنال محرما) قررت اعرس.

أنا وشبه القارة..

أمي برضه قررت تخطب لي بنت سمينه ما هوب علشان هذا طلبي .. لكن عندها يقين إن البنت السمينه اللي شعرها طويل واسود جيده في شغل البيت والحمل والولادة امي تبغا جاريه وانا ابغا زوجه .. اتفقنا في المواصفات واختلفنا في الاهداف .. كانت الشريحة المستهدفة هن البنات اللي من وزن (100 الى 150) ماااااش هذا وزن الذبابة أبي وزن الفقمة..

دورنا يمين شمال الين جاءت وحده من خواتي من أقصى المقلط تسعى .. أبشرك أبشرك .. يقولون لنا بنت عم في عنك
ما لقوا ميزان ياسعها وعطتني معلومة كانت كفيله باتقاد شرارة الشوق في قلبي الفتي .. البنت من شدة سمنتها ما مشت إلا في سادس ابتدائي..

رحنا الديره وخطبناها وبكا ابوها يقول ما نيب مصدق .. وامها حبت راسي ويوم جت تحب ايدي سحبتها وأنا أقول استغفر الله أنتي زي امي .. تعال بكره شف العروس .. اوكي .. بكره بكره .. يقولون عيارتها شبه القاره لأنها مترامية
الإطراف وأنا أقول القمر ما غاب .. وجرى الدم في عروقي والتهبت مفاصلي شوقاً يوم قال أبوها البنت سمينه ولا تقدر تدخل عندك المجلس خل الشوفه في مصلى العيد في البر .. الف مقوي مايسوى اللي سواههالخبر انهبلت وغديت كنى على حامي المليله .. اخيرا اخيرا .. يا شيخ خربوا البنات من تالي رجيم وسناك وقلة حيا ايييييييييه هذي الحرمه شبه القارة لبا قلبها..

انتظرت في مصلى العيد واقبلت سيارتهم.. فيه هاله حول السيارة تفضح البدر اللي داخلها .. الشكمان ريحته عطر ..
سويت نفسي برستيج ورحت افتح لها باب السياره لقيتهم شايلن المراتب وحاطين جلسه عربي ومركا تقول كنهم في مجلس موب سيارة وسحبنا البنت بواير وطلعت .. يا شيخ يلعن أم الووووووصف اللي قال شبه قاره جابها .. البنت مترامية الأطراف إلى درجة إن حرارة الطقس عندها تختلف لابسه من تحت صيفي ومن فوق شتوي .. البنت تعدت مرحله اللحمه ودخلت في مرحله متقدمه من الشحمة .. ما راح أوصفها لكم يكفي تتخيلوا جمس ابيض وعلى الصدام شوية روج بالضبط هذي هي البنت من الخجل دخلت عرض في السوالف .. قالت تصدق انا مولوده خديج قلت وشلون يعني قالت مولودة في سبع شهور موب تسعه قلت وانا اتميلح لا تشيلين هم بكره اروح للأمير محمد واطلبه راتب الشهرين اللي طافتك قلت في نفسي يلعن ام الحاله يعني لو كملت الشهرين كان فوق هالجمس كورلا بعد ..
قالت انت تدرس والا طالب قلت لاهذي ولاذيك توني في الجامعه وضحكنا .. انا هههههه وهي خأخأخأخأخأ..

رمشت بعيونها في دلال الين عجعج الغبار حولنا قالت سمعت انك مسوي دون جوان في الخبر ومهبل ببنات الصن سيت .. قلت عاد هذي مبالغه مو كل بنات عليشه بس بنات كلية التربيه بس .. ههههههههه و عخأ عخأ عخأ عخأ .. قلت على فكره ضحكتك سبشل قالت مادري بس كلهم يقولون أزين ما فيك ضحكتك ..

طبعاً أبوها وأمها وقت الشوفه صدوا بعيد يقولون على ايش نغار .. انتهت الشوفه وقبل امشي عطتني ورقه وراحت تطعس الين وصلت السياره .. كاتبه في الورقه ..وان كان جسمي كبير..قلبي اكبر ويشيل مثلك عشره..اسيرتك/امتثال....حلوه يشيل مثلي عشره البنت صايعة..

قلت مسكينة خانها التعبير.

من بكره كلمتها بالتلفون >>>>> نحسبك كلمتها بالمايكروويف .. وسألتها من عرض السوالف ليش وزنك بزيادة كذا ..
تحشرج صوتها وتهدج وقالت ما خليت دكتور في الديره ما رحت له (على فكره كل الديره ما فيها الا دكتور واحد باكستاني جاي بفيزة سباك) ايوه اسلمي وش قالوا قالت يقولون عندك مرض نادر يصيب شخص واحد من كل مية ترليون شخص اسمه نذالة المعدة قلت وش ذي نذالة المعدة قالت إن المعدة عندي فيها نذالة إذا أكلت لو زيتونه تصيح المعدة وتقول كبسه جريش مرقوق يقومون الإنزيمات يصدقون ويدهرون إفرازات وذا المرض اسمه العلمي ( معده بوعمااار) قلت وانا اخفف عنها نذالة موب نذالة حبيتك بكل ما فيك من شحم ولحم .. وش رأيك نتزوج الخميس الجاي قالت اوف الجاي طيب قل في الصيفية قلت ودي بس ما ودي أبطي على القرّاء ودي نخلص الموضوع بسرعه .. قالت تم .. قلت هاتي بوسه قالت امووووووووووووووخأ خأ خأ خأ خأ.

جاء المأذون .. سألت ابوها كم المهر قال يابوك بلا مهر بلا هم خل الدراهم معك تنفعك في مصروفها .. المأذون عيا
يكتب يقول إن الشرع حلل اربع وانت بتعرس على وحده عن خمس يا شيخ يهديك يرضيك قال ابد أنت متعدي النصاب ..
البنت معاها عم عصبي قام اخذ سكين وراح للبنت شوي وهو جايب شوي من كتفها قال هاااه يا شيخ والحين قال الشيخ اوكي بيبي ناو وي كان دو >> مأذون من الحزب الجمهوري.

أخذت شبه القاره وجينا بنركب السيارة حاولنا نعفطها يمين يسار مااااش عيت تدخل قامت امها جابت نيفيا ودهنت كتوف البنت وحشرناها في السياره وصلنا الفندق ماطاعت ترقا الغرفه حطولنا خيمه في البهو ودخلنا .. هنا بيت القصيد..

ليلة دخولي بشبه القارة..

انا وشبه القارة .. البنت الأسطورة البنت اللي ما مشت إلا في سادس ابتدائي وجهاً لوجه .. استجمعت كل ما قريته من
كتب طبيبك وتحفة العروس وبيني وبين إني اصير اب خطوه ونص .. قالت دوك .. وأعطتني كتيب بتوقيع أمها مكتوب عليه (طريقة الاستخدام) كلام ورسومات واسهم واسهم واسهم ومربع عليه علامة اكس مكتوب الموقع .. وتحت مكتوب (ممنوع دخول المغاتير) .. مشيت على الخريطة ماااااااش ضيعت حاولت وضعت الظاهر المخطط اللي سوته امها قديم قبل لا يحطون حفريات وخبركم الشرقية كل يوم في توسع..

حسيت إن رجولتي على المحك قعدت ابكي .. وعاودت الكره .. جيوشي وأسلحتي جاهزة والبنت تقول المصمك حصن
منيع يساعدها عوامل جغرافيه وطبيعة تضاريسها .
حتى البنت الضعيفة قامت تبكي وتقول أنا أساعد جيوشك يعني خيانة من داخل الحصن .. حتى الطابور الخامس ما فاد ..وبكينا..

أصبح الصبح .. وطلعت الشمس ووقعنا هدنه .. وجلسنا على طاولة المفاوضات فكرنا في حل سلمي للازمه ..
بغيت اخذ السالفه جد وارش البنت بكيماوي بس قلت ماله داعي ندخل الأسلحة الجرثومية في الموضوع .. تعبت نفسياً وخليتها ورحت لأبو علي .. صديق الطفولة وما عنه شي مغطى..

من شافني ضحك وقال هاااه قلت ضبع .. والله يمكن الضبع أزين .. قال خذ بس .. ناولني زقارة حشيش ماركة ودع
اهلك .. يعجبني في أبو علي انه مثال حي لصديق السوء مثل اللي يجون في الأفلام يوم شافني تعبان نفسياً عطاني حشيش ويعجبني فيني اني مثل الأفلام أخذها ولا أقاوم بزعم إن حالتي النفسية دمار .. قال الله يعينك
والله قلبي وقلوب الأخوان معاك >> ابو علي إذا انسطل يتخيل نفسه عضو في حزب الأخوان المسلمين .. قلت خل قلوبكم
على كراسيها وعطني حل..

قال البنت اكبر من قدراتك لحالك ورا ما تطرحها اكتتاب وتجيب مساهمين .. قلت يا بو علي ودي بس أخاف يحطونها في القائمة المختلطة وإلا يوقف لي جماز ويقول أنا أول واحد خخخخخخخخخخ أبو علي حلك زي وجهك ..

قال طيب ورا ما تسافر البحرين زيارة عمل تطلع على المشاريع المشابهة وتسوي بروفه قلت ياخي البحرين كلها كيلو في كيلو يعني مستحيل ألقى مشروع بنفس المساحة إلا كان وحدتن نصها في المنامة ونصها في الدوحة..

طيب ورا .. أبو علي انطم .. اقول ليــ أبو علي انطم .. أبو علي لقيتها لقيت الحل .. نطلت الزقارة وهرعت إلى
الخارج كعاصفة هوجاء محمله بالأتربة وسيدا على شبه القارة..

شافتني اركض مستانس قالت هلا هلا هلا وغلا قلت أبشرك لا جيوش ولا حصون عندي الحل عندي .. قالت وشو .. قلت
تعالي .. جدعتها على الأرض وجبت مسطره وقلم احمر وقمت اسوي خطوط بالطول وبالعرض لين صار جسمها كله مربعات ورقمت المربعات من 1 إلى 100 وجبت اوراق صغيره مائة ورقه وكتبت على كل ورقه رقم وجدعت الأوراق كلها في غضاره وبالقرعة .. يعني باختصار اللي ما قدرنا عليه دفعه وحده نقدر عليه على دفعات واللي ما يقوى الكاااش يزبن التقسيط..

كل لليله اسحب رقم وانا وحظي مثلاً يطلع مربع أربعه عاد تعال شف وينهو فيه من جسمها في البطن في اليد في الرجل أنت وحظك .. وتصير كل الليلة بس لذا المربع اللي طلع رقمه .. ادعوا لي يا عيال .. اليوم طلع لي المربع رقم ..(5)

الأميـــ ع ــــر · 21-05-2007, 11:32 PM

مشكووووووووووووووووووووووووووووووووووووووووووووووو وووووووووووور

غزال الريم · 22-05-2007, 12:03 AM

:3dbiggrin3:

ههههههههههههه

يسلمووو

n_a_n_o · 22-05-2007, 03:18 PM

يوم كنا صغار ، نشتري ببسي بريال يقولون ليييييه ورا ماجبت العائلي ..نشتري خروف يقولون ليييييي ورا ماجبت اكبر ..
نشتري تفاح بالكيلو يقولون لييييييه ورا ما جبت كرتون .. نشتري كامري يقولون لييييييه وراك ما شريت جمس .. اللي
فهمته إن الكبير أزين من الصغير وان المتين أزين من النحيف .. نعم أنا ضحية رسائل مرروها أهلي لعقلي طوال عقدين من
الزمان ..

هههههههههههههههههههههه
أجل كم وزنك ههههههههه
يسلموووووووووووووووووووووووووووووووووووووووووووووو وووووووووووووووووووووووووووووووووووووووكو على موضوع كويس زي هيك

سهم الخواطر · 22-05-2007, 03:28 PM

هههههههههههههههههههههههههههههه

:w39:

يسلمو يالدب

الغريب؟؟؟ · 22-05-2007, 08:12 PM

اقتباس: المشاركة الأصلية كتبت بواسطة bvbvb

مشكووووووووووووووووووووووووووووووووووووووووووووووو وووووووووووور

مشكور على المرور ررررررررررررررررررررررررررر
تحيتي

الغريب؟؟؟ · 22-05-2007, 08:14 PM

اقتباس: المشاركة الأصلية كتبت بواسطة غزال الريم

:3dbiggrin3:

ههههههههههههه

يسلمووو

حيا الله الغزال
مشكوره على المرور وتسلم ها الظحكه
تحيتي

الغريب؟؟؟ · 22-05-2007, 08:16 PM

اقتباس: المشاركة الأصلية كتبت بواسطة الولد الذي كويس

يوم كنا صغار ، نشتري ببسي بريال يقولون ليييييه ورا ماجبت العائلي ..نشتري خروف يقولون ليييييي ورا ماجبت اكبر ..
نشتري تفاح بالكيلو يقولون لييييييه ورا ما جبت كرتون .. نشتري كامري يقولون لييييييه وراك ما شريت جمس .. اللي
فهمته إن الكبير أزين من الصغير وان المتين أزين من النحيف .. نعم أنا ضحية رسائل مرروها أهلي لعقلي طوال عقدين من
الزمان ..

هههههههههههههههههههههه
أجل كم وزنك ههههههههه
يسلموووووووووووووووووووووووووووووووووووووووووووووو وووووووووووووووووووووووووووووووووووووووكو على موضوع كويس زي هيك

هلا بالذي كويس
تسلم ها السنينات لاعدمنا ظحكتك
تراها جايتني بالبريد يعني مهوب انا هههههه
يسلموكووووووووو على المرور

سهم الخواطر · 22-05-2007, 08:20 PM

هيه

اقوول دق ريوس شف نسيت احد

الغريب؟؟؟ · 22-05-2007, 08:22 PM

اقتباس: المشاركة الأصلية كتبت بواسطة سهم الخواطر

هههههههههههههههههههههههههههههه

:w39:

يسلمو يالدب

حيا الله السهم
والله مهوب انا انا وزني معتدل :almee3-297: يعني المهم بدون فظايح خخخخخ
وبعدبن واصلتني بالبريد
تسلم على المرور ههههههههه

طبعي ذبح غيري · 25-05-2007, 06:26 PM

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه

عذاب عذاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااببببببب

قسم بلله اني كانوه حايطقوه خواصري من الضحك يلعن السمنه الصعععععععععععععععببببببببببببببببببببه

واجهة الموقع	المنتديات	دليل المواقع	القرأن الكريم	مركز تحميل ملفات وصور
طلب رقم التنشيط	الصفحه الشخصيه لحور	استعاده كلمة المرور	أتصل بنا	أسعار الاعلانات

مذكرات واحد منسم...

منتدى الضحك والفرفشـه