ياهلن اسهلن بالقدعنه كلووهم ..
ياطويلين العمر وماطويل العمر الا الشيطان
منب مطولتن حتسي
بس بورييك الى وين وصل ابداع الاطفالنا فلذة اتسبادنا وتفكيرهم المبدع اللامحدود..
هذا اخو لي اسموه عبود يبلغ من العمر 11 سنه تقريبا ((اعطيكم التفاصيل بالمزبوط)) شابن قيلوون امي وفاحسن تسبده ومابوه مرض ماجابله اياوه
وقوبل ادرس لاتدرس
حط لا تحط
جب لاتجيب
..
ذاك اليوم جالستن بالصاله والاخ جالسن معي ويمزمز قارورة عصير تروبيكانا التسبيره
ومير تطلعلوه امي وتنادي عليييييييه عبووود عبووود
اشرقتبووه
يوم لقتووه ومير تلعنووه يامنب قايله ماقلتلك قم ذاكر قربن الامتحان وانت مافتحت كتبك جيدن لا جاء الاختبار تفحس تسبدي المراره وشلنا والقيلون ثاير ناوين تهلكن انت ((استمرت امي بالهرج والاخ يشوفه مدري وشلون اقولكم تقدرون تقولون مفهي ))
يوم قضت امي
قال يمه ودي اسوي عمل فني
تغير وجه امي وانبسطت ((شي جميل ان ولدتس يصير مبدع )) المهم .. امي قالت ايه ولدي بعدي والله قم ولا جلستك تسذا ..!!
المهم وراحت امي وانا اشوف عبييد ماغير يقلب بقاروره العصير يمين ويسار قلت بيني وبين نفيب اكيد يبي يمسك الالوان وبيلونه او يسويبه شي بطينة الفخار اللي بقت من حقة المدرسه (( بحكم انوه صغير وخيالوه تووه بيفكر تسذا ))
قلت انا بسكت منب هارجه ابيه هو يبدع من نفسوووه
مابي اعطيه افكار << الله واكبر يهالافكار
الولد بهاللحظه قام وراح لغرفتوه انا قلت بسس لقى الفكره وراح يطبقه
جلست وجلست وجلست ماش مهيب عاده يتاخر لو امي قايلتلوه احفظ نص وتعال اسمعلك ماياخذ الا عشر دقايق وطالع تقل منفوسن عن غرفتووه
المهم جلس يمكن ساعتييييين قلت انا شكل العمل مجهد الصدز بس اكيد انوه استخدم طينة الفخار مهوب الالوان << ايقالي شغلة مخه
ومير يطلعلي
ويمدلي قاروره العصير
انا هنا تنحت
ابشوف وش هالعمل اللي طلع بووه وش جالسن يسوي بهالساعتيييييين مدري
المهم لاقيتووه لافن العصير بجريده ومعلقن ورقه فوق وكاتبن (( خطر))
انا ماستوعبت قلت وش ذااا ياعبيييييد
انا عرفت وشي بس استنكرت تفكير هالبزر
نخليكم تلقون نظره على العمل الفني المتعوب عليه ..
7
7
طبعن امي لعنتووه قالت لو اني داريه انا ذا تفكيرك يامنب قايله كان مخليتك تذاكر هع
يعني بالله وش متوقعه يمه :w16:
وشتسرن
22-06-2007, 07:56 AM
قلنا يمكن يبدع...هع 
(إظهار الكل)
الأعضاء الذين شاهدوا الموضوع : 0
ملآك
العرض العادي
