صـباح الـخير يا يمه صباح اليوم لك ميلاد
صـباح يمحي أحزانك ينسي الماض عناوينه
صـباح الورد وتفتح على غصن الصفا ميعاد
يـا ورد ريـحته اسـمك يـسأل العذر وينه؟
أنا يأمي بديت أعجز أعبر الأسف بأعداد
لـو أوصل بالأسف مليون ترد تعجز ملايينه
ودمع العين لو يجري مجرى الماي لك بالواد
تـظل ضـفاف هالوادي جفاف رجاه تروينه
بـكل لحظة تمر دونك أشوف الدنيا لي سواد
ظـلمة دنـيتي دونك يا شمس العمر وسنينه
وجيت اليوم وأنا جنبك وكنـي عن البلد ببعاد
لا سـلامي تـردي عليه ولا وداعي تحاكينه
دخـيل الله عهد مني ما أكرر الخطأ ولا يعاد
بـس أمانة لا تصدين عني وجهك لا تصدينه
أنـا أدري الـخطأ مني سبب لك حزن ووكاد
ودمـع الـعين فـي وجهك سببها فعلة شينة
أنـا زلـتني الـدنيا بـلهو وكـبرياء وعناد
وعـقلي بالهوى لاهـي وزلـته شياطينه
أبـدعي الله يـغفر لـي ذنوب ضيعت العباد
وأطـلب الـرضا منك تجفين ابنك تراضينه
أصلي الخمس وأتوكل على ربي الغفور الهاد
وأترك كل رفاق السوء وأصاحب صحبة زينة
وأوعـدك اطفي أحزانك وأنثرها هبوب رماد
وأزرع عـمري لك آمال وتزهر لك رياحينه
وأمـسح دمـعتك بـيدي وأثبت بسمتك أوتاد
وأروي الـفرح فـي قلبك لجل تحيا بساتينه
جـرحتك يـأمي أنا أدري وهمك بالحنايا زاد
وعـلى زحمة هموم دنياك صعب انك تداوينه
صعب مثلك تجيه رماح من أصغر ثلاث اولاد
ما فحقه عليك قصور مضى عمـرك تربينه
أنـا الـصقر الذي خانت سنينه دربه المعتاد
تـخبط فـي عـتم لـيله وانكسرت جناحينه
مالي غير أقول آسف وما عاد أجرحك ما عاد
هـذا الـعذر وأنـا آسـف وليتك ما تردينه
صـباح الـخير يا يمه صباح اليوم لك ميلاد
صـباح يمحي أحزانك ينسي الماض عناوينه
منقووووووووول
13-08-2007, 09:55 PM
"صباح الخير يا يمه" 
(إظهار الكل)
الأعضاء الذين شاهدوا الموضوع : 0
العرض العادي
