:::: دعـــــوه لتفتح قلبـــــك ::::

بصراحه دعيتلك اخوي سهم عالفكره اللي محتاجينها بقوووووه..

انا اول مره ادخل هذا القسم..وحمدلله اني دخلته..لاني بالذات اليوم حاسه ان اتعس انسانه..

ودايم اذا مريت بهذا الوضع اكتب بورقه واقطعها..بس حبيت افضفض مع المجروحين والمكسروين لانه فيها تخفيف اكثر..

اكثر شعور مايتحمله الانسان..انه يحتقر ويكره نفسه..

حاسه اني اكره نفسي..مدري ليش مااحب اللي يحبني..مدري ليش مااقولهم من البدايه و بصراحه ابعدوا عن طريقي..اسوي فيها اني

اخاف علىشعورهم.. وافكر اني انسانه طيبه..وبالاخير يتعذبون..وتوصلني اخبارهم انهم بقمه الحزن وباين على وجيهم التعاسه..

وانا وش شعوري..ناسيه كل شي..وماجوا عالبالي الا لحظات..وش نفسي هذي..اي قلب احمله بصدري..والله اني احيانا احط يدي على

قلبي اشوف هو فيه قلب ينبض.. الكل يقول عني انسانه كلها حنان..واذا مرض احد من اهلي امرض معاه ويبان علي وجهي المرض

قبل مايبان عليه..بس مدري ليش انا كذا..ليش اعطي ناس فرصة تحبني واخدمهم بعيوني واعلقهم في..وبعدين اتركهم ولا ابادلهم اي

حب..

والله الكيبورد صار كله دموعي..حمدلله على الاقل اكتشفت انه عندي احساس..

مالي الا اني ادعي ربي يكره كل اللي حبوني في..لاني مااستاهل حب..

والعذر الوحيد اللي التمسه لك يانفسي..انه الناس فهمت مساعدتك لهم غلط..وفكروك تحبينهم واعطوك حب فوق

ماتتصورين..واكيد بتكون رده فعلك التراجع...بس كان المفروض انك تتراجعين من البدايه..اذا كنتي صح طيبه...موالحين تنتبهين..بعد

ماصار حبهم لك كل حياتهم..<<<حاس اني انجنيت وبديت اهلوس واكلم نفسي..

اذن العصر بروح اصلي..والله يغفر لي..ويرحم قلوب تعذبت على ناس ماتسوى..

شكلي حبيت هذا الموضوع..

اليوم دخلت وشفت كلامي اللي قبل..بصراحه لوكان بورقه قدامي كان قطعتها..مدري ليش..بس شعور كذا..

ودي استشير احد بشي بس مدري..الله يسهلها يارب..

حاسه اني ودي اكتب كلام بس نعسانه وبرجع مره ثانيه ان شالله..

اخوي سهم يارب ترجع لنا بالسلامه ويحققلك اللي تتمناه ويسعدك دنيا واخره..

عزيزتى عــاشقه
من بوحكـ قرأت مشاعركــ
وحبيت ان أكتب لكى انكـ تملكين أحساس رائع فعلا وتجعلى من يقرأ كلماتكـ يعيش فى واقعها
واحب اقولكـ لاتندمى على اى حروف كتبها قلمكـ فصفحاتــك تظل ولكن من يقرأ يرحل ولا يشعر بحروف كتبها القلب قبل القلمــ ...

الله يسعدك يامنال..


فعلا ليش الندم..


اليوم بفضفض عن كابوس شفته من ايام وأثر في.. وسيطر على افكاري..


هو من السنه انك ماتذكر الاحلام السيئه بس ودي افضفض من غير مااقول تفاصيل الحلم لاني اخاف يتحقق..


الموت هو حق والكل عارف انه حق وكل انسان معرض له بأي وقت..


بس ليش كل انسان اذا مات له عزيز وخصوصا الام ولا الاب ينصدم وكأنه ماكان يتوقع انه الموت بيمر عليهم..


ويتمنى يرجعون لو ساعه عشان يستسمح منهم او يلبي طلب لهم.. كانوا يترجونه يخلصه وهو يتعذر كل يوم بشي..


انا بصراحه دايم يروح عن بالي انه امي وابوي ممكن بيوم يفصل بيني وبينهم التراب..والله الحين اكتب وانا ماني مستوعبه الكلام اللي


اكتبه..


والله سويت حركات كثير تقهر لامي وابوي وودي يعشون معي طول العمر عشان اعوضهم..


صايره اقلق كثير و كل شوي اشوف هم وين..وكل ماسمعت صوت اسعاف اتصل عليهم..


لدرجه اني اذا شفت امي غفت جنبي اقوم واشوف هي تتنفس ولا لا..


حاسه اني ضعيفة ايمان .. حاسه انه في كلام بنفسي كثير ودي اقوله بس مدري كيف اشرحه..


الله يعينا هو الانسان مخلوق بالدنيا وحياته كلها لازم تكون مشقه ومافي انسان سعيد..


ودي مايموت احد عزيز قبلي..ادري اني انانيه لاني ابي غيري يحزن وانا مااحزن على احد..


ودي اغير من حياتي كثير..ودي اسلم على يد امي وابوي ورجولهم كل شوي..بس مدري وش اللي يمنعني..


كل مااقول بسوي كذا اذا قربت منهم استحي مع انه موحيا بس مدري كيف افسره..


يمكن تعودنا انه كل واحد يحتفظ بمشاعره بقلبه..بس والله ودي احضنهم وودي اقولهم ترى مااتخيل الحياه بدونكم..


بس مااقدر..والله مقهووره..احس اننا تربينا نكون جلفين وجافين وكل مشاعرنا عيب نطلعها..ونخجل منها..


كالعاده اكتب ودموعي تشوش علي الحروف..


حمدلله اني بعد كل فضفضه ياذن علي اذان..اذن الفجر وخير مشتكى اليه ربي عز وجل..


الله يفرج هم اخوي سهم زي مافرج من همي..والله العظيم اني لي ايام بس افكر وماقلت لاحد والحين احس اني ارتحت شوي..

مافى احلى من البوح بقلمكـ ياعاشقه لصفحات يسكنها الصدق
احبـ اقولكـ شئ تعرفى انى جانى فتره احلمـ نفس حلمكـ ويسيطر على شعــور ان اقرب واحب الناس الى ممكن يضيعون منى
فى لحظه .. وكثير حيرنى هالشئ وجعل دموعى دايم قريبه كل ما اطلع بوجه امى او ابى لدرجه انى سألت شيخ عن الموضوع هذا تدرى شو قال لى ..
قال لى ان الأنسان القريب من ربه دايمـ يجى له فتره يهمس لى الشيطان ان اقرب الناس الى راح يموت ويفقده
لين يبدل سعادته النابعه من داخله الى هم ولكن الأنسان المسلمـ يجب ان لايسمع للشيطان ويؤمن بالقضاء والقدر ويعوذبالله دوم من الشيطان الرجيمـ . مادرى هذا صح ام خطأ لكن الحمدلله الأحساس هذا راح من عندى وكان والله دوم يجينى بصوره أحلامــ او أفكـار للحظه

وشئ ثانى .. ودى اقولكـ ما تكتمين مشاعركـ وعودى اهلكـ دايما بهالشئ اعرف راح تقوللى خلاص كبرنا على هذا
بس والله العظيم انا مثلكـ تماما عندنا بالبيت تربينا ان كل واحد يحب الثانى اه بس المشاعر ماتظهر يعنى اذا ودى احضن امى او ابى لازمـ افكر قبل مااسوى هالشي والمشاعر دوم احس انها مكبوته
بس تعرفى عـاشقه
هالحينه اعود امى على انها دايم تظهر مشاعرها الى لأنى بديت بهالشئ معها بس ابى الصراحه ماقدرت ودى انتى تقدرى وتغيريهم :)
عــــاشقه اتمنى تتقبلى بوحى اليكـ :) ولصفحــاتــ سكنها صدق الحــروفــ
مـــــودتى ... عزيزتى

عندمآ مررت بتللك التجربه ....

الم الفـرآق

تمنية الموت ....تمنية الموت...... تمنية الموت



موجع .... حزين .....مؤلم ..... ذلك الشعور

_شعور بلقهر.......شعور بشفقة من حولي_



بأختصــآر تجربه تجمع بين شفقه ودموع حزن..كسر خاطر ..وجروح

من يصدق فتاة مرحه تملك قلب مجروح


مدري منال هل وفقت بفتح قلبي اول مرهـ اكتب ...فشله

ياقلبي يامنال والله ريحتيني بكلامك..


وان شاالله بقاوم الشعور الغبي اللي يجيني واعبر عن مشاعري واخبرك بالنتائج : )

من يصدق فتاة مرحه تملك قلب مجروح

دوام الحــال من المحــال عزيزتى
أكيد نصدق ان هالدنيا تغير الفرح بالحزن بلحظه ..
اهمـ الشئ ان الزعل بيجى ويروح مادام الرضى بالروح

طبـــعى
اكيد توفقتى وتوفقتى
:) الصراحه حــروفكـ تحمل صدق معانيها
وأعجبنى كثير بوحكـ
لاتحرمى صفحاتــ الصدق من بوح قلمكــ
مــــودتى لطبووعه

صراحه

والله كلماتكم تستاهل الواحد يوقف عندها ويتاملها

عشان يتلمس الواقع اللي هو فيه >>>> تقدرون على كلمة يتلمس

مشكووورين على مرووووركم واضافاتكم الاكثر من رائعه ..

منال الحب

عاشقة غرفتها

طبعووووه

منوووورين

وهأنا من جديد افتح للصفحات قلبى وانثر حرفى
لماذا حينما نشعر بالسعادهــ يتسلل الحزن الينا لنفوق على واقع اليمـ
الحزن هو ان اكتب ولا تقرأ حرفى واصرخ ولا يصل اليكـ صوتى وابكى ولا تمسح دموعى ..
معى ولست معى ,,,

ابداااااااااااااااااااااااااااااااااع<