[align=center]
أتمنى أن أجد لها إعجاباً بذائقتكم الشعريه.كما لها عندي.

......................


أحبك من هنا لآخر محطات الغـلا لهنـاك
أحبك كثر ما يهوى رضيع الصدر غفواتـه

أحبك يابعد كـل الحـروف وعلّهـا تفـداك
أحبك يابعـد بيـت القصيـد وكـل غاياتـه

أحبك يابعد عمرٍ قضى مني علـى ذكـراك
أحبـك يابعـد مـن داج بالدنيـا بخطواتـه

أحبك يادفى برد السنين اليا غفـت بحمـاك
أحبك يا أمل عمـر الوحيـد ويابعـد ذاتـه

أحبك يابعد قلبٍ نزف كـل الغـلا لرضـاك
أحبك يابعد كـل العيـون ونـزف دمعاتـه

أحبك كثر ماتبرى جروحٍ لامسـت يمنـاك
أحبك كثر ما يلجـا فقيـر الحـال لسكاتـه

أحبك بس لو تعرف وش اللي بالحشا ينخاك
وربي لو كشفت اللي بقلبي!!مـت لرضاتـه

أنا وشلون أبين لك غـلاك ولهفتـي للقـاك
أنا وشلون أعبر لك عن اللـي بيـن طياتـه

أنا لو قلت لك ببعد وأبرحل وانتحي وانسـاك
لسانـي!! واعرفـه لازّل ياشيّنـه بزلاتـه

تعال أرجوك شفني من رحلّت وعبرتي تنعاك
تعال وضمني ياحي ذا الطـاري وضماتـه

تعال وداوني ,,واللي خلقني يالدواء بشفـاك
يقولون الجمر طب المريـض بحـر كياتـه

تعال وخل عنك الصد والهجران!! مايزهاك
حلاتك توصل اللـي يـم دارك زاد جياتـه

أنا والليل وأبيات القصايد في أمـل لقيـاك
أقول الشعر والليل الحزيـن يعـدّ نجماتـه

نعزّي نفسنا ننطر تسابـق لهفتـك وخطـاك
نقول إن الخطى تقصر ولا تسبـق للهفاتـه

أماني عاشت بصدري أغاني داخلي تهـواك
تموت إن غبت وإن رديت عاش الليل وابياته

أنا مقدر على بعدك على صدك على فرقـاك
يموت بغيبتك قلبٍ نزف لك حـر حسراتـه

دخيل الصبح في وجهك دخيل الليل لا غطّاك
دخيل الرمش لاسيّر علـى خـدك بسجاتـه

دخيل الجمر والسكر دخيل البلسـم! الفتّـاك
دخيل اللي تثنّـى ليـن عذبنـي برقصاتـه

أمانه ترحم اللي شاف منّك صدتـك وجفـاك
دخيلـك تدمـح الزلـه وغلطاتـه وهفواتـه

أحبك من هنا لآخر هنا لآخر هنـا لهنـاك
أحبك لعنبو حي الرضيـع وحلـو غفواتـه

.......


ولـكمـ أرق التحايا وأعذبها
[/align]

أنا وشلون أبين لك غـلاك ولهفتـي للقـاك
أنا وشلون أعبر لك عن اللـي بيـن طياتـه

أنا لو قلت لك ببعد وأبرحل وانتحي وانسـاك
لسانـي!! واعرفـه لازّل ياشيّنـه بزلاتـه

روعــــــــــه
صدق أحساس شاعر
ابدعت بأختياركـ نديمـ الصمت و الأحساس
ذواق شعر مافيها كلام

دمت دائما متألق بكلمات تحملها لنا بها أجمل معانى الحب

مــــودتى

 

 

الحالة

علم الدولة:
 

عسوووله

منــــــــــال

فادي

لا اعلم ماذا اقوووول

لا اقووول الا اشكركم على كلامك الجميل

تحياتي لكم

أحبك يابعد عمرٍ قضى مني علـى ذكـراك
أحبـك يابعـد مـن داج بالدنيـا بخطواتـه

أحبك يادفى برد السنين اليا غفـت بحمـاك
أحبك يا أمل عمـر الوحيـد ويابعـد ذاتـه

ابيات رائعهـ

كلمات رائعهـ

شكرا نديم

سومعه

مرورك الاروع

وحياك الله

لك راق التحايا