]][ EnTeR ][
صبآحكمـ / مسآؤكمـ .. فل ويآسمين
شخبآركمـ طيبين آن شآء اللهـ..؟
آلحمدللهـ .. خلصتو آختبآرآت وكل آبو شي .. وآللي نجح نقول له مبروكـ .. واللي سقط آو حمل شي .. اللهـ يخلف عليهـ آن شآء اللهـ,, 
وإن شآء الله كل اللي يحبونن نآجحين <<< اووت
.
.
وش بتسون فآلآجآز5..؟
آنآ عن نفسي مهوب متغيرن الروتين يعني يوميا نجتمعـ بـ.آستراحة خالآتي..
فلهـ وسعهـ صدر ..
لاجتمعنا ماودنا نرجع لبيوتناهع
(بوهـ) سماط كراث يلعب (بوهـ) الخيلـ
و(بوهـ) مسبحن تسبح (بوهـ) الآسمآك وآلدلآفينـ بس(مابوهـ) ماء
و(بوهـ) بيت شعر يسكن (بوهـ) عشر عوآيلـ
علىآ طآرٍي (بوهـ)
وقسمن اني احبكم يالقصماان
وهـ بس :
مير شي ودهـ يطرح نفسهـ
تتوقعوون (وهـ بس) .. مشتقهـ من (بوهـ بس])
๑ஜ๑ ๑ஜ๑
:)
..بالاستراحه ..
بوفيه أرهش للوجبات السريعة.....
اذا انت جوعان ولاّ حاس انك ودك تنقنق بشيء ...بوفيه أرهش على الرحب والسعه ..<<<<
كل مايتمناه المرء يدركه ((بيبسي :pepsi: ,, ميريندا حمضيات.......الخ<<<ايقالنا مسوين شيء ))
..سارعوا بطلبكم ..
التوصيل مجاني ماله داعي تعّني وتشغل سيارتك أو ترسل أحد ورعانك ,,
والبوفيه مفتوح أربع وعشرين ساعه إلا من الساعه 1:45 الظهر الى 12:00 الليل فهو مغلق للصيانه <<<علقته بالصيانه الا تدبنّه نوووم...
7
7
7
أيه هذا ياطويلين العمر وماطويل العمر الا الشيطان إعلان لبوفيهتنا انا و مهورله بنت خالتي اعز واغلى بئره بحياتي
عاد تعرفون صار مابوه الا انا وهي بالقصيم
بداية
الاياااااام نضيّع وقتنا بالتلفزيون وبالحش
وصرنا ماغير نقابل خشش بعض كل وحده تنصب على الثانيه ..
ومن زين الطبايع بعد طفرنا مير اول نضيّع وقتنا بهالكاكاوات اللي نلطهن <<<هذي قمة المتعه عندنا...
مهروله: ماش ماهيب حاله هذي ,,
عسكريمه:لا تناظرينن تسذا انا مثلك ضايق صدري أنتي السبب لو انتي ماطلعتي لسانتس على اخوي كان لقينا من يضفنا ,,, ولا اخوتس مابوه غبطه ...
مهروله: انتزلعي انتي واخوتس هو اللي بدا مب انا
عسكريمه: ايه خلصنا ماصارت سالفه ذي ,,
عسكريمه: مهروله
مهروله:خيييير ؟؟:
عسكريمه: وش رايتس نفتح بوفيّه ؟؟ منّه نكسب ومنّه تضييع وقت..
مهروله: من صدقك انتي؟؟:
عسكريمه: مطغيتس خشتتس يوم اني امزح معتس..
مهروله: مدري.......طيب منه اللي بيجيبلنا الاغراض..؟؟:
عسكريمه: انتي ماعليتس,,:
((المهم ماقعدنا خمس دقايق الا وحنا فاتحين البوفيّه حقتنا <<<يووه يالحريم ان اشتهن شيء
خالاتي..بتسألون من جابلكم الاغراض....؟؟
[]((فاصل))[]
عاد هذي له سالفه خاصه ,,,
عندنا ولد خال مملوح وله غميزات من كثر ملحه يرفع الضغط ..الملقب بـــ أبو عفسه ,, تعرفون ماشاءالله عليه مايدخل مكان الا ويعفسه فوق تحت من كثر القراده اللي براسه ...
وعشيقته ومفتونته واللي سطر دفاتر ابو اربعين وقضى على الحبر الناشف ذاك اللي اثنين بريال عليها............((بنده))
من جد يحبه حب حتى من كثر ماهو يحبه ويحترمه يفسخ نعاله الله يكرمكم قبل مايدخله <<<ذوق على بنت عمته
[((عدنـــــا ))
.
أشك ان حبله السري مقطوع ببنده !!
المهم حنا جبنا طاري بنده بس ماندري الا وهو متصل علينا من هناك يقول وش طلباتكن ؟؟ <<<طفة السياره بعد له دور
بعد يومين من فتح البوفيّه.....
المبزره ماسكين سرى على الحمامات تحلف انه طابور مصاريا عند فوال ...طبعا ماجا على بالنا انه من اكلنا .. قلنا يمكن من تقلبات الجو .. اجل بالله عليكم احد يسلق النقانق بغلاية المويه<<<همن نغسله ونسوي كابتشينو وع وتسبدي تسبداه خلونا من ذي انتم لو تشوفون المكان اللي نطبخبه ,,والله لو يبلغ احد البلديه عننا ان تجي تضفنا حنا ومقاضينا ... اعطيكم نبذه بس عن المكان... ماخذين لنا سجاده وفارشينه بربعه بأقصى الحوش تحت شجره مليانه عصافير ((تعرفون لازم يكون فيه رونق للمكان)) لا ومايفحس التسبد ويفقع المراره الا اذا جتك ذاك اليوم بومه ماغطه ناصيتله عصيفير مستقوي عليّه ولا هارجن على اهله تجيك وتشيش علينا هالعصافير وماتقدّر شي تحته اسمه مطعم عنده مبداء ........((حارش تبلش فالنظافه من الايمان )) المهم ماعلينا من ذا ... ايه عاد اقولكم .. بعد ماشتهر المطعم وارتفع سوقه وكثر الاقبال عليه ..وبما ان مبزرتنا هادين ومايهرجون عن اسرار البيت ماندري الا وجاينا ولد جيراننا وطالب همبرجر دجاج ومن زين الطبايع يقول كثروا كاتشب مايدري انه بعشره الا خمس وعشرين هلله <<<<<<طبعن هالسعر قبل لايغلى هع المهم مامرت خمس ثواني الا وهو مرجع الطلب يقول انا طالب دجاج مب لحم ........ كح كح ((لا تلومونا مهنا اضاءه تساعد مهنا غير نجفتين وحده مكسوره ووحده ترقل )) .........طلعت الدجاجه محروقه..!! عاد ماقلناله ان الدجاجه محروقه لان هذا فيه اساءه لمطعمنا الكلاسيكي اللي يقدّر الاضاءه الخافته <<ايه هين عاد قلناله ان دجاجنا مسوي ريماكس مع غنمنااا <<< تراي انكتت اضحكو لافقع خششكم لا ومن الميزات اللي موجوده بهالمطعم نظام (( اخدم نفسك بنفسك..)) مرّ علينا يوم تعبانين بقوه تعرفون الطلبات تجينا منّا ومنّا ..الشغل هدّ حيولنا تعرفون ماتعودنا على الكرف طول عمرنا مبلبطين ..!! عاد تخبرون انا ومهروله نفسيه ميييير نقوم ونطلعهم الاغراض والدجاج وطلبنالهم خبز من البقاله اللي جمبنا وقلنا ان جاء الخبز زينولكم ((صرنا تقل شغالات مضرباااااات:))......... عالعموم هالنفسيه ماتطول واجد بس تعرفون حنا مهوب تبع سبت واحد ولا خميس وجمعه طوال الاسبوع شغالين <<<<دعايه ثانيه للمطعم...: بس مايمدينا نسوي دعايه لاني انا ومهروله اخر الايااااام صرنا ماغير نزط من هالهمبرجر ,, وانتكس مطعمنا وتدهورت صحتنا زي مأنتم عارفين انه لكل جواد كبوه وعين الحاسود فيها عود ومدّ رجولك على قد شرابك <<<< بدت تخوره (( ايه هذا حال التاجر اذا خسر مبالغ هائله<<الله الله )) :D والحمدلله تسكّر المطعم وطست كل وحده لبيته بدون أي اصابات خطيره تؤدي للي خبري خبركم <<<< ماعنده سالفه ,,~ الصدز اني ودي اكتب لو فايده وحده عن هالقصه اللي تدبل التسبد مير ما اقول الا يازين الفضاوه زيناه واستغلو الاجازة ترى ازين مابلاجازه اننا فاضين لو اني داريتن عن مشروع مدمن شاهي مافتحت المطعم وبديت انافسوه بتاليف المذكرات هع اخر شي و اهم شي بالموضوع دايم حاول انك تزبن لك قريشااات ترى اشين شي بالاجازه انك تصير مطفر ๑ஜ๑ ๑ஜ๑
][ حبتييين ][
آوول يوم كنت قوبل رازتن خشيشتي بالشارع..!!:D كانو الوراعين اذ1 شافوآ وآحد يفحط قالوأ (حبتييين) :fl: وإذا شافو وآحد يسحب فالكورهـ ويطلع مهآرآت قالوآ له (حبتين) :fl: وإذ1 شافو وحدتن من بنآت ذا اليومين بتعرس .. نقول لهآ كلنآ (حبتين يآلخآلهـ:fl: ) <= مآ تقصد آحد آبد هههههه سـ/ طيب وش معنى (حبتين)..؟ :icon10: سـ/ هل هي كلمة عربية آو آعجمية .. آو لآ آصل لهآ ..؟ :icon10: سـ/ هل تتوقع تطلع لنآ بعض المصطلحآت الغريبه .. في السنوآت القآدمه .. مآينعرف معنآهآ .. مثل سربوت – شآطح – درج – سبيكه – خوَل – فآهي ... وهل تعرف معآني الكلمآت السآبقهـ..؟ * آتحدىآ آحد فيكمـ يسويهآ بـ رجوولهـ..: . . ][ شـ ج ـرة الـ ع ـائـلة][ 
.jpg "111111111 (504)")
طبعن كاي عائله فرحه بالشتاء ..نجتمع بهالمغربيه بمحلق الشتاء ويحيط بنا دخاان من اجود انواع الخشب وتنعمي ماتشوف من اللي جمبك من اللي مادن لك بياله .gif "111111111 (390)")
ومشغلين التلفزيون وحاطينوه ميووت علشان ماتخرب الجلسه هع ونتبادل ونتسامر ونتجاذب اطراف الحديث<<ودي اقنعكم اني مثقفه هع ومرتن من المرارير طاررين على ابوي الله يخليه لي ويخلين له يسولف عن شجرة العائله التي تتوسط جدارنا اللي على اليمين :038: وبما ان عند اخو سريع البديهه وفطن وماجاب لامي القيلون ولا عود استمتع جدن بالحديث وبدا يسال منا ومناك وانا منفحستن تسبدي وابوي يقول خلووه هماه يسالن مالكم شغل وكان عندنا بالعائله شايبن كبير ماله عيال ولابنات لم تفت اخوي العزيز هذي النقطه وبكل وساعه وجهه يبه ..يبه وراه ماطلع من عند اسمه ورق شجر << ليتن نيمه هكالحزه وماسمعت هكالمحادثه ويهرج عليه ابوي الين اذان العشاء وسفهوه وقام يتوضاء ويصلي....gif "111111111 (168)")
: ويوم رجع وينبهر ببيكاسو العرب وهو رازن هالصوره بالملحق على فكره ممكتوب (( لا يوجد لانه مايولد )) الأسئله : لا هنا مافيه اسئله.. بس سولآفه واللي يبي يعلق عليه براحتهـ ..هع:خدود حمرا: . ][ The end ][
احب اعرفكم بنفسي.. الاسم الانترنتي ....عسكريمه ["]الجنسيه []. .سعوديه بس يقولون ان جدي السبع طعش ارماني علشان تسذا كلي ملح <<وه بس هوايتي.. قرايت الروايات واحيانن اللقافه واحب المقالب واحب اجمع ملصقات سن توب.. واموووت بالمقاطعه هع تعرضت مواضيعي للسرقه.. .. وما اقول لهم الا كفوكم هالخنبقاات اللي تدل على تأجير المخ هههههههههه احب اللون الاخضر الفسفوري ولا تسالونن وراه؟؟؟ يعجبني الولد العنيد واكره الولد الطيب :D وتعجبني هالبيت الشعر للفراعنه وما اقول له الا فالك البيرق .. آآآفـة النــاس اثنتين لف كآإآس وحب كيس وإذا بغيت تعرف النفوس آرم الفلـوس وفي النهايه تأكدت ان الحب يولد من أول نظره
ماقلتو لي وش رايكم انفع امسك رقابة عامه بالمنتدى ..!! اسفه على الاطاله ولكن حبيت اغير الجو واتمنى لكم إجآإآزه ممتع مع من تحبووون وشتسرن ][ مـ خ ـرٍج إج ـبآرٍي ][
سبحان الله وبحمده عدد خلقة ورضا نفسه ووزنة عرشه:hrt:
سبحان الله وبحمده عدد خلقة ورضا نفسه ووزنة عرشه:hrt:
سبحان الله وبحمده عدد خلقة ورضا نفسه ووزنة عرشه:hrt:
:)
][ دعاء كفارة المجلس ][
سبحآنك اللهم وبحمدك آشهد إلآ إله الا آنت آستغفرك وآتوب إليكـ
اللهم قنا عذابك يوم تبعث عبادك
Hkok Altb3 mhfodah..!!
واجهة
الموقع
يامدور العرجون .. ترى الفقع احلى ..!! 
.gif "111111111 (434)")
ملآك
