-الشايب والوايت )يعني سيارة خزان الماء ) -
فيه شايب حب يشتري له وايت..عشان يشتغل عليه،،
وجمع له دراهم لين صار عنده ثمانين الف ريال،، وتوكل على الله،،
وفي يوم شاف ناس مجتمعة في ارض فضا،،
وجمبهم وايت،، وعجب خوينا هالوايت،،
قال : بس خلني اشوف هالوايت عساه للبيع،،
وقف معهم ولقى هالجماعة يحرجون:
50 ،، 52 ،، 55 ،،
قال : شكلهم يحرجون على هالوايت إن شاء الله انه من نصيبي،،
ويخش بالحراج... 56 .. ويزود.. ويزودون ... ويزود..
لين وصلوا 75 .. قام خربها وقال 80 ..
هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!
يناظرونه.. يناظرون بعض.. و تغامزوا وراح له واحد منهم ..
ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك..
قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله
وش اسمك؟؟ عطاه اسمه وكتب له الشيك بمليون ريال وصرّف الرجال..
هو ما يدري وش السالفة ..
طيب وش السالفة ..!!!!!؟؟!!!!
..
..
الحاصل ان هالجماعة يحرجون على مخطط الأرض الواقفين عليها و بالصدفة جمبهم وايت مويه
و56 مليون و75 مليون.. وبو الشباب خش معهم..
ويحسبونه هامور يبي يلطش عليهم المخطط.. قاموا صرفوه بمليون..
وهو طاير من الفرحة..
13-02-2008, 01:59 PM
الشايب والوايت (رمية من غير رامي ) 
(إظهار الكل)
الأعضاء الذين شاهدوا الموضوع : 0
العرض العادي
