أحَاولْ أبْتِسِمْ وأنْسَى ولكنْ وشْ ينسيني..؟!

دانه الاحساس · 08-05-2008, 10:05 PM

السلام عليكم
كيفكم؟؟

أحَاولْ أبْتِسِمْ وأنْسَى ولكنْ وشْ ينسيني..؟!

تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِيً غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيييني)

m!sS..P!nK · 09-05-2008, 01:29 AM

اقتباس:


	تعَالْ: إنْ كِنتْ تعشقني وإذا فِعلاً تبي لي خير تعَالْ: ومِدْ لِي .. كَفْ الوَصِلْ .. وآمِدْ كَفيني

كـلــمـــآت اكــثــر من رآئـــعــهـ
حــركــت مشـــاعــري
وأنـــزلــت دمــوعي لانها دقت على الوتر الحساس

تسلم يمناكـ

لاعدمــنــآكـ

malaak · 09-05-2008, 01:39 AM

...دانه الاحساس ....
ماسطرته يتعدى الوصف ..؛؛

لايعبر عنه بالكلمات..؛؛؛؛

ضاعت احرفي وانا احاول صياغة عبارة مدح..... ؛؛؛؛

اوضح فيها اعجابي بهذا النثر الجميل ....؛؛؛

لا اقول لك سوى...؛؛؛

اخجلت القلم.... ؛؛؛

اشكرك جزيل الشكر....؛؛؛

فلا تحرمنا من معانقة الجديدك ....؛؛؛

ودمتي بكل ود وتقدير ...؛؛؛

تقبلي تحيااتي لك ملآك ..؛؛؛

منـال الحـب · 09-05-2008, 03:56 PM

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

كلمــاتــ ولاأحلى
خاطرهـ تحمل اجمل المشاعر
سلمت انمالكــ دانهــــــ على لأحاسيس الأكثر جمالا

دانه الاحساس · 09-05-2008, 07:32 PM

يسلموووووووووووووووو ع مروركم الغااااااااااااااوي

ولا هنتـــــــــــــــــم

ونورتوااااااااااااااا الصفحه

!! خــــالــــد !! · 09-05-2008, 08:25 PM

قصـــدة في غاايـــة الجمــــال

رسمــت إحســـاس عـــاشق

ضـــاق بــه الحـــــــــال

مــن بعــد فـــراق من أحبــــ

لـــيرســم لنـــا بــــه ،،

لــوحـــة ولا أجمـــــل

تمـــثل لـــوعاتـــه ،،، وعبــراتـــه

بكـــل صــدقهــا ،، وشفـــافيتــها

لتصـــل ،، إلى احســـاس المتلقـــي

بكـــل ســـلاســـة و سهــولـــة

:

:

":":" دانــــة الاحســاس ":":"

اختيــار موفـــق

ولكــن ،، وددت لــو سطـــرت في نهــايتهــا " منقـــول "

فقــط لحفــظ حــق كاتبـــها ..

:
:

كل الشـــكر لــك

دانه الاحساس · 09-05-2008, 08:33 PM

يسلموووووووووووووووو خالد ع مرورك الطيب

ويعطيك الف عافيه

ولاهنت

سلطان السـيـف · 09-05-2008, 10:30 PM

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني
الله رائع ..

الله يعطيكي العافيه ....

M L O O K I · 09-05-2008, 10:36 PM

دانه

دانه الاحساس · 11-05-2008, 10:07 AM

يسلموو ع المرور الطيب

يوسف أبوخديجة · 12-05-2008, 12:53 PM

كلمــاتــ ولاأحلى خاطرهـ تحمل اجمل المشاعر سلمتي لنا على تألقك

دانه الاحساس · 12-05-2008, 02:15 PM

الله يسلمك ويسلم غاليك ومغليك
ويعطيك الف

أحَاولْ أبْتِسِمْ وأنْسَى ولكنْ وشْ ينسيني..؟!

الخــواطـر والنثــر