الجاش هاض ولطف القاف تلطيف والفكر يمليي من معاني كلامه
شوف الرفاقه يجلب الانس والكيف اللي بمجلسهم تطيب الاقامه
من وجه الدعوه معزه وتشريف عسى ولي الكون يرفع مقامه
أبن سماح الوايلي مكرم الضيف أحمد سليل اجروح ساس الشهامه
قدمت له شكري ولاقلتها زيف قرم العيال اللي بعيد مرامه
مشكور من خلا الضماير مواليف اللي شمل ربعه يريد التمامه
كرم رجال السيف والنعم بالسيف أهل المراجل حافضين الكرامه
لأجل التواصل من جميع الاطاريف تجمعو والكل زاد اهتمامه
ماهمهم كثر التعب والتكاليف الكل متشوق لشوفة عمامه
في حايل وبقعاء لقاهم كماالريف يابعدهم عن الردى والملامه
واليوم في دار الرجال المزاهيف اللي سلوم الطيب تفهم مقامه
ومدح رجال السيف ماهم هذاليف من ساس لابه مابعرقه رخامه
لابة مسيك مكملين التواصيف عاداتهم يثنون دون الجهامه
يوم المراجل بالسيوف المراهيف عوق اللدود اللي براسه زعامه
دخيلهم يبعد عن الذل والحيف كنه بعيطا من شوامخ تهامه
أبن الشليمي شاف غلب الملاقيف وزبن عليهم يوم دانيه ضامه
وسمير بن زيدان طاح بمهاييف ومن حين جاهم صاحبته السلامه
ياكثر لرجال المسيكي مواقيف يوم الرجل يفعل بشذرة حسامه
الاسحم اللي من هك اليوم ماشيف روحه فدا للجار قرر اعدامه
وعبدالله جلادان مايريد تعريف الترك تعرف هيبته واحترامه
وهدلان له في صايب الراي تصريف راعى الدوا المنعور مابه غشامه
يصعب نعد المجد بالفعل اللي شيف ومدحي لهم به عز ماهو ندامه
والكل تعرف ميزته بالتصانيف ربع المسيك ي من ضنا عبيد هامه
من عزوة منزالهم بالمشاريف ياسعد منهم باللوازم حزامه
أعني هل العرفالهم جمع ايخيف دلاق يسحق كل من جا امامه
كان اعتلو فوق البكار الهراجيف نطيحهم ماينقلنه اعضامه
أفعالهم ماهي عواري وتسليف مثل القمر ما يتقي بالغمامه
لمجد يذكر بالمجالس سواليف ماينمحي حتى تقوم القيامه
ومن يترك العليا تكاسل وتسويف هيهات ماضني يسره منامه
أقولها ولا احرف القول تحريف ماضي فعايلهم لقولي دعامه
الإهداءات
10-05-2008, 11:30 PM
قصيدة بن عبار
(إظهار الكل)
الأعضاء الذين شاهدوا الموضوع : 6
العرض العادي
