قصيدة 4 * 6 لا تفوووووتكم

رعش قلبي · 21-05-2008, 08:34 PM

ثلاث سنين انا اخطط لهذا اليوم يـا بـو سعـود ... تيسّـر حالـي و جاهـز اوفّـي وعـدي بوقتـه

و فجأه جتني تتعـذر .. تقـول تأخَـرَت لوعـود ... و انا مستغرب و اسمع كأنـي وعدهـا خنتـه !!

حسبت انها تمازحني و تتصنـع جفـا و صـدود ... ضحكت بوجهها من قلب.. مع انْها بايخه النكتـه

و قالت ارضى بالواقع .. قلبـي ماهـو المعهـود ... تغير كل شي صوبك .. نصيبي ما اظـن انتـه !!

كنت ف يوم محبوبـي و لكـن مـا اظـن نعـود ... وصل من قبل ما توصل .. و انا ذاك الصبر عفته

و لكن تكفى صدقنـي و يشهـد ربـي المعبـود ... ترى ما خنتـك بغفلـه .. ولا كلمتـه و شفتـه

صراحه اهلي قالوا لي بأنه ولـد اصـل و جـود ... و جتني امه بالصوره .. و بكلمات المـدح اختـه

سكت و قلت هي فرصه مدام الجود في الموجـود ... و قالوا كل من حولـي علامـات الرضـا سكتـه

و انا فكرت دام امـه و اختـه مـا عليهـم زود ... اكيـد انـي براضيهـم اذا وافقـت و اختـرتـه

و اراضي اهلي و اخواني مدام ان الفرح مقصود ... عطيت الناس انا كلمـه ومعاهـم وقتـي حددتـه

و لا اقدر اغيرها .. ترى عنـد العـرب منقـود ... اوافق و اعتذر باجر و اقـول الـراي غيرتـه !

تبي تشرح لي المنقود .. تصدق عاد يا بو سعود؟ ... تبيني اقتنع و ارضى بحال ٍ عمـري مـا عشتـه

انا ماني بقايلها .. عسـى يفـرش ثراهـا ورود ... بعد ما حطمـت قلبـي و طعـم المـوت جربتـه

عسى بفستانها اشواك .. و في ثوبه عقارب سود ... و نار ٍ تحرق الكوشـه و تحـرق بيتهـم حتـى

و موت بليلـة الدخلـه يبـرد حرتـي يـا كـود ... ولا احس انهـا بحضنـه يلامـس خـد لامستـه

علي اهون اذا ماتوا ولا بنفـس السريـر رقـود ... ترى صعـب ٍ علـي اتخيـل اللـي مـا تخيلتـه

عسى قاع الثرى يقسى و يتحول صخـر جلمـود ... و حفار القبـر يرفـض يسـوي فـوق مقدرتـه

ترى دفنة عديم الذات تلـوع حتـى كبـد الـدود ... و من خان العهود و مات تعافـه حتـى مقبرتـه

عسى ربي يجازيهم بحبـل ٍ مـن مسـد ممـدود ... يعلقهـم مـن اطرافـه و فوقـه نـار ٍ و تحتـه

انا ماني حقود و شين ولاني مـن نسـل نمـرود ... ومن حط نفسه بوضعي بيقـول اللـي انـا قلتـه

مدام الفعل لـه ردة فعـل والله ابشـري بـردود ... بدعـي دامنـي حـي ٍ و بغـرس للدعـا نبتـه

و بسقيها نزيف القلب و دمع ٍ ما رحـم لخـدود ... و تكبر و الثمر ثاري من اللي خاننـي و صنتـه

انا نذرٍ علي اكتـب و افجـر هالقصيـد رعـود ... و اسمّع كل بشـر صوتـي عجبتـه ولا زعلتـه

و اردد للي يسمعني .. اذا حبيت ( حط حـدود ) ... انا حبيت دون حـدود و شـوف اللـي تكبدتـه

ثلاث سنين انا ابني و جت ( صوره ) بكل بـرود ... خذت مني شقى عمري و حلم ٍ ( قلت ) حققته !!!

ثلاث سنين انا اخطط لهذا اليوم يـا بـو سعـود ... وتوافق من كلام اخته .. و صـوره ( 4 ف 6 )

منقوووووووووووووووووول

عسوله · 22-05-2008, 01:27 AM

نار قلب الشاعر تحرق قلب كل قارئ
وغضبه العظيم يقهر كل سامع

-
-

عشنا عالم مع الكاتب عند سماعنا للشعر بصوته
مشكور عالانتقاء المؤثر

هيبة السيف · 22-05-2008, 02:05 AM

دام نقلك لمثل القصايد الرائعه
دمت ,, بود

رعش قلبي · 22-05-2008, 11:30 AM

عسوله>>>>>>>>>هيبة السف

ثانكيو على المررررووووور الخفيف ومشكوووورين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: قصيدة 4 * 6 لا تفوووووتكم
الموضوع	كاتب الموضوع	المنتدى	مشاركات	آخر مشاركة
قصيدة طيف !	أجـمـل غـرااام	الفديو والصوتيات	7	11-04-2008 01:24 PM
قصيدة بنت في ليلة زواج حبيبها قصيدة حزينة جدا	a7la_girl	الخــواطـر والنثــر	7	17-08-2007 11:57 PM
لا تفوووووتكم ذات السمو	n_a_n_o	منتدى الضحك والفرفشـه	11	06-04-2007 02:04 PM
قصيدة بنت في ليلة زواج حبيبها قصيدة حزينة جدا	a7la_girl	الشعــر والشعــراء	5	30-03-2007 08:52 PM
قصيدة	الباشا	الشعــر والشعــراء	9	17-11-2006 08:52 PM

الذين يشاهدون محتوى الموضوع الآن : 1 ( الأعضاء 0 والزوار 1)

(إظهار الكل) الأعضاء الذين شاهدوا الموضوع : 1
المتالق

قصيدة 4 * 6 لا تفوووووتكم

الشعــر والشعــراء