● [ ليت وقت قد مضى مره يعودي .. بنــ المطر ــت }--

~الْسَّلاَمُ عَلَيْكُمْ ,,,

يسعد لي صباكمــ عـ \ مسائكمـ

اليوم ..

بصراحه ماعندي شي اكتبه عن يومي
فقط كلام بسيط ..


حلو الواحد يشتغل ويجتهد في الي يسويه .. بس هب حلو اي شخص ويسوي كوبي بيست .. وينشره كانه هوه ..
هالشي يعتبر سرقه .. والاسلام حرم السرقه .. فكيف يا بني ادم تسوي هالشي بعمرك ؟ ليش تسوي شي الله مايحبه ..؟؟
والي يحب يحط صوري ولا اي شي يكتب من وين ومنو مسونهن بس مايسوي كوبي لكل كلامي وبيست ترى هالشي يقهر لاني اكتب واعدل والون وحد ياخذ شغلي ..

واختي الي خذت نص الكلام الي كتبته ياريت تتجنبين هالامر .. واذا حابين تتاكدون من صدق كلامي انسخو اسمي وحطوه في قوقل وبتعرفون مواضيعي وصوري ^___* فاتمنى تجنب هالامر

والسموحه بس هالكلام في خاطري اقوله ..


وهنــــا اتوقف .. ولي عودة .. فيما بعد للمتابعه ..

بنــ المطـر ــت
هــــلا وسهـــلا
مرحبـــ الساع :)
وش تقصدى اختيهــ فى يوماتج انتى حصل معاكى شئ مثل تم سرقت مواظيع وصور تخصكــ ؟؟

هلا فيك بنت المطر ..

شوقتينا كملي يومياتك : )

متابعين معاك ان شا الله ..

يسلموووووووو ع موضوع

ولا هنتي

ع بالج بتخليني اعترف بهالحركات لا طبعا الاني واثقه من نفسي واعرف الي اسويه

واساسا انتي هدفج مب تشاركين بالمنتدى شفتي هالموضوع وقلتي الا اخرب علاقتهااااااا بالمنتدى ويمكن شفتي هالموضوع بمكان وقلتي انا الي سرقته

ويمكن هالعضوووووو يكووووون اختي او بنت عمي او اناااااااا مثلا

حتى الترحيب ما سويتي وسيده اول ما دشيتي دشيتي اليوميااااات


سوي الي تبين تسوينه ولا هميتيني بشي مع احترااااامي لج

بداااااااايتـــــــا

اسمحولي ع كتابة بعض من يومياتي القديمه .. خاصتا ان بعضهاا سيكون مكرره بعد نقل الاخت دانه لها ..
^_____________________^ ماودي اسوي هالشي بس هيه خلتني فضلت اكتب ع انها تقولي الصدق ..
والسموحه .

~الثلاثا .. رحله صغيرهـ,,,

الجـو في الخارج ..



عجـمان ..

وصلتني رساله من ريل عمتي ( فديته ) .. يطلب مني اطلع وياه عيمان !!
استغربت .. لاكن فهمت الهدف منها ^___^
وسرنا وياه نحوط ووصلنا .. ستي سنتر عيمان .. نزلنا واشترينا اغراض ..
>> اغلب الاغراض لي .. اشتريت حلويات وورد وبعض الاشياء الغريبه كااكله مكسيكيه وشوربه هنديه ^^ حب الاكشتااف يسيطر عليه ههه

وعقب اتجهنا لمكان سوق السمج الجديم كسروه .. بس حذاله مكان يوقفن القوارب الكبيره ..
طلبت منه يوديني عشان اصور >> كانت الشمس غايبه تقريباا ..
وصورت كمن صوره .. فيما بعد بنزلهن ..

^__^ شوفو الجلاب الي طفربي .. بياكلني يبن




في النهايه وع طريق العوده .. قلت لريل عمتي ..
^^ هالسيره كلها بس لاني مادشيت مال ديزني ..
قالي :- هيه ماباج تضايجين وخيرها في غيرها .. واليوم ماسرتي المدرسه لانج مضايجه . عسب جيه براضيج ماادانيج تكونين زعلانه
قلتله :- لا عادي ^^ مب مضايجه ولا شي وغبت اليوم لان ماشي دوام والبنات خبرني بس ظهر دوام ..
... وعقب التهينا بالسوالف الين وصلنا حذال العياده ..

نزلت اخذ ورقة عذر للغياب >> ماابا ايني انذار ووايد غبت تراني عسب جيه ..



وبديت احضر للدوام



~الأربعاء,,,


.. ^^ نهاية الدوام المدرسي .. عيشه واكل من الشيشه ههههه له طعم غير ..



.. ريااضه ليليه في شعبيتنا .. وهيه دعوه للسوالف والوناسه بطريقة العياايز .. يلني ماخلا منهن ..



.. بعد الرياضه .. يستعمر عنكبوت حجرتي ..



>> توني ادري ان حجرتي استوت بيت العناكب



~الخميس .. خربشات ,,,

نهاية الحصص تدوين للملاحظاات



>> ركزو ع الاحياء + الانجليزي ..
مدرس الاحيا يضحكني طول الحصه
اما الانجلزي فانجليزي مالنا مطور مره رياضه ومره تربيه اسريه ...


خربشات .. بيني وبين صديقاتي ..
H >> صديقتي الغاليه .. من اول يوم وهيه وياايه صح مااعرفها بس يعني صدفه جمعتنا وهيه ان ريلها ربيع خالي .. ^^ فكل يوم بيني وبينها اتصال ..
S >> هيه صديقة H من 3 سنين .. واستوت ربيعتي .. ع قولتها .. انتي تنحبين من اول نظره .. قلت ياابختي عيل كلهن بيحبني ..
R>> صح مااعرفها وايد .. وعرفتني عليها S لانها ربيعتها ويعني بينا سوالف جميعا ..

فهذي خربشاتنا حصة الانجليزي ..








:.:.احــــــــباط دراااااااااااااااسي :.:.

برمس عن شي في خاطري .وهوه صاير بس مب اليوم ولا يوميات .. بس يومياتي هيه الي افر فيها الي في خاااطري ..

وخلوني اخبركم عن واقع اليم يقهر..

عن المدرسه والدراااااااااسه .. بشكل عام ..

اصبحنا واصبح الملك لله .. في ويه المديره .. الي من زود حبها تصبحنا بدال السلام بـ شو مااخرنكن والباص مايتااخر الى منكن تتمشن ع راحتكن ..
وكالعاده .. طاااف .. واسلم ع البنات في دربي حتى الهندي حصل سلام الين الصف ..وهناك السلام غير .. برنه بعد سلامي ..
تبدا الحصه بزفه يديده .. درجاتكن نازله ... الخ . تخلص الحصه تي الثاانيه .. وهذا حاااااااااااااااالهن .. الين اخر الدوام

النهضه .. عيوبها في نظري وواقعيه .. وخاصه لثالث ثانوي ..مظلومين بس الله ويانا

1- ماشي احترام ابدا عند المديره وكمن مدرسه .. جنا اصغر عيالهن .. >> مايدانني دوم ارادهن ..
2- الي يغيب ماشي اعادة امتحااان .. ولو عندك عذر الى اذا وافقت المديره ع العذر >> ودوم اغيب وماابا درجاتهن ..
3- عادي نمتحن امتحانين واحد نعرفه ومذاكريله والثاني .. .. اونه عن الدرس الي تشرحه اليوم وتيب درسين مال اليوم وامس .. والي غاب قبل .. ترى امتحانك عن امتحاانين >> وطبعا هذا مااقالولنا عنه امتحان يعني ان يبت درجه كامله معجره
4- محد يراعي انك ثانويه عامه .. كله ينقصونا درجات بالهبل .. وانته تطمح للنسبه .. اسميك بتبطي .. تحصلها ..
5- امس انحرمنا من الحفله لاننا ثانويه عامه وكل الصفوووووف حتى ثاني ثانوي احتفل الى نحن !! والمديره موصيه الابلوات ان الصف الوحيد الي مايدش ثالث ..
6- رائدة صفنا .. ابلة الجغرافيا .. هاي زفتها نص الحصه .. ودوم بيني وبينا تضارب في الارااء .. بعدها مب مصدقه اني علمي .. والحجر الناري والمتحول اساس الضراابه
>> تقول ان الحجر المتحول هوه ناري .. وانا اقول لها الحجر الناري عقب عوامل التعريه والترسب والضغط الي ايه يستوي متحول .. << ها حالي وياها ..
بس مااستحملها .. نرمسها عن شي .. تدخله من ذن وتظهره من ذن ثانيه .. ورمستنا في الرقعه ..
ورمستها هيه الصح .. ودامنها الرائده تتحرى بتمشينا ع هواها

+

عندنا حرمات كبار .. تعاملهن جنهن يهال .. !!!

.................................................. ....... هذي من جهة المدرسه ..................................................


من جهة الوزااره .. يزاهم الله كل خييييييييييير .. حد يحط امتحاانين يوم واحد ولا فوق هذا .. ترتيب جدولنا خربه .. وعقب امتحان علم النفس والاقتصاااد بينا امتحان عربي .. يعني ماشي مجال للمذاكره والعربي 300

.................................................. ........

قلت مره لربيعاتي .. (( منو قالي اعيد الثانويه )) ..

صدق محد يساعد ويشجع .. ويبونا ننجح .. بصعوبه اذا بننجح ..
وغير جيه عني انا مسويلي احباااااااااااااط

هالسنه انا ابا ايب نسبه عدله عسب جيه عايده السنه .. وخاطري بالثمانين والتسعين ..
بس لا مدرسه تساعد ولا ابلوات شرحهن عدل الى كمن وحده ..
وامتحانات محطوط عليهن صفر بس لاننا غبنا وننقص درجات عشان غيابنا >> وهاي اخر سنه كل شي محسوب .. فشو الشعور بيكون هنيه .. !! تتعب وتذاكر واخرتها شو صفر .. والسبب مابنعيد الامتحان والي غاب صفر ..

قالو خذ الصفر فلا تبالي .. فان الصفر من شيم (( بنت المطر فديتني )) ..

ان يبت نسبه زين وان مايبت .. بعد زين ولا بعيد .. اوف طفره والله ..

.................................................. ..............

بس ابا اكتب هالشي لانه بخاطري

ويومياااتي .. ويييييييييت عقب ماارد من بن سوقات بخبركم بااحدااااث .. وحريقة الشارجه في بيتنا هههههههه ..

بس بعد فاصل صغير ..
.................................................. .........

الجــــمعه 26-10 ...

اجتماع اخواتي في بيتنا .. ^^ ..
وعيت ع الساعه 11 >> اخر الناس مالي بارض انش ابا ارقد في اجازتي
وكالعاده كسرن بابي بالدق اخواتي لاني مااوعا هههه ويوم ظهرت برى .. قالتلي اختي العوده : صح النوم
>> تعودت هالكلام ههههه دوم ..
وماشي صبيتلي حليب ويلست ارمل وياهن شوي الين صلينا و............ والعصر ..
هب الشوق في خاطر العيوز صوب البقر .
واختي تبا تودي عيالها يشوفون الكااو ..
وع قولة رويضي عيوله ..

ويلسنا ع عرقوب مجابلنا زرب البقر .. ونحن يالسين تطل علينا .. ست الحسن والجمال !! الحلجه !! >> مب حرباء تراها ولا ماادري شو سميتوها هاي حلجه .. كانت كبيره .. ومن شفناها ربعنا نمسكها انا وعيال اختي ورشود اخويه ..
بس للاسف كانت اسرع فانخشت في التراب .. وعقبها قلتلهم الا احصل حلجه ..
وانا امشي لمحت اثر حلجه صغيره .. تتبعته الين ريتها منخشه>> تكون مبينه ..
فخشيت يدي في التراب اظهرها >> جيه استوت يدي ملاس وانا ماادري .. كنت ابا افر التراب اتااكد اذا هيه او لا
وظهرت هيه ..
وتميت الاحقها وعيال اختي يضحكون>> شكلي نكته
وغزال الريف تبا الكمره تصورني (( كنت نكته من الخاااطر )) ..
واخر شي بعد ماعيزتها الحلجه ويتني الجرئه ومكستها .. حطيتها ع الارض .. وجييييييييز ..



وبعدها ردينا البيت .. عقب ماخذنا جوله يااختي ..
ومر اليوم بسلام ..



الســـبت ..27-10

يوم السبت الي طاف .. هاليوم احبه .. كان كشخه وحلو بصراحه ..
سرت بيت يدوتي .. لان خالتي هناك موجوده .. ^___^ وعند بنات خالي
>> احب اليلسه وياهن والسوالف ويا بنت خالي الي كبري >> اكبر عنها ظهرت بـ كمن شهر ههه
اسميني عيزت صدق ..
وكنت شاله كمرتي عشان اصور .. وكالعاده امايه تتحرطم طول السيره الى تنكسر كسرتين وعقب ترد برمستها ..
ويلست اصور عيال خالتي التويم وخص ميثاني ..
هذي ..



>> احبها ياربي محلاها .. ^^ماشاء الله عليها ..

ومر اليوم عادي ووصلنا للعصر .. كنت في بيت خالي هالمره ويت البشكاره قلتلها تسوي حليب >> جن البيت بيتي
وايني ولد خالي يقولي .. جنه بيتج .. قلتله بيت خالي يعني بيتي ^___^ وطفرتبه يلست اصور وهوه يحط يده ع ويه هههههه

وسرت عقبها برى عند الطير اصوره .. وبنت خالي تقولي اصور عصافير الخوانيج المطوره هههههه

شوفوها ..



وبعديها . يلسنا شوي قبل المغرب وردينا البيت .. خص ان دوان عقبها ..



الــــثلاثـــــــــــــا

كان يوم .. بصراحه .. تووب .. خص اني بشرح للانجليزي .. جدام الموجه ..
في المدرسه ابدا ارمس ..

كانت اول حصتين عـــربي .. اول حصه مرت بسلام وزين مارقدت فيها .. كله نقرى شو نسوي .
كملنا للثانيه .. ورقادي زاد عن حده وجان تي الوكيله .. وتقول ترى الثالثه عليكم انجليزي .. تحت سيده ع غرفة المكتبه ..
بدون اي تاخير .. ولا تسيرون تحوطون ممنوع ..وساارت ..
وشوي قبل ماتنتهي الحصه سرت عند ابلة العربي قلتلها ابله انا اليوم عليه شرح فلازم تخليني اسير اجرب واسوي ..
قالت اه ايوه .. روحي روحي

وسرت للمكتبه نزلت قشي واولهن كمرتي.. لان الشرح عن هوايتي ..
وسرت ادور ابله الانجليزي وقالتلي اركب .. واتعبل ..روحي الين تي لان عندها حصه ..
فسرت ركبت الفلاش ميموري وتاكد انه يشتغل .. وبعديها سرت احوط شوي ..
واشوف ان اليوم شي حفله !! كيف ونحن ماندري !!
ثره شي تعميم ع كل الابلوات ثالث ثانوي مايحتفل .. لابركت فيها من مديره !!

المهم سرت صوورت وحده تسوي خمير ...


وريال عماني يسوي حلوى .. يمي .. شكله لذيذ بس ماطعمته ولا شي ..



عقبها ظهرت اشوف منو يا .. ريت حرمة خالي ويدوه وعمة امايه اي عمتي ين .. فديت رويحاتهن ..
وسرت اسلم عليهن واحبهن .. ويلست يايدوه .. وعقب هرن الجرس صاح ..
سرت صفي .. ويا الموجه .. ومدحني .. فديتني لازم .. قالي انتي مصوره قلتله يس .. ^___^
ويلست اتخقق مدحوني هههههههههه ..

عقبها بدت الفصحه.. وكمرتي ويايه سرت اصور .. وسرت اودي ورقة عضوه للادااره .. والمديره اطالعني بنص عين
قالتلي لشو الكمره قلتلها للتصوير .. قالت هيه عشان الموجه قلتها جزء هيه وجزء لا ^^ بصور كل شي ..
ويلست ترمس الي وياها وظهرت

وبعديها .. يت حصه .. ويش وزره .. استاذ الاحيااء ..
والكمره وياايه حفاظا عليها ..
وهوه يشرح وانا اموت ضحك عليه .. يوم يقول الدبوس ..
وعقبها قال جزع .. بدال مايقول جذع الدماغ.. بس صدق فناان ..

وهاي صورة جزء من درسنا ..



وخطفت الحصه للفيزيا الي كرهت حياتي من سبت هالابله ..
حصتين ورى بعض فيزيا .. جابلتها ومالي نفس صدق ..
عقبها عطتنا امتحان محسوب ومحد ذاكرله .. لدرس امس وقبله .. يعني يومين ..
مب من زود شطارتي اذكر ..
وقالت الي ماامتحن اول امتحان بحسبه هنيه عن امتحانين >> هاي انا ماامتحنت قبل ..
قلتلها :: جيه لازم تعطينا امتحان ثاني مايصير جيه يوم نحن ماذاكرنا .. وتحسبينه
قالت منو قال لازم قلتها انا بعد منو .. محسوبه الدرجه ..
قالت امتحني وحلي الي تعرفينه قلتله ماذاكرت بيب صفر .. قالت عادي ..
>> هيه شو همها مالت صدق تقهر ..

وعقب الامتحان .. رسايل بيني وبين ربيعتي H
مي : والله طفره هالابله بتحسبلي الامتحان
H : ماعليج غناتي .. طوفيها روحي ماسويت شي عدل .. انتي احسن عني ع الاقل
>> والخ ... هذربان بينا ..

ويت الحصه الاخيره دين ..

امتحنت وان شااااااء الله درجه كامله يارب .. ^^

انتهينا عقبها من الدوام ..
وهاي صورة الدريول .. مال الباص فاروق >> اشتهر شو عليه ..
بس فنان هالدريول يوم قلتله ابا الدكان قال بيخطفني >> شفتو انتو مايروم ع بدويه بالعصا ..



صورة سياره دوم اشوفها في شعبية المدرسين .. بصراحه ضاربني فضول منو راعيها
>> من زمان موجوده زينه ..



وعقب وصلت البيت الحمد الله ..
وتغديت ديااي يمي يمي >> بيظهرلي ريش ..
ودشيت حجرتي وشوي اسمع دق ع الباب اخويه رشود .. قالي بسرعه امايه تباج حريقه ..
واكتشفت ان حريجة الشارجه في بيتنا ..



سبب الحريق :- كانو يقطعون الرخام بالقرب من الكرسي .. فطارت شراره .. وساعدها الهوى لكي توري الضو ..
بعض شهود العيان : العامل الي يقص : انا مافي شوف بس يوم معلوم سير يربع عند بشكار مال انتو .. بس شوف ماماه مال انتي
الوالده فديتها : كنت في المطبخ اتعبل واشوف غيوم شرات غيوم المزن .. ومااواحا الى يربع صوبي العامل يقولي ماماه في مشكل .. زغت تحريت رشود شي ياه بس اذكرت انه يلعب سوني .. وعقب قلت يمكن الغساله نقعت ..
واسمع الهرانه الي برى .. ويوم لفيت اشوف الضو واريه واهزب البشكار اير الفوز يطفيها ..
من جهتي .. يت اخر شي هههه تو الناس يوم طفوها .. والبشكار يرشه بعده .. ويقولي وين كمره صوري صوري ..
وصورت طبعا ..

>> فكونا منهن بصراحه لان اوردي كانن بينفرن .. خص ان الشواب عدلو الميلس هههه تجديدات ..







الـــجمعه ..

اجتماع اخواتي .. كان االجو رهيب .. ووعيت من وقت ..
وعقب الغدا .. قررنا نسير صوب البقر >> اجرب عشان اتي تودينا وهيه تسوق تراها تخاف تسير بعيد ..
المهم سرنا .. وكمرتي في جعبتي وصورت اليهال .. علاوي >> ولد عمه .



رويض وموزوه ..



كنت اصور وانا ارمس ليلوه ^^ واطفربها .. فديتج والله ..

وشوي واشوف نوقات داحوس .. وجان كمرتي تبشرهن بــ جيز ..



جـــــونا الغاوي .. بنشتاقلك باجر ^___^




وبـــــــــــــــــس هذا القديم اليديد بعدين

๑๑

مرحبا و ياحي من يانــا ولــفي
والتقينــا يــوم عودنــا نجــيــف
سيد الخفرات لي شوفــه شــفى
كامل الأوصاف لي ماله وصيف

๑๑
من يوميااتي اليداد ..

الخميييييييييييييس ..30-5


اليوم اعتبره احلا يوم اجتماع العايله ..
اليوم اين اخواتي البيت الصبح وييلسن الين فليل ..
بس للاسف انا شو يوعيني وعيت ع الساعه 12 تقريبااا .. وسرت خذتلي شور سريع وسرت برى
انصدمت محد غير وحده من اخواتي ام ريماني ^___* سلمت عليها ولعبت بنتها وتخبرتهم عن اخواتي متى بيين
قالن وحده بتي العصر ع الظهر جيه وهنتين مابين .. وحده بنتها مريضه روضاني فديتها بنتي هاي بعد
والثانيه بتسير تودي عيالها فيستفال ستي صوب تويز ار اص ..
المهم يلست وياهن وعقب رديت الحجره للصلاه وطلعت عندهن ..
عند الغدا انا مااتغدا لاني اوعا الظهر اكتفي بكوبين الى 4 اكواب كرك ^__* وتميت العب الريم فديتها كيووت هالبنت وصورتها وهيه تمص صبوعها ..
وخلاف ياني اتصال من ريل عمتي حبيبي هذا كل مكان اطلع وياه .. قالي بعد الصلاه ابا اسير وياج قلتله وين قالي عندي موعد في عياده وابا نطلع صوب جميرا نحوط قلتله اوكي ماشي مشكله ومر الوقت ويا اخويه من دوامه وسلمت عليه ويلسنا نسولف اليييييييييييييييييين مااذن وصلى العصر
طلعت ويا ريل عمتي وسرنا عياده هوه عنده موعد .. وعقب ماخلصنا يلست ارمسه عن كمره ابا اخذها نيكون دي 80 ..زياده ع كمرتي قالي بيوديني اخذها ع يوم السبت ان شاء الله
>> ابا اخذها عشان احولها لكمره تصور تصوير غير عن العادي ^___*
وماشي حطنا وخذنا جوله وطفرتبه ورديت البيت وتعشييت .. ودشيت المنتدى .

وبصراحه ميته ضحك الين احين ع الكلام الي قريته من المشرفه ههههههههههه
^________^ السبب في يومياتها >> انتو اقرو وبتعرفون

والسموحه

๑๑

بصراحه يابنت مطر يومياتج خوش يومياتت ومثيره للقرائه

يعني صحيح اني ما احب اقرأ الكلام الطويل بس انتي يومياتج غير كلش

احس فيها اكشن على صراحه على كل شي حلو

وتراني انا بعد سرت الموضوع السالبق وجفت بنفسي كل الكلام الناقل والمنقول

وتسلمين يا بنت مطر

ولاتحرمينا من يومياتج .... فديتها والله

وش سالفتكم

تكتبون موضوع ولا تتهاوشون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وشنو المقصورد من كتابه هالموضوع؟؟؟

ئوليها على بلاطه ههههههههههههههههههههههههههههههههبدال ماتتعبين عمرك وتكتبين قصص