الحب لامنّه تنشّاك بسكات ....
إصحك إتضيّع لحظة لك سعيده
له فوعة يمكن تمرّك سويعات ....
ويمكن يعدّي شايف من يريده
خلّك إمرحّب واترك القلب يقتات ....
وإرقب خفوق ينتفض من وريده
واصحك تحسبه لالفى من هالاصوات ....
اللي تلج ولا لقتله سنيده
الحب رحمة من خفوقه تقل مات ....؟
يوذيه لكن بالنهايه يريده
والحب له بصمه نشوفه بالاموات ....
ياما إجموع يوم دريت شريده
والحب ليته ينزرع وسط واحات ....
لاما لقيت المحتري ضاع عيده
والحب خوفة خايف من هل الهات ....
اللي يحسب الحب قعدة دقيقه
والحب لامنّك تركت الغضي جات ....
ضيقة مكان لو رضابه قعيده
والحب يسري إبصاحبه غصب وسكات ....
يترك إمراقب ماعرف مايفيده
والحب لاتصدّق إلى قيل لك مات ....؟
حيّ(ن) إلين القلب ينشف وريده
__________________________-
:ناصرالفهد_
واجهة
الموقع
(إظهار الكل)
الأعضاء الذين شاهدوا الموضوع : 0
الحب يسري إبصاحبه غصب وسكات 
العرض العادي
