\\
يازين يوم اني انا وانتـ صغار
توما لبست شماغ وانتي عبايه..
//
بالطول مانـــاصل ولا خمسة اشبار
دايم نقـــيس اطوالنا بالمرايــه..
//
مابيننـــا شيـــن نخبيــه واســـرار
ماغير لعب اطفال كل الحكايــه..
//
ماهمنا موجز ولا نشرة اخبــــار
التسليه صارت وسيله وغايــه..
//
وان جا فلم كرتون للقطو والفار
نجلس نتابع قصتــه للنهايـــه..
//
بالمدرسه نزعل على شان الاصفار
انتـ سبب لعبك وانا من غبايـه..
//
ياما تهاوشنا على كيس فيشــار
انحاش به وافرح بطردك ورايه..
//
وان قلتـ يا الريم ياويلك من النار
اخاف واستسلم وابين خطايـــه..
//
والى ضربتني تقــل بيننــا ثــار
وان قلت كافي قلتـ ماهو كفايه..
//
والى خلصتـ ضرب بيمين ويسار
اخذتـ الفيشار واللـي معايــه..
//
والى زعلت وقلت ابا اروح للدار
صحت وقلت اسفـ يا غلايه ..
//
واصدقك وافرح بعد ذيك الاعذار
واجيك لا حاقد والا احمل وشايه..
//
بس لو اشوفك مع بشر غيري اغار
لو كان اخوي أو من أعز اصدقايه..
//
واركض لختك اقول شوفيه مع اكبار
عشان تفرض لي عليك الوصايه..
//
هــــذي طفولتـنا براءه وتذكـــار
دايم نحن اليا ذكرنا البدايــــه..
//
واليوم ابا اكتبها سواليف واشعار
وافكر انتجها بفـــلم وروايـــه..
//
ونة حزن
واجهة
الموقع
(إظهار الكل)
الأعضاء الذين شاهدوا الموضوع : 0
هذي طفولتنا براءه وتذكار 
العرض العادي
