{.. اجرح /,, مدام لك في الجرح رآحه ..~

اعتقد انه فطامي بتروح بيت اهلها و بتكون علاقتهم وايد سيئه و بتكرهه فطامي وايد
بس اصراحه هذي البارت وايد محزن

شو تتوقعون بيصير لهم لما يرجعون الامارات .؟
اتوقــع انافطــامـي بتعــاملــه عــدل احــذال اهلهـــا
كيف بتكون علاقتهم ..؟
بتكـــون عــلاقـــه سطحيــه
ورايكمـ بالبآرت ..؟
وااايــــد حــزيــن

احترت أنا وياك واتعبت بك قلبي والحل أنا بنساك وابعدك عن دربي
وأرجوك تعفيني زاد التعب فيني ما عاد يرضيني كثر الحكي وياك

ليش جي تعاملني ..؟ بشو اخطيت بحقهـآ .. ليش مو طايجتني .. تقهرني يوم جي تقول .. قطع تفكير محمد صوت فطامي ..
فطامي : متى بنوصل ..
استانس محمد لانها رمست : بعد شوي .... يوعانه .. ؟
فطامي : لا ..
قلت لها : تبين ترقدين ..
فطامي : لا ..
صدت الصوب الثاني .. " شكلها مو طايجه تجوفني بعد " ..

دمعت عيون فطامي وهي تفكر بمصيريها وياه .. " للحين ما كملنا اسبوعين وجي علاقتنا .. بس انا كيف بطلب منه الطلاق ..؟ ما اروم ما اروم .. بس هو خاين .. ماعليه انا بكرهه فيني آآآآآه يا قلبي " نزلت دموعها .. مسحتهم بسرعه

محمد : لما بنرد البلاد .. بنروح شقتنا ..
فطامي انصدمت : أي شقه ..؟
محمد : شقه بنيلس فيها لين ما يخلص ملحقنا فـ بيت ابويه ..
" خاطري اقوله ما يبني ولا شي لان علاقتنا ما بتطول " قالت له : انزين

بعد شوي وصلوآ دار زآيد .. > الامارات – بوظبي <

حست فطامي برآحه لما رجعت الامارات ..

فـ شقتهم ..~

كانت الشقه من 3 غرف .. وصالة ومطبخ تحضيري .. وكانت وآسعه ..

محمد كان شايل الشنط .. اما فطامي كانت تطالع الشقه .. عيبتها وآيد ..

فطامي راحت شالت شنطتها .. وراحت غرفة من الغرف قفلت عليها ..

ابتسمت يوم ما سمعت اعتراض من محمد ..

راحت عقت عبايتها وطلعت لها ثياب وراحت تسبح ..

اما محمد وآقف ومستغرب من حركاتها .. " مصختها وآآآيد .. ما صارت ..برآيها "

كانت فطامي تنشف شعرها .. كانت يوعانه وآيد بس قالت بترقد .. راحت طاحت ع شبريتها وع طول رقدت ..

ومحمد نفس الشي كان تعبان رقد ..

نشت وهي نشيطه " اللـــه من زمان ما رقدت جي " جافت الساعه 4 الفير " حشــــــآ رقدت رقاد اهل الكهف بس من حقي من اللي جفته آآخ بطني يووعانه "

نشت راحت الحمآم " وانتوآ بكرامه " ظهرت ربطت شعرها .. " اكيد هو راقد الحين بروح اجوف شي آكله " ..

فتحت البآب شوي شوي جنها حراميه ضحكت على عمرها .. كانت الشقه ظلاام فتحت ليتات المطبخ التحضيري فتحت الثلاجه لقتها متروسه ..

فطامي : متى لحق يترسها .. ياربي الحين شو اسوي .. امممم فكري يا فطوم .. هييه ما عندي غير الخبز والجبن .. شلتهم ويلست ع الكرسي ويلست تسوي .. مطبخهم فيه طاوله و4 كرآسي ..

يلست تغني : احترت انا وياك واتعبت بك قلبي .. الحل انا بنساك وابعدك عن در

قاطعها محمد : انا اللي احترت وياج
نزلت راسها .. راح محمد وجابلها
محمد : انا بعد يوعان .. سوي لي وياج ..
فطامي " يقهرني برووده " : ما اروم
محمد يرمس شرات اليهال : اهون عليج يعني من اول امس ما كلت شي ..
فطامي طالعته : وانا شو يخصني
محمد طالعها بنظره " فديت عيونج انا "
تلومت منه فطامي سوت عمرها مشغوله تسوي اللي بايدها ..
محمد : يعني ما بتسوين لي ..
فطامي : انزين روح اقعد بالصاله .. بسوي لك
محمد " ما تبين تجوفيني انزين يا فطوم " : اوكيك

تنهدت فطامي .. رجع لها محمد : سوي لي ثنتين انا يوعان وآيد
فطامي " طرآر ويتشرط " : انزين

يلست تسوي له وتسوي لها .. طلعت عصير من الثلاجه وودته ..

حطته ع الطاوله كان مندمج يطالع تلفزيون ..

يلست بعيد عنه شوي ويلست تاكل ..

محمد يلس ياكل ومندمج .. خلصت اكلها نشت تبا تروح

محمد : الله شو هالطباخ السنع ..
فطامي " يتطنز بعد " : تسلم ..
محمد : وين بتروحين
فطامي : بروح غرفتيه ..
محمد : لا تحسبيني ساكت ومستانس ع اللي تسوينه
فطامي بجفا : ما سويت شي ..
محمد : تعالي يلسي بنرمس مو حاله هذي ..
سمعوآ صوت الاذآن ..
فطامي : بروح اصلي .. وراحت عنه ..

دخلت غرفتها راحت تصلي .. تمت لين ما طلعت الشمس " والحين شو اسوي ما فيني رقاد .. اممممم بروح بطالع تلفزيون .. " ظهرت من غرفتها توآ بتدخل الصاله .. ولا تسمعه يرمس بالفون ..

محمد : هيه وصلناا فديتج ... ههههههه يمكن راقده ... لا جي انا اغار ....

" تعمدت ادخل عشان اجوفه شو بيسوي ."

محمد : تعالي فطامي .. عويش بترمسج

" جنه احد صفعني " : هاا عويش ؟
محمد : هييه تعالي ..

راحت فطامي ترمس ويا عويش .. : هلا والله
عوآش : هلا فيج .. انا زعلانه منج قطعتيني مره وحده .. والحين رجعتوآ الامارات وما خبرتوني .. ؟
فطامي : والله مو بايدي .. بس ان شاء الله اليوم بجوفج ..
عوآش : تدرين ان ريلج يبا له ضرب .. يتصل لي هالساعه ويدري اني رآقده قبل شوي ..
فطامي : ههههههه تستااهلين ..
عوآش : ما عليه .. عروس ما بنقولج شي ..
فطامي : هيه اكييد ما بتقولين شي ..
عوآش : يلا ارقدوآ عااد بسكم سهر
فطامي " هههههه ما تدري اني رآقده رقاد يكفي شهر " : انزين وانتي بعد ارقدي .. اوكيك
عوآش : اوكي .. يلا بخاطرج شي ؟
فطامي : سلامتج ..
عوآش : مع السلامه
فطامي : الله يحفظج ..

مدت ايديها وعطته فونه اتفجأت لما يرها صوبه .. طاحت عيونها بعيونه .. " حسيت ان قلبي بيظهر من مكانه بس لا ما بضعف يدامه " ابتعدت عنه بسرعه

وراحت غرفتها .. تموآ يالسين ومحد له خص بالثاني ..

والساعه 11 فتح محمد الباب ..

محمد : فطامي تعالي تريقي ..
فطامي : ما اباا
محمد : تعالي تريقي قلتلج
فطامي " خفت لما كان يرمس بحده " : قلت لك ما ابا ما تفهم افففف
محمد راح صوبها ..
نشت من ع الشبريه بسرعه ..
محمد : انا سكت عنج وآيد بس الحين بتقولين يعني بتقولين ..
فطامي : شو اقول .. خلني بحالي
محمد قرب اكثر وهي ابتعدت لين ما لصقت باليدآر
محمد : قولي شو بلاج ..؟ شو اللي غيرج
فطامي : ما فيني شي .. بس ما طايجتنك روح عني ..
محمد : ما بروح لين تقولين
فطامي : ..........
محمد بصرآخ : قولي يلااااا
فطامي " كنت بقوله للحظة .. بس بعدين تراجعت " : روح عني .. وحاولت تبعده
مسكها من جتفها ووقفها مكانها .. كان راص على جتوفها وآيد
فطامي وهي تصيح : هـ ــدنـ ـــي
محمد هدها وطالعها وتنهد .. يلس ينافخ .. ورن فون محمد ..
محمد وعيونه على فطامي : الو
ام محمد : هلا والله بولدي الغالي
محمد : هلا فيج امايه
ام محمد : شحالك وشحال حرمتك ؟
محمد : بخير انتوآ شحالكم ؟
ام محمد : نحن يسرك حالنا .. بغيت اقولك ييب حرمتك .. وتعالوآ تغدوآ عندنا .. وبعد عمك بيكون عندنا ..
محمد : ان شاء الله ..
ام محمد : يلا فديتك سلم على حرمتك ..
محمد : ان شاء الله .. مع السلامه

محمد وهو للحين معصب : جهزي عمرج بنروح نتغدى فـ بيتنا .. الاهل كلهم هناك .. ظهر من عندها

طاحت فطامي ع الشبريه تصيح .. لدرجه ان عيونها انتفخت ..

راحت غسلت ويهها .. " افف الحين لما بيجوفوني شو بيقولون "

يلست حطت لها ميكياج .. عسب ما يبين انها تصيح .. رسمت عيونها وحطت كلوز ..

دخل عليها محمد : يلا بنروح ..

لبست عبايتها وشيلتها وراحت وراه ..

راحوآ اول ما دخلوآ كلهم نشوآ يسلمون ويباركون ..

مر الوقت بسرعه عليهم تغدوآ ويلسوآ بعد الغدآ كلهم ويا بعض ..
يلسوآ البنات عند فطامي يسآلونها عن السفر وشو صار وشو استوى تعرفون البنات بعد ..

ع المغرب راح محمد صوبهم ..

محمد : اكيد ما خليتوآ احد ما حشيتوآ فيه ..
عوآش : ههههههههه حرآم عليك
محمد : يلا فطامي نشي خلنا نروح ..
ساروه : لالا قعدوآ بعد ..
عبور : هيه حرام قعدوآ شوي
محمد : مره ثانيه .. يلا عاد انا تعبان وابا ارقد << ناشين من صباح الله خير خخخ
نشت فطامي وسلمت عليهم كلهم ..

وراحت وياه ..

مر محمد وشرآلهم عشآ .. رجعوآ الشقه ..

يلسوآ ياكلون وهم صاخين كالعاده ..

فطامي بتردد : محمد
محمد " عيونه" : هلآ
فطامي : امممممممم عرس بنات خالاتيه بعد جم يوم .. وابا اشتريلي فستان
محمد : ان شاء الله من عيووني .. كم فطامي عندي
فطامي : تسلم ..

نشت عنه وراحت غرفتها .. دقت لغدور .. ويلسوآ يرمسون

فطامي : احلفي ..
غدور : والله بلاج نسيتي ..؟
فطامي : لا بس كل يوم عرس .. بعد 3 ايام عرس بنات خالاتيه .. وانتي بعد اسبوع .. متى بلحق اشتري ؟
غدور : بتلحقيين لا تخافين ..
فطامي : انزين غدور اخليج الحين بروح ارقد
غدور : اوكيك تصبحين على خير ..
فطامي : وانتي من اهله

صكرت عنها .. " اليوم جفت الوناسه بعيون الكل .. شو بيصير لهم لما يدرون اني انا ومحمد خلاص .... " غمضت عيونها ورقدت ..

وبعد 3 ايام ..

" اليوم غريبه ما نشت بسرعه .. بروح اجوفها يمكن فيها شي "

دخل محمد الغرفه وراح صوب فطامي ..

محمد : فطامي ..
فطامي تمد ايدها : آآآه ..
مسكها بسرعه كانت ايديها حاره : شو بلاج ؟ تعبانه ؟
فطامي وهي تتنفس بصعوبه : شوي
محمد : شو شوي نشي بنروح المستشفى
فطامي : ما اروم

راح محمد وياب لها كمادات ويلس يحط على راسها ونفس الشي حرارتها من تنزل ..

فطامي كانت تتنفس بصعوبه ..

محمد كان كل دقيقه يغير لها الكمادات .. ويمسك ايدها .. مر من الوقت وآيد تم محمد حذالها وما هدها .. لين ما نزلت حرارتها ورقدت ..

نشت فطامي جافت الساعه 8 بليل .. نقزت بسرعه كان محمد راقد حذالها يلست تتآمله .. بعدين نشت من مكانها ..

غسلت ويهها وظهرت للحين راقد خلته وظهرت يلست تطالع تلفزيون ..

وبعد شوي نش محمد ..

محمد : ليش نشيتي انتي تعبانه
فطامي ابتسمت له : لا انا الحين احسن
محمد : الحمدلله ..

يلس حذالها يلسوآ يطالعون تلفزيون

فجأه قالت فطامي : يويييييييييييييييييه
نقز محمد : شو بلاج ؟
فطامي : الحين الساعه كم ؟
محمد : 9 ونص ليش ؟
فطامي : اليوم عرس بنات خالاتي .. اففففففف ليش ما ذكرتني
محمد : انا بروحي ناسي
فطامي : يلا نش خلنا نروح
محمد : هههههههه متى بتكشخين ومتى بنروح العين ؟؟ بيخلص العرس
فطامي : اووووف ..
محمد : ههههههههههههه
شلت فطامي المخده وضربته فيها : كل منك كل منك
محمد : هههههههههههههه
فطامي : الحين شسوي ؟
محمد : بسيطه قوليلهم انج مريضه
فطامي تتنهد : خسآره
محمد : شرآيج نروح نتعشى برآ ..؟
فطامي : امممممم اوكيك .. دقايق بس ..
محمد مستانس : خذي رآحتج ..

عند غدور ..~

غدور : والله رشود يبا يخطب ومتعبني وياه كل يوم يحن عليه ..
سعيد : اووه غدور اشتغلتي خطاابه
غدور : هههههه جفت عااد حرمتك خطابه ..
سعيد : هييه ابآج تخطبين لي عيل
غدور تصآرخ : نعـــــــــــــــم
سعيد : شوي شوي اذني حرآم عليج ..
غدور : ما سمعت شو قلت قبل شوي
سعيد : ههههههههه نمزح نمزح
غدور : هيييه عبآلي بعد ..

وتمت تسولف ويآه لين ما صكرت ..~ وكالعاده راشد يآي لها ..

رآشد : هاا متى نويتي ؟؟
غدور : اووف .. خلآ اجوف فطآمي اول بعدين بقول لها ..
رآشد : ومتى بتجوفينها ..؟
غدور : والله ما ادري ع حسب ..
رآشد : افففففف

نرجع لبطلتنـآ .. ~

" ليش ظهرت وياه ياااربي .. بس انا مخنوقه ومحتاجه اغير جو "

محمد : ان شاء الله عيبج العشـآ ..
فطاآمي : هييه عيبني ..
محمد : امممم شرآيج نروح البحر ؟
فطامي تتنهد : جان زين ..
محمد يبتسم لها ..

كان مندمج بالسوآقة وفطامي سرحآنه بعالمها المجهول ..

لما وصلوآ البحر ..~

نزلوآ ويلسوآ حذآل بعض بس بينهم مسافه صغيره .. وكل وآحد سرح بتفكيره وتآه ..

مر الوقت والصامت كان حاجز بينهم ..

وكسره محمد : ------- > احبج ..
فطامي " ما اروم اسمعها .. جذآآآآآآآب " : ..........
محمد يمسك ايدها : قولي لي شو بلآج ..؟
فطامي : آآآآآآآآآآه وبدت تصيح من الخاطر ..
لوآ عليها محمد .. وهي تصيح ..

بعد فترهـ .. حست بعمرها ابتعدت عنه بسرعه .. ووقفت ..

فطامي : خلنا نروح ..
محمد : يلا ..

نشوآ وروحوآ ..

محمد كل يوم يزيد استغرآبه من فطامي .. اما فطامي كل يوم تحآول تبعد محمد من قلبها ..~


قبل عرس غدور بيوم ..~

سعيد : ميثوووه وين سفرتي ..
ميثوه : لا تصآآرخ .. ما تجوفها يدآمك ..
سعيد : عطيني ياها ..
ميثوه : اففف الحمدلله انك بتعرس .. وراحت عطته السفره ..

ميثوه : أي آوآمر ثانيه ؟
سعيد : سلامتج ميري ..
ميثوه : نعم نعم نعم .. ما سمعت
سعيد : هههههههه يلا بآآي
ميثوه بغيض : بآي

سعيد ظهر من البيت ركب سيارته ويلس يرمس غدور كالعاده ..

وفجآه طلعت يدآمه شاحنه كبيره دعمته .. وانجلبت سيارة سعيد مرتين



تنبيه !~ اي رد سطحي ممنوع

مشكورة اختي دندونه

وايد حلو البارت

ننتظر لباقي

العفوو اختيه ,,

ونتريا الردود عسب انزل البارت ..

تسلميـن قلبـوو ع البارت
وحليله سعيد انــ شــاالله ايكــون بخيــر
وتقبلـي مــروري