{.. اجرح /,, مدام لك في الجرح رآحه ..~

×--[ السلآم عليكم ورحمة الله وبركاته ]--×


وهي قصة بعنوآن

{.. اجرح /,, مدام لك في الجرح رآحه ..~


اتمنى انها تنآل اعجابكم ^^"

اجرح على كيفك ومسموح ..
مدام لك في الجرح رآآحـهـ ..~


فطامي دخلت مرتبكة وخايفه وآآيد من الدكتور ..
وبخطوآت بطيئة دخلت الكلاس ..
كان الدكتور مشغول مع احد الطلبة قدرت انها تدخل بدون ما يحس وتيلس مكانها بأمان ..
فطامي : يآآآآآآي ونااسه ما شافني دراكولا ..<< يعني الدكتور خخخخ
ميثووه : وعليكم السلام
فطامي : السلام عليكم << عكس الناس
ميثووه : ليش تآخرتي عسا ما شر والله لو الدكتور شافج كان بيسوي لج عرس مرتب ..
فطامي : اسكتي راحت علي نوومه ما بعدها نومه
ميثووه : اكييد سهرانه تفكرين بحموود حبيب الألب
فطامي : فدييييييته ياربي .. هيه افكر فيه .. تصدقين ميثوه محتاره شو آخذ له عيد ميلاده الاسبوع اليآي .. انتي شرآيج ..!
ميثووه : امممممم والله يبالها قعده هذي
وفجآة الدكتور قال فاطمة ..
فطامي تنقز ميته من الخوف << مسوي لها فلم رعب هالدكتور
فطامي بخوف : نعم دكتور
الدكتور : وين التقرير اللي طلبته ..؟
فطامي : آسفه دكتور ما كان عندي وقت اخلصه
الدكتور بعصبية : ومتى راح يصير عندك وقت انتي من اكسل الطلاب في صفي ..تآخير واهمال وكسل ..
ميثووه بصوت خفيف : فطامي شكلج بتنطردين
فطامي تدوس على ريولها بقوه
وترد على الدكتور : آسفه وما راح يتكرر مره ثانية اوعدك دكتور
الدكتور طالعها بنظره وكمل الشرح ..
يلست فطامي تتحرطم الدكتور دووم حاط عليها .. فخاطرها الله ياخذك متى افتك واتخرج افففف

فطامي بنوتة كيوت حبوبة ومرحه .. عمرها 20 سنة .. ثاني سنة جامعه .. تدرس ادارة اعمال .. وجمال فطاامي خبآآآل .. شعرها طويل وعيونها كبآر وعذآب ..وويها طفولي ويجذب ..

عندها اخوها فهد اكبر منها وعمره 25 وماخذ بنت خالته سارة .. وعندهم بنت اسمها شهودهـ 3 سنين
ام فهد = موزة .. ابو فهد = منصور ..
واكبر عيالهم فهد 25 بعدين فطامي 20 ..
وبعدهم عبير 18 ..مرحه وااايد وتحب تضحك وسووالف عليها هالبنت ..
وبعدهم سواف 12 سنة .. دووم يلعوز فطامي وعبير ويسوي فيهم مقالب ..
واخر العنقود رواضي 6 سنين .. دلووعة امها وابوها

وابو فهد = منصور ساكن في دبي عنده اخوان اصغر منه ..ناصر وخالد

ابو محمد = ناصر .. متزوج ام محمد = مريم
وعيالهم اكبر واحد محمد عمره 22 طيووب وشكله جنان يتخبلون عليه البنات << اونه عاد خخخخ
وبعدين عواش 19 اول سنة جامعه انسانه طيبه وحبوبة وهي وايد ويا فطامي بنت عمها يعني يفهمون بعض
وبعدين احمد 18 سنة .. همه دراسته وانسان عاقل .. مع شويه جنون لوول
واخر شي سارهـ 16 دلوعه وحليوهـ .. ودووم ويا عبير بنت عمهـآ ..
وناصر ساكن في بوظبي

واخر شي خالد اللي هو اخو بوفهد وبو محمد ما معرس ويدرس في ألمانيـآ ..

(-- في دبي --)

ردت فطامي من الجامعه ميته من التعب.. جان تشوف رواضي وشهودهـ يلعبون راحت عندهم عااد فطامي تمووت على سوالف اليهال وتقول > آه ياليت اليهالة تعود يوما << احلفي انتي بس

المهم دشت سارة وشافت فطامي جان تضحك
فطامي لفت وشافتها : هلا سارونه .. شحالج ..!
سارة : تمام يسرج حاليه .. من صوبج ..!
فطامي : بخير بس تعباااانه من هالجامعه
سارة : ما عليه سنتين وتخلصين
فطامي : متى تمر هالسنتين بسلام ..يلا فديتج بخليج بروح ارتاح .. بخاطرج شي ؟
سارة : سلامة روحج ..

راحت فطامي غرفتها بدلت وسبحت بعدين صلت الظهر ورقدت ..

(-- في بوظبي --)

عواش تدق حق فطامي بس ما ترد عليها .. جان يحدر عليها محمد
عواش : ويا مرحبا السآآآآع بحموود الغآلي ..
محمد : مرحبا ملايين ولا يسدن بآختيه الغااليه .. عويش خلصيني شو تبين << يعرف حركاتها
عواش : ما يصير ادلعك بدون سبب يعني ..!
محمد : لا ما يصير ما تكونين عويش اذا جي سويتي ..
عواش : افاا خلاص زعلت
محمد : هههههه احسن بعد
عواش : اووكي يا حمود شوف منو بيب لك اخبار القلب
محمد : فديييت اختيه انا .. ما تزعل مني << عشان القلب
عواش : لا ازعل منك واذا تبا ترضيني وديني الامارات موول
محمد : انا قلت وراج شي .. انزين متى تبين تروحين
عواش : باجر ان شاء الله ..
محمد : افا عليج كم عواش عندنا ..؟
عواش بدلع : وحدهـ
وتدخل عليهم ساروه
ساروه : ها تحشوون في منو اعترفوا ..؟
عواش : بسم الله .. ما نحش في احد تتحسبين كل الناس شراتج
ساروه : اصلا انتوا تتمنون تصيرون شراتي .. المهم سمعت انكم بتروحون دبي باجر
محمد : مسرع ما انتشر الخبر ..
ساروه : هيه تعرفون بعد ما في شي ينخش الحين .. << ع الخط
عواش : ساروه باجر زهبي عمرج بنروح الامارات مول
ساروه : يآآي وناااسه ..
وصل مسج لعواش من فطامي ..

( السموحه غناتيه كنت رآقده عسب جي ما رديت عليج .. بدق لج بليل الساعه 10 )

محمد : من منو هالمسج..!
عواش : من القلب
محمد بخاطره ( فدييتها والله ) : آه من قلب غدا حبه جنوني ..

(-- عند فطامي --)

ميثووه دقت لفطامي

ميثووه : هلا والله بالقاطعه << بدوا الحين
فطامي : انتي القاطعه من متى ما شفتج
ميثووه : تقريبا 8 ساعات بس .. والله غيرتج الايام يا فطوم
فطامي : ههههههـ ميثووه اخر شي بتينيني وياج
ميثووه : لا انتي مينونه بروحج ما ابا ازيدج خخخ
فطامي : دبه والله ..
ميثووه : مقبوله منج
فطامي : غصبن عنج
ميثووه : انزين فطيم بقولج انا باجر بروح الامارات مول واباج تخاويني ومره وحده تتشوفين شي حق حبيب الألب ..
فطامي : فديت هالطاري انا
ميثووه : انزين شو قلتي بتيين ..؟
فطامي : ما ادري بشووف ماماتي وبرد عليج
ميثووه : انزين يلا اتريا الرد
فطامي : اوكي ..

نزلت فطامي تحت وشافت امها قاعده مع ابوها وعبير..

فطامي سلمت عليهم ويلست ..

بو فهد : هلا والله بشيخه الزينات
فطامي مستحيه : فديت راسك والله يا ابويه
عبير تطالع ابوها بنظره : كل حق فطووم وانا بنت البطة السوده
بو فهد : لا انتي الغاااليه والعزيزة
ام فهد : ونحن ما لنا بالطيب نصيب
بو فهد : انتي عين السيح << ما نروم نحن خخخ
فطامي : ابويه ابا اروح باجر الامارات مول ويا ربيعتيه ميثه .. انزين
بو فهد : روحي بس لا تتآخرين ..
فطامي : ان شاء الله يالغالي ..
ام فهد : فطامي تونا انا وابوج كنا بطاريج ..
فطامي : خيير شو تقولون عني
بو فهد : كل خير فديتج ..
ام فهد : فطامي انتي كبرتي وصرتي عروس .. وبصراحه في واحد متقدم لج
بو فهد : لا وبعد واحد يقرب لنا
فطامي استانست فخاطرها (علني افدآآك حموودي ) وبخجل : منو هذا ..!
ام فهد : هذا الله يسلمج شيخ الرياييل حمد ولد اختيه يباج
فطامي منصدمه حمد ....!!!! لااااااااا

شو تتوقعون بيصير لفطامي ..!
وكيف بترفضه واهلها موافقين عليج ..!
وشو الحجة اللي راح تقنع فيها اهلها انها ما تبا حمد ..!

بكمل القصة لو شفت منكم التشجيع

منقووله من كاتبتنهااا " قلب العناا "

انـــــامااحـــب اتـــــوقــــع وااايـــــــد بـــــس كملـــــي فديتـــــج وربــــي امـــــوتــــ ع الروايــــــــــاتــــ خــــاصـــه الامـــــاراتيــــه

للللللللا كمليها الله يخليك بأسرع وقت
شكل الروايه حــــــــــلوه

تسلمووو ع مروركم الغاوي

اوكي بكلمها لكم ,,,,

ام فهد : فطامي تونا انا وابوج كنا بطاريج ..
فطامي : خيير شو تقولون عني
بو فهد : كل خير فديتج ..
ام فهد : فطامي انتي كبرتي وصرتي عروس .. وبصراحه في واحد متقدم لج
بو فهد : لا وبعد واحد يقرب لنا
فطامي استانست فخاطرها (علني افدآآك حموودي ) وبخجل : منو هذا ..!
ام فهد : هذا الله يسلمج شيخ الرياييل حمد ولد اختيه يباج
فطامي منصدمه حمد ....!!!! لااااااااا

فطامي صاخه ما ترمس .. مصدوومه من اللي تسمعه ..

بو فهد : ها بنتي الغالية شو قلتي ..؟
ام فهد : ما يبالها رمسه اكييد موافقة والسكوت علامة الرضا
فطامي وقفت : لا ما موافقة وما ابا آخذ حمد
ام فهد بعصبية : ليش ان شاء الله ؟ حمد ريآل وما عليه رمسه ..
فطامي ركضت وراحت غرفتها ..
قفلت عليها ونامت على الشبريه وتصييح ..
معقوولة آخذ حمد بس والله هو حسبت اخويه ما اباااه ..
طرا على بالها محمد وتذكرت اول مرة شافها وبدآ الحب بينهم ..
كان من سنتين محمد كان يوصل عواش بيت فطامي ..
ولما رجع ياخذها دق الجرس وفطامي راحت بطلت الباب جآن تتخبل على محمد شكله يجنن وهو من صوبه نفس الشي ..
كانت فطامي من سنين ما شايفته وهو بعد وما عرفوا بعض
فطامي بتررد : بغيت شي اخويه ..؟
محمد ( فديت هالصوت ) : هيه بغيت اختيه عويش ..
فطامي تفاجآت : انت محمد
محمد : هيه
جان تيي عواش هلا حموود
محمد : يلا اترياج بالسيارة وراح
سلمت عواش على فطامي وراحت
وعرفت من عويش ان محمد تخبل عليها ومن هني بدا الحب ..

وتصيح زيادة يعني كل شي انتهى وانا ومحمد قصتنا انتهت ..!!!!

تذكرت مواقفها ويا محمد وما تروم تتحمل انها ما بتكون له خلاص
وهي تعرف امها اذا لزمت على شي لازم تسويه ..

(-- في بوظبي --)

عواش تتريا فطامي تدقلها بس تآخرت ..
فقالت بدق لها وبشوفها ..

دقت لها ..

ويرن فون فطامي شالته وشافت انها عواش ردت بسرعه

فطامي : عوييش لحقيييني ..؟
عواش متخرعه : بلااااج فطوووم ؟ ليش تصيحيين ؟
فطامي : حمد ولد خالتيه خطبني وامايه ملزمه اني اخذه والله ما ابااااااه
عواش : شووو ..؟ ومحمد ؟؟
فطامي بحسره : شكلي مو من نصيبه
عواش : فطامي لا تقولين جي .. ان شاء الله بتكونين من نصيبه ..
فطامي تصيح زياده : لا خلاص خلاص .. الله يوفقه مع غيري ..
بعدين سكرت وما رامت ترمس وعواش عذرتها وقالت بتتصل بوقت ثاني

عواش يالسه حزينه حرام الحب اللي كان بين فطامي ومحمد ينتهي ..

محمد يحدر عليها ..

محمد : عوآش .. عوييش
وعواش مو منتبهه فجآة صدت صوبه : هلآ .. بغيتني
محمد : ساعه اناديج .. وما تردين
عواش صدت تحت وطالعته نظره كلها حزن
محمد : بلاج عواش فيج شي ؟؟
عواش : فطامي خطبهـآ ولد خالتها ..
محمد تغير شكله : شوووووووو ؟ ووافقت ؟؟
عواش سكتت
محمد فهم ان فطامي وافقت ..
هد عويش وظهر معصب من البيت ..

ركب سيارته ويفكر .. يعني كانت تجذب علي ..!!!!
انزين ليش ..؟ على طول باعتني ..
مثلت علي انها تحبني وخلتني اتعلق بها ..
واخر شي بتاخذ ولد خالتها ..؟

ما فكر باللي يسويه .. بس شال فونه واتصل لفطامي رقمها مسيف عنده بس ما كان يدق لها ..

فطامي يرن فونها .. استغربت من الرقم بس ردت بصوت كله حزن ..

فطامي : الو
محمد : فطامي وياج محمد ..
فطامي فتحت عيونها : مـ .. ـحـ .. ـمـ .. ـد ؟؟؟
محمد : هيه .. عى فكره متصل بس بغيت اقولج ما شاء الله عليج ممثله نمبر ون .. مثلتي علي الحب وخليتيني اتعلق بج واخر شي بعتيني .. بس خساره .. خسارة الحب اللي عطيته لج .. عطيته لانسانه ما تستاااهل ..

شو تتوقعون رد فطامي بعد هالكلام كله ..؟

معظمـ الكلمـ‘ـأإت ما فهمـ‘ــهـ‘ـأإ,,

هع هع ..

مشكووره،ـ أختي

(( فديتــــــج والله كمليهــــا بس بليييز خليهـــا اتكـــونـــ اطـــول عن جــــي لانهــــا الصراحـــه واااااااااايـــــــد قصيـــرهـ ))

مشكوره خيتو بس يا ريت تكملينها كلها

تسلموون ان شاء الله فالكم طيب ,,,

متقهوي حاول تفهم ههههههههههه

فطامي يرن فونها .. استغربت من الرقم بس ردت بصوت كله حزن ..

فطامي : الو
محمد : فطامي وياج محمد ..
فطامي فتحت عيونها : مـ .. ـحـ .. ـمـ .. ـد ؟؟؟
محمد : هيه .. عى فكره متصل بس بغيت اقولج ما شاء الله عليج ممثله نمبر ون .. مثلتي علي الحب وخليتيني اتعلق بج واخر شي بعتيني .. بس خساره .. خسارة الحب اللي عطيته لج .. عطيته لانسانه ما تستاااهل ..

فطامي ساعتها اختلطت عندها الاحاسيس ..
تيبست فـ مكانها ..
تسمع هالكلام كله من منو ..؟
من اغلى ناسهـآ ...؟
فطامي دموعها تنزل ع خذها مو رايمه ترمس ..
مو مصدقه ان هالانسان هو محمد اللي حبته وحباها ..
مو مصدقه انه يجرحها بكل سهوله وما يحاسب ع رمسته ..
محمد قال هالرمسه وسكر بعدها ..
سكر وخلاها محطمه .. كارهة نفسها ..
يلست فطامي تصيح من الخاطر .. من قلبها ..
معقوله اللي كنت احبه يقول لي اني ممثله ..
حراام اللي يصير فيني والله حراااااام ..

(-- فـ بوظبي --)

الساعه 1 بليل ..

عواش يالسه تتريا محمد ..لانها تتصل وما يرد عليها ..

دخل محمد وحالته على الله ..
عواش وقفت وطالعته مستغربه من حالته ..
محمد بصوت تعبان : شو اللي مقعدج لين الحين ..؟
عواش : اترياك كل ما اتصل فيك ما ترد ..
محمد : خلاص روحي ارقدي ..
عواش : وانت بترقد ؟
محمد : هيه برقد ( يقول لها جي عسب ترقد )
عواش : انا بغيت ارمسك بسالفة فـطـ ..
قاطعها محمد : لو سمتحي عواش ما ابا ارمس بالموضوع .. خلاص
عواش : براحتك ..
بعدين راحت عواش ترقد وراح محمد غرفته .. بس ما رقد يلس يفكر في فطامي ..
ويقول فخاطره .. اللي سويته غلط كيف قلبي طاوعني اقول لها هالكلام ..
بعدين يرد ويقول .. لالا عيل كيف تقول انها تحبني وباعتني ..
والحال عند فطامي ما يسر ..

(-- في دبي --)

الساعه 3 الفير

فطامي ما سكتت و دموعها ما وقفت .. مصدومه من اللي سواه محمد ..
مو معقوله يجرحني اكيد هو ما يحبني .. ولا اذا يحبني ما كان بيقول لي هالرمسه .. تمت تفكر وتفكر .. وبعدين مسحت دموعها .. واتخذت قرارها .. وحاولت ترقد بس ما رامت ..

اليوم الثاني الصبح ..

نزلت تحت شافت ابوها قاعد بروحه راحت عنده سلمت عليه وباسته فوق راسه ويلست ..

بو فهد : فطامي ..؟
فطامي بصوت مبحوح : لبيه
بوفهد : لبيتي حايه .. فديتج ليش جي ويهج غادي اصفر وعيونج متورمات .. لا يكون بسبة سالفة امس ..؟
فطامي : لا .. اصلا انا فكرت وافقت على حمد ومقتنعه فيه ..
بو فهد : عندج فرصه يالغاليه تفكرين ولا تحطين ببالج ان امج بتغصبج انا وياج وما بخليج تعرسين غصبن عنج ..
فطامي فرحت وبينت الفرحه بعيونها بس بسرعه رجع لها الحزن لانها تذكرت محمد والكلام اللي قاله ..
فطامي تبا تعانده الحين وتاخذ حمد عناد فيه .. برغم من انها تباه هو ..

(-- فـ بوظبي --)

الساعه 11 الصبح

محمد يالس يفكر بفطامي والي سواه فيها .. فجآة يندق الباب ..
محمد : منو ..؟
عواش : انا عواش
محمد : ادخلي ..
عواش تدخل عليه : صباح الخير
محمد : صباح النور
تقرب منه عواش وتجابله : امممممـ .. اظن انك ما رقدت ولا شي امس ..
محمد : ما اروم يا عويش .. انتي ما تدرين شو سويت
عواش : ليش شو سويت ..
وقال لها محمد شو سوآ بفطامي ..
عواش : ليييش ..؟ حرام علييك جي تقول لها .. كيف تقول انها مثلت عليك الحب .. وهي امس تصيح وتقول لي ما ابا حمد اللي اباه محمد وكيف تقول انها باعتك وهي تفكر بحجه عسب تقنع اهلها انها ما تاخذ حمد .. وامها ملزمه عليها تاخذ حمد وهي المسكينه لما اتصلت لي امس كانت تقول الله يوفق محمد مع غيري .. وتصيح ..

محمد حس انه غلط بحق فطامي .. وحس انه بيموت من كثر الذنب اللي يحسه ..
لحظة صمـت ..

محمد : عواش .. الحين كيف اعتذر منها والله مالي ويه ارمسها ..
عواش : ولا انا والله .. بس ع العموم اليوم بنروح الامارات مول وبنمر بيت عمي منصور وانا برمسها وان شاء الله تقتنع مع اني ما اظن ..
ودخلت عليهم ساروهـ ..
ساره : اييه انتوا ليش تقولون كلام وما تسوونه هاا ..؟
عواش : شو قلنا نحن .؟
ساره : قلتوا بنروح الامارات مول
محمد : انزين بنروح .. يلا روحوا تزهبوا وبوديكم هناك .. << مع انه ماله خاطر يظهر .. بس عسب خاطر فطامي .. ولانه حاس بالذنب ..
حدر احمد عليهم : وانا بعد بيي وياكم ..
ساره : وكيف تروم تهد كتابك .. ولا اقولك اخذه وياك احنا بنحوط وانت ذاكر هههههههه
احمد شل المخدة وضربها ..
ساره : مالت عليك .. عواش نشي خلينا نروح نتزهب احسن لنا من مجابل السبال احمدووو وربعت بسرعه لغرفتها ..
عواش : هههه ما ادري متى بتعقل هذي ..
احمد : انا براويها ما عليه تريي عليه ..
وراحت عواش تتزهب ..

(-- في دبي --)

ميثوه تدق حق فطامي ..

ميثوه : فطامي حرام عليج من الصبح اترياج هني ..
فطامي : وينج انتي ..؟
ميثوه : بالامارات مول شو نسيتي انج بتشترين شي حق محمد
فطامي يوم سمعت اسمه حست بغصه : امممممممم
ميثوه : بعد تفكرين يلا تعالي بسرعه .. بليييييز
فطامي ما بغت تكسر خاطر ربيعتها : انزين فديتج الحين بيي ..
ميثوه : اوكي اتريااج ..


فطامي نشت وراحت تتزهب عسب تروح مول الامارات .. وما كان لها خاطر .. لبست بدي لونه وردي ..ويا تنوره فيها حركه حلوهـ من تحت .. وعليها عباه فيها شغل وردي والشيله شرآت العباه حطت جلوز وردي فاتح .. وتجحلت ..وكانت تخبل ..
وراحت عند عبير اختها عسب تروح وياها .. وعبير رآآآآقدهـ لانه كان يوم اليمعه وتعرفون الاجازهـ لازم رقآآد ..

تدق الباب عليها .. مرهـ ومرتين وثلاث ..
ماشي رد لا حياة لمن تنادي ..
جان تفتح الباب وتدخل شافتها راقدهـ رقآآآد لا مو رقاد قولوا سبات ..
تجدمت وراحت عندها ..
فطامي : عبوووور .. عبييييير .. عبيرووو .. نشي .. عبييير
وعبير ما شي رد ..
فطامي صدت صوبها لقت كوب ماي ..
قالت ما عليه براوييج .. شلت الكوب وراحت وصبته كله عليها ..
جان تنقز عبير .. بسم الله الرحمن الرحيم
وفطامي ناقعه عليها من الضحك ..
عبير طلعتها بنظره وقالت : انزين وقفي وقفي
وراحت تربع وراها وفطامي يدامها ..
تحت .. فهد وام فهد وبوفهد ..
فهد : ابويه من زمان ما رحنا العزبه ويا بيت عمي ..
بو فهد : ان شاء الله الاسبوع اليآي بقول لعمك وبنروح ..
ام فهد : وانا بقول لآختيه تيي ويانا .. مسكينه ملانه ريلهـآ من توفى ما ظهرت مكان ..
بو فهد : الله يرحمه .. يلا انا بنش الحين ابدل وبنزل نتغدا
فهد : وانا وياك بعد
ام فهد : انزين ..
بوفهد نش بيروح يركب ع الدري ولا يشوف فطامي تربع من فوق تحسب فيهم شي فطامي : ابووويه تعااال شوف بنتك تبا تضربني ..
عبير : والله تريي ان ما وريتج ..
فطامي راحت ورا ابوها ..
بو فهد : عبير بلاج شو تبين منها ..
عبير : ابا اكسر راسها .. عيل يرضيك يا بويه تيي وتصب عليه مآي عسب تقعدني من الرقاد .. انزين قعديني بالطرق السلميه ..
فطامي : والله ما خليت طريقه سلميه ما سويتها لج بس شسوي اذا انتي ما تيين اذا بالطريق الحربيه << عايشين الدور
بو فهد يضحك على خبآل بناته : انزين ليش تقعدينها يا فطوم اليوم اجازة ..
فطامي اونها بريئه : هذا ذنبي لاني ابها تيي وياي مول الامارات وابـ
قطعتها عبير : فدييييت اختيه انا والله وراحت لوت عليها وقالت : دقيقه اتزهب وانزل ترييني ..
وراحت عبير وكلهم نقعوا عليها صج الدنيا مصاالح ..
بعدين راح فهد وبوفهد فوق ..
عبير راحت غسلت ويهها << ما يحتاي فطوم غسلته لج ككك وصلت بعدين لبست بدي ازرق فاتح وتنورهـ كشخه ..
وحطت جحال ازرق وجلوز شفاف حلو ..
ونزلت عند امها وفطامي ..
عبير : يلا فطييم خلينا نروح
فطامي : يلا نشي ..
وتوهم بيطلعون ولا يشوفون اخوهم سيف داخل وراسه كله دم ويصييح ..
فطامي تصارخ : شوو بلاك ؟؟ منو جي مسوي فيك ..
وهو يصييح وما يرمس
نشت ام فهد متخرعه : سيييف شو فييك ..؟ منو ضاربنك ع راسك ..
وما يرمس بس يصيييح ..
عبير دقيقه خلوني انادي ابويه يوديه المستشفى ..
سواف : لا لاتنادونه
فطامي : ليش .؟
سواف : لانه ابويه بيكشفني اني اقص عليكم وطلع لسانه وقال : صادوووه وشرد
فطامي تطالع عبير وعبير تطالع امها ونقعوا من الضحك على هالياهل ..

المهم ظهروا فطامي وعبير وكانت الساعه 12 ونص ..

(-- في بوظبي --)

تزهبوا فطامي وساروهـ .. ونزلوا تحت ..
عواش : يلا نشوا خلونا نروح
محمد : احمد انته سوق السياره انا ما اروم
احمد : اووكي ..
ظهروا من البيت .. ركب احمد ومحمد حذاله يدام .. وركبت عواش ورا وكانت توها ساروهـ بتركب قالها احمد : سارونه اسمع امي تناديج
ساروه : اونه انا ما سمعتها .. انزين دقيقه تريوني بروح اشوفها وبرد ..
وشوي ولا يتحرك احمد في السياره وتصد صوبه ساروه : وقفوا لا تروحوووووون
احمد نزل الدريشه : ههههههههـآآآآي .. بنرووح وتمي انتي بروحج هني عشان تقولين سبال مره ثانية..
ساروه تلحق وراهم : حرام احمدوو والله انا سبااااااله مو انته حرااام وقف .
بس احمد مشى عنها وهي وقفت وعيونها انترسن دموع ..
بعد دقيقتين .. رجعوا ولقوها واقفه ..
احمد : ما نروم نروح بدون الدلوعين ..
ابتسمت ساروه مع انها تتحلف لاحمدوو انها ترد له الحركه .. وركبت وهي مفووله .. ومحمد وعواش يضحكون على خبال هالاثنين ..

----× في موول الامارات ×----

ميثوه شافت فطامي وعبير وسلمت عليهن ..
ميثوه : يهون علييج تهديني ها كله اترياج ..
عبير داشه عرض : هيه يهون
فطامي : هههههه ميثوه ما يمدحون اللي يدشون عرض
عبير : عرض ولا طول هههه
ميثوه : سخييييفه ..
عبير : ما عليج زوود
فطامي : اقول نشوا خلونا نروح نتشرى ..
ونشوا البنوتات يتمشون .. ويدخلون محل ويتشرون وجي ..

ومحمد واحمد وخواتهم وصلوا ونزلوا محمد واحمد يلسوا فـ كافيه ..
اما عواش وساروه راحوا يتشرون ..

عند فطامي ..
فطامي : اقول انا بروح اشتري لنا شي من باسكن وانتوا تريوني هني انزين ..
ميثوه وعبير : انزيين ..
وراحت فطامي وطلبت لهم اسكريم من باسكن يمي يمي ..

عند محمد ..

محمد : تصدق خاطري آكل اسكريم من باسكن ..
احمد : انزين روح اشتر لك ولي ولبنات بعد ..
محمد : انزين ..

ونش محمد وراح يشتري ..
عند فطامي
فطامي تمشي وتحس نعالها فيه شي ..
تطالعه تشوف بلاه وتمشي .. وفجآة تصدم فواحد من الشباب .. وتطيح تحت ..<< فشششله
ينزل لها ويقول لها : السموحه اختيه ما شفتج ..
فطامي صاده تحت لالا مستحيل هذا مو محمد .. بس هذا صوته يارب ما يكون هو
رفعت راسها وووو .......؟؟

ترقبوا ^^"

(( يـــــاالله عســـــول كملـــي البــاجــي صــدق اتشوقــت ابــااعرفــــ شــوبيستويـــ بينـــ حمــود وفــطامـــي ))

مشــكوره اخـــتي على هالجزء
بس ياريـــت تكملـــينها بأســـرع وقت
تقــبلي مروري

ان شااء الله

فالكن طيب ,,,

عند فطامي
فطامي تمشي وتحس نعالها فيه شي ..
تطالعه تشوف بلاه وتمشي .. وفجآة تصدم فواحد من الشباب .. وتطيح تحت ..
ينزل لها ويقول لها : السموحه اختيه ما شفتج ..
فطامي صاده تحت لالا مستحيل هذا مو محمد .. بس هذا صوته يارب ما يكون هو
رفعت راسها وانصدمت ..!!
يقولون يخلق من الشبه اربعين ..
اما يشبه من الصوت اربعين .!!!!
استانست فطامي انه ما كان محمد ..بس صوته شرآت صووت محمد
وبعدين حست بعمرها وشافت الناآس كلهم يطالعونها قفطت من الخاطر ..
والريآل يمد ايده يبا يقومهـآ .. طلعته بنظره وقامت وقفت .. وهي قافطه
.. قالت له : ما تشووف يدامك ..؟ ولا تستهبل يعني ..؟
. : السموحه اختيه بس كنـت ..
قاطعته فطامي : اووف .. حصل خيييير .. فخاطرها > مالت عليك <
والريآل تينن على فطامي ..

المهم فطامي راحت باسكن ..
وقفت .. ويا واحد وقف حذالهـآ وبدون ما تصد له وهو ما يصد لها ..
وقالوا ويا بعض : لو سمحت ..
بعدين طالعوا ببعض .. شهقت فطامي : مـ حـ مـ د !!!
محمد يطالعها ومتفاجآ .. وبنفس الوقت متفشل من اللي سواه امس ..
فطامي طالعته بنظره تبين انها زعلانه .. وكانت تبا تروح جان يناديها ..
محمد : فطامي ..
فطامي قلبها يدق بسرعه وقفت وصدت صوبه بدون ما ترمس ..
محمد : ممكن ارمسج شوي ..؟
فطامي وهي ماسكه عمرها : اظن اللي قلته امس كفايه وما بينك وبيني كلام .. عن اذنك ..
فطامي قالت هالكلام ومشت عنه ونزلت دمعه حارهـ ع خدها ..
شو تبا تقول بعد يا محمد .. ما كفاك اللي قلته امس .. آآه يقلبي ليت الجرح مو منك ليت الجرح من غيرك ..

محمد واقف ومصدوم اول مره فطامي ترمسه بـ هالطريقه .. مبين انها تأثرت واايد من كلامه .. بس والله ندماان يا فطامي والله ..

رجعت فطامي عند عبير وميثوه ..
عبير : ويين الايسكريم ..؟
فطامي :............
ميثوه : بلآج فطامي ..؟
فطامي صااخه عنهم وما تبا ترمس ابد ..

رجع محمد عند احمد ..
احمد : هاا وين الايسكريم ..
محمد : ليتني ما رحت ولا سمعت اللي سمعته ..
احمد : بلاك ليش جي تقول ..
محمد : ماشي ماشي .. وينهم عوآش وساروهـ دق لهم خلنا نرد بوظبي ..
احمد : بس للحين ما تغدينا .. << همه بس الاكل
محمد بدون نفس : احمد دق لهم بسرعه خلنا نظهر من دبي
احمد : اوكي ..

عند فطامي ..
كانوا داخل محل .. وفجآه لقوا عواش وساروه يدامهم ..
عوآش : هلآ والله ..
فطامي : اهلين .. وسلموا على بعض ..

وبعد شوي تمشوا كلهم ويا بعض > عواش وفطامي و ساروهـ وعبير وميثوه ..
دق تلفون عوآش ..
عوآش : هلآ احمد ..
احمد : عواش تعالي انتي وساروهـ صوب الكافيه .. ترا بنرد بوظبي ..
عوآش : ليش نرد بوظبي .. للحين ما خذنا شي ..
احمد : ما ادري محمد قال لازم نرجع ..
عواش : عطني ارمس محمد ..
صدت فطامي صوبها وفيها فضول تبا تعرف شو مستوي ..
عواش : محمد ليش تبانا نرجع بوظبي ؟؟ للحين ما شرينا شي ..
فطامي طالعت عواش .. محمد يباهم يرجعون ليش .!! عشان اللي صار بينا .. لالا ما اظن ..
محمد : انزين بنتم بس شوي .. انتوا أي صوب واقفين ..؟
عوآش : نحن ويا بنات عميه ..
محمد استانس من الخاطر : انزين نادي بنات عمج وخلينا نتغدى وياهم ..
عوآش : انزين ..
سآروهـ : ها عويش بنرد ..!!
عوآش : لالا ما بنرد .. محمد يقول خلينا نروح نتغدى وياهم ..
فطامي : اوكيك نحن بنترياكم روحوا تغدوا وارجعوا ..
عوآش : لا .. محمد قال اييبكم ويانا ونتغدى وياهم ..
فطامي ارتبكت : امممممـ .. انا مو يوعانه .. وما اشتهي .. وبعدين ربيعتيه ميثوه كيف تيلس وياهم ما يصير ..
عوآش : فطامي بنخليهم يلسوون ع طاولة ثانيه .. تعالي عآآد ..
عبير : اوكيك ما عليكم منها يلا بنروح ..
فطامي ما تبا تشوف محمد بس شتسوي : اوكيك
وهم يمشون دق اخو ميثوه لهـآ .. وقال لهـآ انا ياي صوبج ..
فطامي : انزين تمي تغدي وروحي ..
ميثوه : لالا مره ثانيه ان شاء الله ..
وصل اخو ميثوه عندهم ..
فطامي متفاجئه : هذا اخووج ..
ميثوه : هيه هذا اخويه سعيد ..
فطامي : ههههههههـ تدرين انه صدمني وطحت ع الارض وقفطت من الخآآطر ..
ميثوه : ههههههه والله فاتني كان خاطري اشووف شكلج ..
فطامي : مالت علييج ..
ميثوه : وعليييج .. يلا بآآي صبايااااا ..
كلهم : بآآآآآي ..
فطامي ما كانت تباها تروح لانها الحين بتنجر انها تيلس وياهم .. ويا محمد اللي ما تبا تشوفه ..
وصلوا المطعم .. وسلموا على عيال عمهم .. ويلسوا احمد مجابل عبير ومحمد مجابل فطامي وعويش مجابل ساروه ..
على فكرهـ .. > احمد وعبير يحبون بعض وبس يخلصون الدراسه بيعرسون <
احمد يطالع عبير ويبتسم لها وهي مستحيه وما تروم تاكل ..
اما فطامي ومحمد .. ولا حتى تعطيه نظره صاده صوب عوآش .. او تصد تحت ..
تموا يسولفون واحمد يخبرهم عن اللي سوآه بسآروه ..
ومحمد وفطامي مو هني .. فطامي بدون ما تحس صدت عنده ويت عينها بعيونه
كانت العيون تتكلم .. عيون محمد تعتذر وعيون فطامي ما تقبل و بسرعه فطامي صدت الصوب الثآني .. وتموا ع هالحآل لين ما خلصوآ الغدا .. وفطامي صاخه ما قالت ولا كلمه طول ما هي يالسه .. ولما خلصوا الغدآ ..

عوآش : يلا بنوتات نشوآ خلونا نروح نتشرى اغرض ..
ونشوآ وراحوا ومحمد يراقب فطامي من بعيد ..

عوآش و فطامي فـ صوب .. وعبير و