..القلب الجريح..

يقول اللي جرح قلبه حبيبه
وجرب لوعه الحب ولهيبه
الا ياويل منهو عاش مثلي
صويب القلب والحاله تعيبه
سنين اطوال راحت من حياتي
وانا محتار وجروحي عطيبه
اسير بشوق خلٍ مارحمني
ياليت اللي سطا بقلبي يصيبه
تركني وشمت العذال فيني
عنيد الراي مايرحم صويبه
يقولون اترك الزين وغرامه
حبيبٍ خان ودك وش تبي به
واقول المختفي محدٍ درابه
عسى من لامني به يبتلي به
انا مدري علامه مايبيني
صحيح الزين عادته غريبه
قبل سنتين يتمنى وصالي
يبي قربي وحبي ويهتني به
واشوف اليوم انا اتمنى وصاله
سمع صوتي وعيا لا يجيبه
انا لا قلت تكفى شوف حالي
ابي كلمه تهون لي المصيبه
يردد كلمته ويزيد ناري
(انا مابي غرامك ماهي غصيبه)
انا وش حيلتي بللي ظلمني
وظلم قلبي وهو من اول حبيبه
على فرقاه رددت الغناوي
ابي يسمع قصيدي ويعتني به
ولكنه رفض يسمع كلامي
وانا الدمعات لعيوني قريبه
انا وش فادني ترديد شعري
مدام الحظ قصر لا يجيبه
مسحت بدمعي ما خطت ايدي
بعد ماكانت ابياتي عجيبه
وضاع الشعر ويا الحب مني
وبقا مبداي الاول ينتهي به
واقول اني نسيت الهم لكن
يقول اللي جرح قلبه حبيبه

جروح السانه
صح السانك

يقولون اترك الزين وغرامه
حبيبٍ خان ودك وش تبي به


\

ان ذابت الخيانه بين حرارة الحب فهي ستعكر روعة مذاقها
وان وجد حبيب تحبه وهو لايحبك فلاتبوح بحبك افضل لك
وان زاد صد الحبيب فلابد ان يذوب جدار قلبه ويحن لك

-
-

جروح انسانه اجد بين كلماتك ألفه
غاليتي ننتظر جديدك الذي يبهج بأمله

دمتي

انا جديده على المنتدى
وردودكم اسعدتني كثير
والجديد ان شاء الله يكون احسن

يسلموووووووووووو جرووووووووحه

مشكوره اختي الأمبراطوره

كلمات رائعه
من يد اروع
تسلميلي عالطرح الراقي
بإنتظار جديدك.....

فعلا كلمات رائعهــ التي سطرتها بين ثنايا صفحتك الرائعه

يعطيك العافيه

(( بدون مجامله ))

وربي مشكورين
يا سرور .. و .. flower ..الله لا يحرمني من كل اهل
الذوووووووووووق

مشكورة اختي عالطرح الرائع

مشكور يوسف ع المرور .......