السلام عليكم اخوانى
ريجيم لرمضان
حاسّة إن وزنك زاد شوية من كتر العزومات ومحتاجة إنه يرجع زي الأول علشان تقدري تشتري هدوم العيد اللي إنتِ عايزاها، وفي نفس الوقت ماتحرميش نفسك من الأكل ويكون الأكل صحي ومفيد..
يبقى إيه رأيك نشوف مع بعض ريجيم ممكن إنك تمشي عليه خلال الأيام اللي جاية في رمضان وهتشوفي النتيجة بنفسك.
نشوف مع بعض.
الإفطار:
• طبق شوربة خضار منزوعة الدسم.
• ربع فرخة مشوية أو مسلوقة أو ربع كيلو كبدة مشوية أو ربع كيلو سمك مشوي "يعني يوم كده ويوم كده علشان ماتزهقيش".
• قطعة صغيرة مكرونة بالبشاميل أو 5 صوابع محشي أو طبق رز صغير.
• طبق سلطة خضراء.
• طبق خضار سوتيه.
• كوب عصير صغير.
السحور:
• كوباية زبادي منزوع الدسم.
• بيضة مسلوقة. أو ست ملاعق فول مدمس مع قطعة توست.
• قطعة جبن قريش.
• ثمرة فاكهة متوسطة الحجم.
بين الفطار والسحور
ممكن إنك تاخدي قطعة كنافة أو جلاش أو بقلاوة بس خدي بالك إن القطعة دي تكون صغيرة، يعني في حجم علبة الكبريت أو واحدة قطايف. أو 2 صباع بلح الشام.
خدي بالك
علشان الريجيم ده يجيب نتيجة هايلة ياريت إنك تاخدي بالك من شوية النصائح دي وهي:
1- ياريت إنك تاكلي الحلويات يوم آه ويوم لأ.
2- ممكن إنك تاكلي شوربة لسان عصفور مرتين في الأسبوع وفي اليوم اللي هتاكلي فيه شوربة اللسان عصفور ياريت إنك ماتكليش أي حاجة ثانية فيها نشويات.
3- يجب تناول الحلويات بعد وجبة الإفطار بحوالي ثلاث ساعات.
4- لو شعرتِ بالجوع في الفترة ما بين الفطار والسحور ممكن إنك تاكلي خيار أو خس.
5- طبعا من الأحسن إنك تعجلي في الفطار وتأخري في السحور على قد ما تقدري.
6- ابعدي نهائي عن المشروبات الغازية.
وفي النهاية أحب أقول لك إنك لو مشيتِ على النظام هذه -إن شاء الله- هتلاقي نتيجة هايلة..
الملا...
30-08-2008, 04:57 AM
المواضيع المتشابهه 
ريجيم لرمضان 1 
العرض العادي
