جدولي ايام الدراسه

قمت من النوم الساعه (( 6 )) الصبح وانا كلي نشاط
وحيويه
....تروشت ... حلقت ... فرشت سنوني ... نظفت غرفتي .
ورتبت سريري غيرت بجامتي وطبقتها وحطيتها فوق السرير عشان ارجع القاها جاهزه!!
نزلت تحت لقيت الخدامه مجهزه الفطور !!!

قعدت مع ابوي واخواني على طاولة الفطور

ابوي قاعد على رأس الطاوله وانا واخواني حولوه واختي الصغيرونه في حضنو....

ابوي يحبنا ... يقطع لهذا خبزه ويقرب صحن
لهذا ويصب لهذاك ....

امي الله يخليها لي ولكم قاعده ترتب اغراض خواتي " وتمشط
" شعورهم استعدادا للمدرسه .....

خلصت الفطور .... بست راس ابوي وامي وبست اخواني واحد
واحد

ركبت سيارتي وربطة حزام الامان ومشيت ..... الشوارع
فاضيه مافيها الى انا وابوي نمشي فيها

سرعتي ما تعدت 15 كلم ... وصلت الجامعه دلخت بكل احترام وادب اعجب فيني الدكتور


سمعت المحاضره بكل تركيز وانتباه!!!

جت الساعه " 2 " ونص الظهرطلعت راجع للبيت

يوم دخلت البيت والقا ابوي وامي واخواني... وابوس واحد واحد مع
راسوه ...
اخذلي غفوه لين العصريه...

العصريه اذاكر لاخواني ... وبعد المغرب زيارات عائليه

وبعد صلاة العشاء اقعد على الكمبيوتر اسوي بحث للجامعه ,,,,


هذا جدولي اليومي الكذبى تبغون الصدق ...؟؟؟؟
شوفو .......!!!!
اقوم من النوم الساعه "8 " ونص " 9 " .. وانا مقفلة معايا
لو يقولي واحد صباح الخير قلت كل تبن يامعفن
والس بسرعه وارمي املابس شي فوق الستاره وشي فوق الدولاب وشي تحت السرير
ملابسي مو مكويه ومتأخر على الجامعه يعني مو لازم تنكوي

انزل تحت وماالقى احد ... امي نايمه .. ابوي راح للشغل
اخواني اخذهم السواق للمدرسه ...

اروح المطبخ ابغى فطور تنط في وجهي الخدامه واسمعها احلى كلام عشان تسويلي سندوتش سريع سريع وانا ودي اعطيها هذاك الكف الي يرجعها لهلها ..
... اركب السياره واكل السندوتش وافتح المكيف يبرد الغضب الي فيني

امسك طريق الملك فهد ..... بس ما هنا سرعه يعني 140 ــ150 بس
انواع المجاكره والتخويف على العالم ...

آآآآوصل الجامعه... القى الدكتور يستناني عند الباب ....
مبرطم والعيون اشوي وتكسر النظاره وتطلع من مكانها

يسألني ... ليش متأخر ؟؟؟

اقول .. والله جدتي اتنسمت ...

<==== وللللل ايش البلشه ابغى اقول ... جدتي ماتت .. والكفر اتنسم
المهم دخلت وجلست وحط راسي واكمل النوم
وتجي الساعه " 2 " الظهر ... مالي نفس بشي ...
اروح للبيت القى الكل متغدي وتقولي امي خلي الخدامه تسخن لك الغداعاد الخدامه صديقتي الوحيد الي في البيت

انام وبعد ماصحى اتغدى يعني اصحى العشا...صار عشا مو غدا.. اروح آآخذلي غفوه الين بعدصلاة العشاء
واجمع كل الصلوات.....

اقوم من النوم وانواع الدشره ... الى الساعه2الليل
وكمان ارجع اكمل نوم...
وحاولو اخواتي يغيرو نظامي مو عشاني عشان السواق تعبان.... لكن احد بس يجي يقومني من النوم مايلقى غير يدي من حالها متجها نحو وجهو معطيتو كم كف ومن الي يحبو قلبك....
انتظرو جدولي في الإجازه.........

زين اللي قلت ان هذا جدولي الكذبي خخخخخخ
بصراحه بققت عيوني قلت هذولي مو اوادم هذولي ملائكه خخخ
يسلمو عاليوميات
وبنتظار الباقي

انا من قريت العصريه اذاكر لاخواني ... وبعد المغرب زيارات عائليه

وبعد صلاة العشاء اقعد على الكمبيوتر اسوي بحث للجامعه ,,,,

عرفت ان الموضوع كله ارانب
بس لمن كملت قلت ايه هذولا هم هالجنس

واصل مجهودك اخوي

اول ما بديت اقرا
قلت هذا جاي يخربط ويضحك علينا
بس لما كتبت جدول كذبي
قلت ايه هذا هو الواقع
الحين صرت مثل شبابنا

ههههههههههههه..والله انا اول ما قرات جدولك الكذبي قلت في بالي هذا شكله سمع حكاية قبل النوم وجه يكتبها لنا خخخخخ..بس والله يوم ذكرت جدولك الصدقي موتني ضحك الله يعينك يارب..وننتظر جدول الاجازة باذن الله تعالي>>ولا تنسي جدول الاجازة الصدقي والكذبي هههههههههه والله حلوة وجديدة جدول صدقي وجدول كذبي..مفيش جدول كذبي علي صدقي>>هههههههه فاكرة نفسها في مطعم.
مشكوووور اخوي علي روحك المرحة وجدولك الصعب الله يعينك وتضبطه.

تحياتي..
اشراق.

أنا أقول من أول ما قرأت شو هالنشاط

يا زين الشباب النشيطين والشاطرين

أدرس اخواني وباقي الحكي

طلع كله جدول كذبي وخرابيط ههههههههه

صج هذا واقعكم يا الشباب خخخخخخخخخخخخخخ

مشكور أخي على جدولك اليومي وروحك المرحة

ايش دعوه مره مافي شباب نظاميين كذا
انا حكمو عليا مره اكون نظامي يوم كامل قلت سهله لكن يوم جربت حسيت اني كائن غريب استنى اليوم يخلص بسرعه عشان ارجع لعاداتي الحلوه خخخخخخخخ
مشورين عالمرور

خخخخخخخخخخخخخخخخ من يوم قرية جدولك الكدبي قلت يمكن اكون مخربطه لا يكون دخلت قسم القصص الخياليه بالغلط

صدف قلت دولآ ملائكه ماشاء الله بس يوم رجعت للجدولك الصدقي قلت ايه ...لسآ الذنيآ بخير خخخخ

موضوع ممتع ..بس ماشاء الله داخل علي اليوميات دغري

ههههههه ايه والله كلهم داجين مشكوور اخوي

هههههههههههه
الله يعين اللي معك بالبيت اذا بيصحوك من النوم خلهم ياخذوا احتياطهم
يسلمووووخيو على يومياتك ..

طبعي ذبح غيري ..بس ماشاء الله داخل علي اليوميات دغري
شسوي قلت تعرفو طبعي عشان اول مادخل المنتدى لازم تتفادوني يمكن اكون توي صاحي من النوم خخخخخخ لا والله بس قلت اذا دخلت هنا على طول اكون تعارف على طول


اسكادا .... الله يعين اللي معك بالبيت اذا بيصحوك من النوم خلهم ياخذوا احتياطهم
مين قالك اخواتي لمن يصحوني يجيبو عند البزارين وهم يراقبو الوضع من بعييد عارفين ماقدر اسوي شي للبزوره بس اصرخ عليهم خخخخخخخ
مشكوووورين عالمرور

ههههههههههههههههه
ويه كل الاعضاء مو مصدقين انك نظامي من اول خخخخخخخخخ يعني مكشوفه ههههههه قبل لا تقول
بس صج جدولك مخربط الله يعين اللي بيرتبون غرفتك بيهلكون بتطلع روحهم و اهم يتدعسون حق ذي و ذاك هههه
بس حلو جدولك الدراسي
تحياتي
@فروشة@

اوووووووف

خليتني اتحنطم واقول الله يقطع ابليسه هالخرّاااط

والا هذي حلقه من حلقات افتح يا سمسم خخخ تعلمنا الادب والنظام

ياريتنا استفدنا بس خخخ كله خريط في خريط

طلعت ملوص يالملوص

خوش حركات هع هاااع هوووع

حتى بوحمد لطشته وراك خخخ

7
7
7