يسعد ليـهَ آمسـآڪَم // صبــآحڪَم
بـــڪَل خيـَروبرڪَـــه
صرااااحه افتقدت كثييير منالاعضااااء الغالين عليه واااايد خلااال فترة انقطاااعي عن المنتدى ومادري ويندااارهم حالياً !!
ربي يوفقهم ويسمّح دروووبهم وين ما كااانوا وعساهم بس مانسوووني
بس اتمنىصفحاتي تنآآل ع رضاكمـ..~
أدري بتقولون وش ذكرهااا دانه باليوميات احس من زمان ما حدرت اكتب شي باليوميات الان هالشي ذكرني برمضان اللي طاف عسب جي قلت بكتب لكم >>> بتقولون كيف ؟؟ وليش ؟؟
الان هالسالفه طويله الله يسلمكم ,,,
وادري بتقولون ليش ما كتبتي هالسالفه من قبل ليش توج تذكرتي ؟؟
الاني بصراحه حسيت بالفرق برمضان اللي طاف ورمضاان الحينه .. عسب جي تذكرت وبكتب لكم وش اللي صار وياي ..
.
.
.
.
في يوم من الايام وش حلاتي كنت زي أي بنيه تمشي تركض والابتسامه ما تفارقها ابد وتحب تمزح واايد سواء في البيت او برى البيت الان هالشي طبعي >>> تعالوا المهم الحينه
وانا سايره الجامعه الحمدالله ما جاان فيني شي شرات الحصان ما شاء الله علي تف تف تف علي هع هع ... يوم وصلت الجامعه قعدت اسولف ويا ربيعاتي حسيت بآلام بريولي وعقب طنشت الآلام اللي فيه وما عطيتهااا أي أهميه .. وقلت حق ربيعاتي خلونا من هالقعده ونسيرالكانتين نتريق الان بصراحه كنت يوعانه >>>> تفكر ببطنهااا خخخخخ
ويوم قمت ما قدرت اقوم ولاا امشي وكنت اذا بمشي اتمسك بالحديد الي ع الجدار .. وقلت في نفسي " يا ربي شو بلاي جي غديت شرات العيوز ما اعرف امشي " وعقب ما خلص الدوام رديت البيت واناا واااااااااااايد تعبانه الاني اول مره يستوي فيني جي الان عمري ما شتكيت من شي يعورني جي فجأه استوالي .. عقب سرت عند اميه عسب اخبرهاا ان ريولي تعورني الاني ما قدرت اتحمل وجان اخبرها وقالت لي اميه يمكن من المشي ما تمشين وايد وقلت لهاا لا يا اميه مب جي هذا الآلام اللي فيه فضيعه تقطعج تقطيع >>>> ياساتر يا رب ...
المهم اميه قالت لي أقري القرآن وادعي ربج ان يشفيج ويشفي جميع مرضى المسلمين والله اني دعيت من كل قلبي
وحملت القرآن .. حملت كتاب الله
قرأت سورة الرعد .. و عندنا وصلت إلى هذه الآيهـ . قال تعـــــــــــــالى :-
الَّذِينَ آمَنُواْوَتَطْمَئِنُّ قُلُوبُهُم بِذِكْرِاللّهِ أَلاَبِذِكْرِاللّهِ تَطْمَئِنُّ الْقُلُوبُ ( 28(
أحسست بشعور غريب .. هل ربي يريد التخفيف علي ؟؟
كان بإمكاني قراءة أي سورة .. لكن وقعت على سورة الرعد .. سبحان الله
قرأتها و بكيت لم يكن بكائي سهل .. لكني احسست بالراحهـ .. أكملت القراءة بصوت متقطعـ
. بس للأسف الآلام صارت تزيد علي وصرت ما اشتهي أكل شي وبصراحه وزني نزل كثير >>>>من سمني الحينه ههه
ومحد جان يعرف هالشي الا اميه وجان كل يوم الاهل يجتمعوون بالصاله الا اناا كنت بحجرتي اول مره بحياتي كنت اقعد بروحي الاني كل يوم اقعد ويا الاهل اصبح وامسي بويهم وكنت اضحك وياهم واتغشمر وياهم ويوم من الاياام فقدووني وقالوا وين دانووه غريبه مب من عواايدها ماا تيي عندنا بالصاله وجان اميه تخبرهم بكل شي .. وجان اجوفهم كلهم في حجرتي وحسيت ان اميه خبرتهم عن الآلام اللي احس فيهااا وانااا بصرااحه ما تحملت يووم جفتهم ... وجانت الدموع تارسه عيوني ما قدرت اتحمل وكانواا يقولون لي من متى ؟؟؟ وكيف ؟؟؟ وليش ؟؟؟ وبعدين خبرتهم عن كل شي وفي اليوم الثاني سرت ويا اخوي وابويه المستشفى عسب اعرف شوووو فيني وطلب مني الدكتور اسوي فحوصات بس قال الدكتور غريبه فجأه جي استواالهاا يعني ما طاحت ؟؟ ما سوت حادث ؟؟ وقال لبوي توهااا بنتك صغيره وقلت في قلبي " الله ما بيخلي لا صغير ولا كبير ولا شايب ولا عيوز " وابوي سأل الدكتوور شو بلاهااا عرفت شي وقال للحينه ما عرفت شي وقال غريبه هالشي وتبووون الصراحه انااا كانت فيني عين وبصرااحه اهلي خايفين وااااايد الان هالعين يت في اختي لين ما ماتت عسب جي اهلي خايفين ... وانا الحمدالله تعالجت من العين لين ما طبت المهم ويوم الدكتور قال جي ابوي صرخ فيه اذا ما بتعرف شي خبرناااا من الحين عسب نوديهااا مستشفى ثاني الان البنيه تعبانه وما تروم تمشي ....
واذا بصراحه فقدت الامل وكنت كل يوم ما افكر الا بالموت وما خلوا اهلي مستشفى الا ودوني فيه ونمت بالمستشفى وكل واحد شخص علي ان العضلات تعبانه والثاني ما ادري وش يقول اختفت مني الابتسامه وتمنيت الموت ولا اتم جي الان ما عاد صار لي وجود بهالدنيا وسنه ونصف تميت ع هالحال ما امشي كل كانو قاعدين عندي عسب يسلوني ويسولفون ويايه جان يقولون لي كلمه موتتني ضحك >>>> اول مره اضحك من الخاطر ... وحليلهم الاهل فرحانين ما صدقنا انج تضحكين هاي دانه اللي نحن نعرفهاااانها تضحك وتمزح وتسولف انسي كل شي ولا تفكرين بأي شي قلتلهم كيف تبوني انسى والالام اهي اللي تذكرني وتموا قاعدين عندي لين ما نعست.. وفي اليوم الثاني بوي يا عندي قال تزهبي عسب اوديج لان عندي موعد بالمستشفى .. المهم وصلنا المستشفى ونزلت من السياره جان بوي ايي عندي عسب يمسكني من يدي لاني ما اقدر امشي يالله شوي شوي امشي شوي وأوقف وأقول يالله يارب ساعدني ابوي خاف علي كثير قال وش فيج قلتلهاماأقدر والله ماأقدر وانا اطالع بويه واهو يمسكني والدموع نازله من عيونه>>>قلت بقلبي ياربي انا وش سويت ليش انا جي اسوي وياهم تعبتهم معايه اميه وبوي ولاهل كلهم المهم يا بوي ويا ب لي كرسي متحرك عسب اقعد عليه لين ما وصلت عند الدكتور وقعدت وبدأ يسألني كيفج الحينه احسن من اول قلتله نفس الحال ماشي تغير وبدأ يعطيني علاج طبيعي وحبوب اشربها بس للاسف ماشي فايده جان ابوي يسأله لو تعطونا تقرير عسب نسفرها للخارج تتعالج يكون احسن جان يقول الدكتور اساسا علاجها هنيه شو الفايده تسافر للخارج وابويه ما عاد قام يتحمل الحينه انتوا ما عرفتوا شو فيها جم مستشفى سارت له في بوظبي والعين ودبي والشارجه لكن ما عرفوا شي وتبااني ما اسفرهااا ... وقال ابويه بتعطينا تقرير ولا لا والدكتور طبعا رفض وقام ابويه وهو معصب وطلعنا من عند الدكتور وعقب ردينا البيت وبسرعه البرق وصل الخبر لللي يقربون لي ولجيرانا .. وتموا يسألون ليش ما خبرتونا ؟؟؟ ومن متى واهي ع هالحال ؟؟؟ ومن هالاسئله يسألون ماوديتوهاا المستشفى ما خلينا مستشفى الا وديناها ما كو فايده نحن نفكر نسفرها للخارج زين والله سويتوا فيم الخير والبركه ...وفي يوم كنت قاعده ويا اميه ومرت اخوي كنا نسولف الا تقول اميه لي بتسافرين باجر قلت ايش وين بنسافر بتسافرين ويا ابوج واخوج بانكوك .. قلتلهاا والله ما اسافر كرهت كل شي حتى السفر مع اني كنت من اول احن عليهم نسافر للخارج للسياحه لما كنت الحمدالله بصحه وعافيه ماشي يعورني >>>> الواحد لما يكون مريض ما وده يسافر أي مكان
واميه ومرت اخوي يقولون لي بس بتمون اسبوعين وبترجعون بس عشان نطمن عليج .. المهم ما وافقت اني اسافر عرف ابوي واخوي اني رفضت جان اميه وبوي واخوي يقعدون عندي ويترجوني لان موعد سفرنا باجر جان انا اقولهم ماادري كيف طلع مني هالكلام يمه يبه سامحوني تعبتكم معاي ليتني اموت ولا اتمي اتعبكم معاي كانو مستغربين من كلامي ويش ذالكلام اللي تقولينه انتي بنتنا وحبيبت قلبنا والدموع تارسه عيونهم وانتي مسامحه دنيا وخره لا تعب ولاشي اهم شي انج تقومين شرات قبل دانه اللي نحن نعرفهاا تزعجنا بصوتهااا العالي جان ابوي وامي يبوسوني الحينه خليج من هالكلام جهزي شنطتج عسب نسافر قلت امري الله عرفوا عما تي وخلاتي اني بسافر يو عندي عسب يسلمون علي وانا اسلم على كل البيت واحد واحد وعيون تارسه دموع والكل جان يدعي لي ان شاء الله تردين من السفر وانتي تمشين عدل .. والكل يقول يا بختج يا دانوه بتسافرين مرى البلاد وتجوفين الجو الزين وقلت لهم أي جو واي خرابيط انا ما همي اني اسافر اهم شي اني امشي شرات الناس والعالم وعقب سافرناااا بانكوك وع طول حجزنا شقه وقعدنا فيها وعقب سرنا ع طول المستشفى وأخذنا موعد مع الدكتور وبدينا بالفحوصات والعلاج الطبيعي ومن هالعلاج .. وطاف اسبوع ونحن في بانكوك وبقي اسبوع كامل عسب نرد الامارات وجان ابويه يقول للدكتور شو ظهر بالفحوصات وقال انه عندي التهابات كثيره ويبالها فتره عسب تتعالج منهاا وانتوا ما بقى لكم الا اسبوع لو تقدرون تطولون اهنيه يكون احسن وان شاء ترد البلاد وهي تمشي رد عليه ابوي واخوي صراحه والله ما ادري وش اقول اذاهالشي لمصلحة البنت نحن عندنا عادي قلتلهم شو شو تقولون لا مستحيل اقعد اهنيه انتو قلتوا اسبوعين زين هالشي لمصلحتج مصلحتي وانا ادرى بهااا هاه وش قلتي وش بقول نتوكل ع الله ونسافر الامارات لان ما بقى شي من رمضان خلونا نرمض عند اهلي احسن مو في الغربه المهم خبرنا الدكتور وقال مو مشكله بعطيها دوى تشربها وبعطيكم تقارير عسب تا خذونها معاكم تتعالج هناك عقب ردينا الشقه ونحن تعبانين حيل ماصدقنا نوصل الا وبعد شوي رن موبايل بوي منو طلع وحليلها اميه واخواني وكل الاهل يبون يطمنون علينا جان اكلم اميه وكانت تسأل عن حالي قلتلهاااا يسرج حالي مع اني ما اقدر امشي بس قلت لهااا عسب ما تحاتيني ولا تخاف علي لا وبعد اختيه جانت ترمسيني وقالت كيف جو تايلند انا بعالم وهي بعالم ثاني وقلت لهااا والله ما جفت شي من الشقه الى المستشفى والمستشفى الى الشقه المهم ردينااا الامارات وصلنا مطار بوظبي وجان في الاستقبال اخوي وخالي وكنت متوله ع البيت وع الاهل وع كل شي وقعدت اسولف وياهم وعقب سرت ارتاح لي شوي عسب بيون عندي ناس وااااااااااااايد المهم سرت ارقد الا وبعد كم من ساعه يو عندي ربيعاتي وبنات خالي وبنات عمي و الكل يا عندي >>>> اوني عاد شخصيه ههههههه وعقب كانواا يقولون لا مستحيل انتي مب دانه ؟؟؟ قلت ليش شو اللي متغير فيني ؟؟؟ قالولي وااايد ضعفت وشكلج متغير يعني كلج ع بعضج ما كأنج دانه ,,,
وقلت وللي يسلمكن لا تذكرني بشي خلاص ابي انسى كل شي وبعدين غيرنا السالفه وتمينااا نسولف عن رمضان وقالولي ترومين تصومين رمضان قلتلهن اكييييييد بصوووم حشى بعدني ما عيزت وكنت واااايد متشوقه لرمضان بس جان المرض واااايد مسيطر علي وحليلهم اخواني يا حبهم لاكلاتي دووم يون عندي هاااه شو سويتي لنااا طبخه بس هالمره ما دخلت ولا طبيت المطبخ تبووون الصراحه المرض له فؤائد واحلى شي فيه انج ما تحدرين المطبخ خخخخخخخخخ المهم كنت كله بحجرتي ما اظهر وكنت ادعي من كل قلبي المهم انتهى رمضان وما حسيت فيه ولا تهنيت فيه ويا العيد وانتوا تدرون بالاول ايام العيد يجتمعون الاهل والاقارب في البيت وانا ما رمت اظهر ويا الاهل راحوا كلهم ما بقى الا انا وختيه بالبيت وجان الالم يزيد علي بس انااا ما اخبر احد ادري بهم بيسفروني برى البلاد وما كنت احب السفر ...
وما ادري كيف عرفوا واخذوني للمستشفى وترقدت 19 يوم وكانت الايام بالمستشفى اسوأ ايام عندي المهم انا مليت من المستشفى وطلبت من الدكتور يعطيني رخصه عسب اظهر من المستشفى وعطاني رخصه بس طلب مني اني اداوم ع العلاج الطبيعي والحبوب اشربهااا في وقتهااا وقلت ان شاء الله وتميت ع العلاج الطبيعي والادويه ما كوا فايده وفي يوم من الايام ما ادري وش كنت اسوي المهم قمت اجوف عمري امشي عدل وتميت ازقر امي بصووت عااالي وجان كل الاهل يووون عندي قالولي شو بلاج يالمينونه تصارخين وقلت لهم صرت امشي عدل مب مصدقه عمري >>> والله اني حسيت ان الروح ردت لي من يديد وما صدقت عمري صرت اظهر من البيت واااايد وما خليت مكان الا وسرته >>>> اعوض اياااام القعده اللي قعدتهاا ,,,, والكل فرح لي وتميت احمد ربي كل يوووم ع النعمه اللي نحن فيهااا صج اني الحين احسن عن الرمضان اللي طاف بس حسيت بشوي تعب بريولي بس الحمدالله امشي عااادي
وهالشي ما خبرت احد فيه كفايه انهم تعبواا علي وما ابيهم يحاتووني اكثر وكتمت هالشي بقلبي وما خبرت احد
وهذي اصعب معاناه جفتها بحياتي كلهاااا وتبون الصراحه كنت متردده اني اخبركم ولا لا بس ما قدرت اتحمل ابي اظهر اللي بقلبي عسب ارتاح شوي ....
آآآآآآآآآآآآآآآه تعبت و انا اكتب .. اتمنى يومياتي عيبتكم ^.^
17-09-2008, 10:21 PM
المواضيع المتشابهه 
تمنيــــ,,ـــــت الموــت ولـا أتمـــــ,,ــي جـــ,,ــي 
.gif)
اشراقة امل.gif)
العرض العادي
