غاب صوتك والحشا من غيابك شب نار
يا عساك فخيرمن من خير ياوجه السعد
انتضرتك بالمساء وانتضرتـك بالنهـار
والامل باقي علـى الله توفـي بالوعـد
في غرامك ما خرجنا يمـن ولا يسـار
لك عليه عهد وانا من اصحـاب العهـد
لو تشوف اعماق صدري من الفرقا دمار
لا تزيد الحال والحـال مـا يـزداد ابـد
كن صدري صالي الجمروالزفـره بخـار
كن صاليها لهايـب تولـع فـي البلـد
جعل غيرك من فداياك يانسـل الحـرار
ياعبير الورد والعطر ياصافـي الشهـد
ياحبيبي طاب ذكرك ولا عنـك اختيـار
جيت لك صادق وحبك بلا حـد وعـدد
ضاقت اطراف الوسيعه عليـه والديـار
الكرى جافى عيوني ولازمنـي السهـد
يا وليف الروح جيتك على عز وعمـار
باذل الروح العزيزه من اجلـك والجهـد
ياحبيبي خل وصلك على الماضي ستـار
الفراق اصعب من الروح فرقـا للجسـد
عشت عمري هجولـه لامقـر ولاقـرار
وانتضرمن بيض الايام تبعث لـي سنـد
كـل مـادرات سنـه قربتنـي للوقـار
كلي اخلاص ومحبه ولا حصلـت احـد
لا تخيب فيك ضني ذبحنـي الانتضـار
مثل طفلآ فاقد امه وهـو وسـط المهـد
عوض سنين الشقا والتعاسـه والمـرار
واعطني لفتـه كريمـه تنسينـي النكـد
ظمني مابين ادينك وصـدرك والـزرار
واسقني شربـه تنسـي معانـاة الكبـد
بعدها مشكور معذور ياشمـس المـدار
لو وضعت الجثه الهامده جـوف اللحـد
منقول بقلم حسن السفياني
30-10-2008, 09:28 AM
الوع ـد ,, 
العرض العادي
