الفرق بين مهند والشباب الخليجي

طبعي ذبح غيري · 25-11-2008, 09:33 PM

في الحقيقه والواقع .. المقارنه ثقيله على جبد الشباب .. لكن هذا شي ( لابد ) ان يكون .. عشان شبابنا المحترمين .. دايما كانو يقارنون بنات الخليج ب هيفا ونانسي و رولا وغولا وغوريلا .. لكن جا الوقت اللي لازم يشوفون الحقيقه بعيونهم الاربع

- مهند -

يرجع من الدوام في الشركة .. يروح ل نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :

( وحشتيني .. ما بقدر اتحمل بُعدك عني ! بكفي 8 ساعات بالشركة ما بشوووفك ..! )

- شباب الخليج -

يرجع الخليجي من الدوام .. يروح ل زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :

( بسرعه حطي الغدا ميت جوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )

.
.

- مهند -

نور حامل .. يا الله على الدلع ! خايف عليها من نسمة الهوا .. ويقولها :

( كلّي حبيبتي مشانك ومشان ابننا ! وديري بالك على صحتك .. وما تزعلي ابداً مشان البيبي ما يزعل منووووووب )

- شباب الخليج -

مرة الخليجي حامل ! ومسكينه الحرمه متنسيه ب تفاح اخضر .. عاد يقولها :

( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )

.
.

- مهند -

مهند طالع مع نور السوق .. يشترون لهم هدوم .. ودار الحوار التالي :

نور : حبيبي .. شو رايك بالفستان الاحمر .. حلو مو ؟!
مهند : أيه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبك .. دخيلك منين جايب كل هالغزل هااد ؟
مهند : دخيلك انتي ! تؤبرني ابتسامتييك شو حلوه !

- شباب الخليج -

الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..

وكل اللي قاله ( بسرعه خلصي .. ابي ألحق على ديوانية الربع ) !

.
.

- مهند -

قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها

( لِك ! شغلتي بالي عليكي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )

- شباب الخليج -

قام من النوم نص الليل .. ما شاف زوجته يمه .. فتح الليتات .. قام يصارخ :

( فطووووووووووووم ويهد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )

.
.

- مهند -

قاعد يقرا كتاب .. وفجاه ياته نور .. لابسه فستان يديد .. وصار هالحوار ..

نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعه ..

- شباب الخليج -

قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :

الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
الخليجي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!!.

ههههههههههههههههههههههههههه

تعلمو يابشر

انصح المقبلين علي الزواج

او

الي الروتين دآبحهم ولهم مده وهم متزوجين وطاقه روحهم من بعض

يشوفون نور ومهند ويتعلمون منهم

كذآ احسن عشــآن الحياه ماتصير اخشن

نقره لعرض الصورة في صفحة مستقلة

اعشق الوحدة · 26-11-2008, 04:21 PM

هههههههههههههههههههههههه
صدقج والله ماشي لارومنسيه ولا شي يبى حد يعالجهم عند دكتور نفسي .. ياخي خلكم ريلاكس مثل مهند ولا شكله مناخ الخليج مأثر عليكم ترى الشمس ضاربه رووسكم <<<<<< خخخخخخخ لا لا أسسولف حرام الصراحه محد يسوى شباب الخليج ومهند ونور ها كله خريط .. تسلمييييييين طبعووووووووووه عالموضوع الرائع

ريحة عطر · 27-11-2008, 02:19 AM

ههههههههههههههههههههههههههههههههههههههه

موتيني ضحك طبوعه

طبعي ذبح غيري · 27-11-2008, 09:34 PM

خخخخخخخخخ مشكورين ياحلوين

وردالجوري · 28-11-2008, 05:02 PM

والله وانت الصادقة ياطبوعة سيرة الرسول (صلى الله عليه وسلم )فيها اللي يكفي من رومنسية وطولت بال وكلام حلو
لكن لما دورنا هذا الشي من غيره خربت بيوتنا بسببه
بدات مقارنات الرجال لحريمهم بلميس والحريم بمهند
هذا اللي يبغاه اليهود والنصارى

روح الامارات · 28-11-2008, 11:21 PM

ههههههههههههه

بس حبيبتي شباب المسلمين والخليج احسن من هالاقشر

27-11-2008, 09:34 PM	#4 (permalink)
طبعي ذبح غيري ملاك ~ مراقبة منتدى الشباب معلومات إضافية النقاط : 643288458 المستوى : الدوله : Saudi Arabia علم الدوله: الهيئه: أنثى ناديك المفضل: النادي المفضل الحالة :غير موجود اوسمتي مجموع الاوسمة: 1 MY MmS+SmS اللهم اعطهم اضعاف مايتمنون لي	خخخخخخخخخ مشكورين ياحلوين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طريقه اكل البنات والشباب.................	رفقا بالقوارير	أرشيف المواضيع المكرره والمحذوفه	5	21-10-2008 05:18 PM
لالميس ولا مهند	Ḿř Ờŝḿάй	الشعــر والشعــراء	1	16-10-2008 04:16 PM
شتان بين مهند ومهند ..!!	فلسطـ غزة ـينية	الرأي العام	17	28-08-2008 02:15 AM
الفرق بين الشاب الخليجي والشاب الاوروبي	M L O O K I	منتدى الضحك والفرفشـه	9	05-05-2008 07:13 PM
الفرق بين القطو الخليجي والقطو اللبناني	سرور	قسـم الصـور والتصوير الفوتوغرافي	18	14-01-2008 10:47 AM


السيف , عائلة السيف , منتديات السيف , منتدى السيف , دليل السيف

28-11-2008, 05:02 PM	#5 (permalink)
وردالجوري عضو نشيط معلومات إضافية النقاط : 20 المستوى : الدوله : Saudi Arabia علم الدوله: الهيئه: weman ناديك المفضل: الحالة :غير موجود	والله وانت الصادقة ياطبوعة سيرة الرسول (صلى الله عليه وسلم )فيها اللي يكفي من رومنسية وطولت بال وكلام حلو لكن لما دورنا هذا الشي من غيره خربت بيوتنا بسببه بدات مقارنات الرجال لحريمهم بلميس والحريم بمهند هذا اللي يبغاه اليهود والنصارى

الذين يشاهدون محتوى الموضوع الآن : 1 ( الأعضاء 0 والزوار 1)