السلام عليكم ورحمة الله وبركاته
وعليكم السلام ورحمة الله وبركاته..
بالبدايه احب اقولكم ان هالموضوع هذا من طرحي انا ومن خطي انا يعني مهو منقول ولا غيرهـ
الله يعينكـ عالكتـابة والموقف هذا الي صار هو اليوم حصل وماعرفت فيه إلا الساعه 11 بالليل عن طريق صديق لي
وهالموقف هذا انه لي انا صديق اعرف معرفه سطحيه جدآ اسمه أحمـد وكبري بسني وبعمري
ومعاي بالجامعه بس انه بكليه تختلف عن كليتي ، طبعآ انا اعرفه عن طريق صديق لي اسمه عبدالعزيز
وعبدالعزيز هذا انا واياهـ سواليفنا مع بعض اخويه وصريحه حتى لو كانت اشياء من جوا البيت
المهم اليوم الساعه 11 بالليل طلعت من بيتنا وتوجهت لصرافة الراجحي وانا بالطريق مريت من السوبر ماركت
وحصلت صديقي عبدالعزيز بسيارته يبغى ينزل للسوبر وماسك الجوال بيدهـ ويكلم وواضح انه مرتبش
انا وقفت سيارتي قلت خلني اسلم عليه وسلمت عليه وهو مشغول بالجوال ويهاوش واحد اسمه أحمـد
وكان يقوله : ياخي الله يلعنك انت ومصايبك فيه أحـد عاقل يسوي ألي سويته ويوم طاح الفاس بالراس جاي تتشكى لي !!
المهم قبل مايسكـر منه قاله ع العموم انت الحين خلني اخلص أغراض بيت اهلي وبعدين افضى لك ولكل حادث(ن) حديث
ايوووووهـ ياجماعه ، الحين صديقي عبدالعزيز سكـر الجوال وهو يتأفف ويناظرني ويقولي :
ياخي إذا صارو عندك اخوياء مثل البزارين وش اتسوي بهم ؟؟؟؟؟؟؟؟؟؟؟
قلت له : يامسلم اول شي رد السلام وامشي ندخل السوبر ناخذ لنا هوليستون رمااان وروق
رد علي وقالي : يـوووووووووهـ ياعبدالله الي يدينه بالمويا مو مثل الي يدينه بالنـار
انا هنا عاد ياجماعه توقفت وقلت له : لاااااااا السالفه أكيد فيها إن ، خير ان شاء الله وش صاير ؟؟
قالي : ياخي والله مدري أقولك ولا اسكت ، قلت له : ياخي تراك اقلقتني معك وأنا ما ادري وش فيك ولاحتى السالفه بكبرها
تكلم ياخي وريحني ، يجي يقولي طيب اركب جمبي ع السيارة ، فقلت له لحظه فرحت قفلت سيارتي وركبت جمبه
وقلت له خير ان شاء الله وش فيه؟ قالي : ياخي اتعرف خويي البزر هذاك أحمـد الـ .........
قلت له أنا : الي معانا يدرس بالجامعه وسيارته كيذا وكيذا ؟؟ ،، قالي : ايووووهـ وصلت خير هو هذا
قلت له خير وش فيه ؟؟ ،، فقالي : أول شي انت وش تعرف عنه لأني خابرك مو هذاك الصحبه والعلاقه انت واياهـ
قلت له : والله معرفتي فيه سطحيه وعارفه عن طريقك انت بس ، وإذا في شي زياده اعرفه انه يدرس بكلية كيذا
قالي صديقي عبدالعزيز : بس هذا الي تعرفه عنه ؟؟ ،، فقلت له ايه هذا والله الي اعرفه عنه
ليش وش صاير؟؟ قالي : يعني ماتدري عن حياته العائليه ولاوضعه ولامرهـ حكالك
فقلت له : اصلن ماعمري شفته إلا معك
ولاعندي رقم جواله ولا أي وسيلة تواصل بيني وبينه ، يعني ما أعرف عنه ابن الحلال هذاك أي شي
فقالي : تدري أحسن انك ماتدري عن شي ، خلك كيذا اريح لك ، فقلت له : لاعاد ياعزوز ، مو تدخلني معه بموال سالفته
واتقولي اركب واتذكرني فيه وتسألني عنه وبالأخير تقولي بس خلاص ، خير ان شاء الله وش فيه ، قلي وش صاير
> - بصراحه ياجماعه لاتلوموني يوم اسأله لأن السلوب الي يكلمني فيه خويي عبدالعزيز يستوجب هالشي
فقالي : ياخي هذا أحمـد ابوهـ متزوج حرمتين وأم احمـد هي الحرمه الثانيه وأحمد هو ثاني واحد من العيال ثم بعدهـ 3 بنات
قلت طيب وبعدين ، فقالي : طبعآ انت تدري انه قصمنجي بحت ، قلت اكيد من اسم عائلته وعائلته معروفين انهم ملتزمين بعد
قالي : ايوووووهـ وهالأحمـد هذا امسوي فيها ملتزم باللبس والحشمه على خواته وهو بطبيعته عادي
قلت له طيب عطني السالفه : قالي ياخي زوجة ابوهـ الأولى كل خلفتها بنات وعددهم ست بنات بدون أولاد
وأحمد هذا وامه واخوهـ وخواته البنات الشقيقات علاقتهم بزوجة ابوهم الأولانيه مو هذاك الزود
ومايجتمعون بالسنه إلا ثلاث مرات بس ، في العيدين ويوم واحد في سفرة برمضان وبس ، إلا بحالات اظطراريه كتعب الوالد او شي
وخوينا أحمـد هالحبيب هذا هو رجل البيت ومسوي فيها عضلات لأن اخوهـ الي اكبر منه يشتغل بالشرقيه
ومايجي إلا بالأسبوعين مرهـ وأبوهـ صاير يجلس وينام عند الحرمه الأولانيه لأن ماعندهم رجال بالبيت هي وبناته غير ابوهم هالشايب
قلت له طيب وبعدين ، قالي : احمـد هذا شديد اشوي على خواته الشقيقات باللبس خارج البيت أما داخل البيت عادي
قلت له كيف يعني ؟؟ ،، قال : يعني ممنوع عندهـ البنت تلبس عباية كتف او تطلع برا البيت وهي لابسه بنطلون
البجامه او بنطلون جنز ، بس جوا البيت مايخالف وغيرهـ ياويلهم
طيب كده تمام..هل هناك احد يتغطي في بيته وكأنه بالشارع !!!
ما دام مافي البيت غير محارم البنات فما هو الحرام ان ياخذن فيه راحتهم وطبعا بالمعقول.
قلت أنا لاحـول ولاقوة إلا بالله ، طيب كمل وين نبغى نوصل
قالي : الحين ياعبدالله حنا وصلنا لرأس المشكله الي صارت اليوم ، قلت له وشي هي عطني اياها على أعصابي ترى
قالي : أول شي بقولك معلومه ترى ابوهـ متزوج زوجه ثانيه عشانه يبي خلفة عيال لأنه يوم يتزوج أم أحمـد
كان عندهـ من زوجته الأولى 4 بنات وأم أحمـد على طول جابت ولدين ورى بعض بينهم سنتين ونص
وطبعآ ياجماعه أحمـد هذا كبري أنا وعبدالعزيز بالضبط ، وان زوجة ابوهـ الأولانيه حملت بعد هالزوجه الثانيه
بعد ولادة احمد بسنه وجابت البنت الخامسه وبهدعا بثلاث سنوات البنت السادسه ووقفت ليومك هذا وخلصت المعلومه .
والحين عاد ياجماعه تعالو للسالفه : السالفه بفم خويي عبدالعزيز ان احمد اليوم المغرب راح لمجمع مول
يبي يرجع قطعه مشتريتها اخته (شقيقته) امس واليوم لازم اترجع هالقطعه ، ووقت ماكان أحمـد بالسوق وبهالمول هذا
كانو ثلاثه من خواته الي من الأب موجودات بنفس المول ، ثنتين متزوجات والثالثه ألي هي البنت الخامسه الي اصغر من أحمد بسنتين
يكمل عبدالعزيز ويقولي : أحمـد يوم خلص من ترجيع القطعه شاف له بنت لابسه جينز وعباية كتف الي واسعه مو ظيقه
بس البنت باين عليها كشخه لأن كحل عيونها عجبو السي باشا أحمـد ولحقها خوينا بطل القصه
اووك كمل
يكمل ويقول : البنت كانت مع حرمتين كبار تقريبآ وفجأهـ طلعت لمحل خاص ويوم شافها أحمـد صارت بلحالها لحقها
البنت يوم حست ان واحـد يلحقها اللتفتت ويوم شافت أحمـد ارتبكت وحواجب عيونها تغيرو شكلها ومشيت بسرعه
ورجعت لنفس المحل الي كانو معها فيه الحرمتين ألي شكلهم كبار اشوي وعاقلات ، أحمـد لحقها يبي يرقمها لأنها اعجبته
ويوم شافها دخلت المحل وحدها قال بنفسه : ياسلام هاذي تبيني واتقولي يلا الجو حلو وتعال رقمني
راح قرب لها بزاويه المحل وهي البنت اتحاول اتخبي حواجب عيونه عن أحمـد ، بس يوم شافته تجرأ وقالها افتحي بلوتوثك
بغض النظـر عن كون ان ما فعـله احمـد يخالف الشرع والاخـلاق من ناحية معاكسته لأي بنت كانت فدعنا من ذاك الجانب ولنأخذ المـوضوع من اصلـه
يا خليجي ما هـو حكمك علي شاب نظر الي فتاة فأعجبته وحاول انه يرقمها وهالكلام؟؟
بكـل بساطة ستلومه علي ان ما فعله منكر لكنني وجدت ان الهـجوم شديد علي احمـد حيث ان هذهـ الفتاة تكون اخته..
طيب يا جماعة الخير هل كان هـو يعلم انها اخته؟؟!
لا
اذا عفا اللـه عما سلـف
قامت البنت ورفعت الغطا عن وجهها وصرخت بوجه أحمـد وهي تقول : (أحمـددددد ياقليل الأدب أنا أختك فلانه)
wooow ع الموقف ياجماعه wooow
المهم يقولي عبدالعزيز أن احمد يسولف له وقاله يوم شفت وجه أختي انصدمت ورجولي تثبتت بمكانه وعيوني طايرهـ مو مصدق
خـلاص يا احمـد قلنا عفا اللـه عما سلف لكن لا تكررها فلربمـا كان هـذا تنبيه من اللـه اليكـ
لعلكـ تعود الي فعل الخـير.
لحتى ماتغطت اخته وقالت له الحين بتصل على أختي فلانه تجي تشوفك (تقصد أكبر وحدهـ من خواته الي جايات معاها)
يقول أحمـد يوم سمعتها اتكلمهم بأساميهم اللتفت ورى وطلعت وكان عامل المحل الأجنبي
المصري مدري اليماني متابع السالفه ومسكه وقاله وقف وين رايح دخول الحمام زي خروجه
فدفه أحمـد وقاله انقلع تراني مو ناقصك أنت وخشتك لأدوسك فيذا المول بكبرهـ
يقول يوم أحمـد لعبدالعزيز طلعت وبعد عن المحل 10 أمتار أو 20 متر ثم رجعت لنفس المحل وحصل خواته الثانيات الكبار
وصلو وعرفو السالفه من اختهم الصغيرهـ ، جاهم أحمـد وسكت وعيونه تطاير شرار
ناظروهـ خواته الكبار وعطوهـ من الكلام الي فيه تهزئ له ياقليل الأدب وابوي إذا عرف وش بيصير له ومن هالكلام
لا حـول ولا قـوة الا باللـه ..
هـل يعـقل ان يعامل الجاهل بالشئ كالعالم به؟؟!
ولا في شـرع ولا في دين ولا يقبلـه عقل
يا جماعة الخير قلنا بغض النظر عن كون ما فعله احمد مخالف لشرع الله..هما ما فعلوا ذلكـ لانه مخالف لشرع الله..هما عملوا كل هذا عشانها اخته..طيب هوا جهـل انها اخته والجاهل بالشئ ليس عليه حـرج.
قاطعهم أحمـد وقالهم أصلن أبوي هذا هالشايب وينه أنا بتفاهم معاهـ ، كيف يخلي وحدهـ من خواتي تنزل برا البيت
ولابسه عباية كتف وجنز ، والله لأتفاهم مع ابوي الليله تفاهم خاص ، قاطعوهـ خواته الكبار وقالو له
هيه إذا أنت رجال على خواتك الي ببيتك مو حنا ، من مته متذكرنا ما شاء الله عليك ؟؟
قالهم انا ما سألت عنكم لأني تارك أبوي هالشايب عندكم بالبيت ينتبه لكم ، بس اليوم بيتغير شي كثير
~ فاصـل ونواصـل ~
(تعليق مني أنا شخصيآ كاتب الموضوع : والله يا هالأحمـد شين وقوي عين ، فوق كل الي سواهـ للحين مااستحى على وجهه)
~ عــدنـا ~
المهم الي فهمته ان الخوات الكبار آخذو اختهم وطلعو مشو للبيت وأحمـد امعصب قعد يفتر بالسيارهـ مايدري وش يسوي
تفاجأ أحمـد بعد ساعه ونص بان أمـه تتصل فيه واتقوله حسبي الله عليك من ولـد وش انت امسوي لنا سالفه مع بنات أبوك ؟؟
وين عـقل هذه الام وين عقـلها بالله
شـو اللي سالفة مع بنات ابوك ومدري وهالكلام
الله يعافينا بس.
قال ليه وش صاير؟؟ قالت له خالتك (زوجة ابوهـ الأولانيه) متصله علي واتقولي شوفي ولدك امسوي سالفه مع بناتي
نعم نعم..
سالفة مع بناتي اللي هما اخواته!!
والله حالة واصحـاب العقول في راحـة
وابونا هالشايب يوم عرف هالسالفه ارتفع ظغطه والحين هو بطوارئ الأسعاف
سوري يا خليجي اذا قلت لك ان سالفة احمد هذه اضحكتني بصراحة العائلة مع احترامي لها الا انني كنت اتمني ان تكون لهم عـقول اعظم من ذلكـ. يقولي صديقي عبدالعزيز : انه قبل ساعه أحمـد وصل امه للمستشفى وجلس من بعيد لبعيد يبي يسمع الأخبار
عاد اتصلت فيه امه وقالت له ان ابوك عطوهـ حبة الظغط ألي تحت اللسان والحين صار زين واشويات ويطلع للبيت
يقول بهاللحظه هاذي سحبة الجوال من امه اخته الكبيرة الي شافته بالسوق وقالت له اسمع فكنا من شرك
وابتعد هالفترة عن ابوي لا اتوريه خشتك ولا حتى اتسمعه صوتك تفهم يا..؟..؟.. وسكرت الجوال بوجهه .
وبس ياجماعه هذا ألي صار ، بعدها أحمـد جا لصديقي عبدالعزيز وبلغه بالسالفه كامله
وقاله أن امي زعلت مني ولارجعة معي بالسيارهـ رجعة مع زوجة ابوي الأولانيه وانها اتقولي :
لا اتكلمني ياقليل الأدب الي هاذي هي علومك وبلاويك ، وانسى انه عندك بيت يستقبلك
وأحمـد الحين منحاش بديوانية بيتهم ألي بالحوش الخارجي ومو قادر يدخل جوا البيت
بالله عليكم ياجماعه وش رايكم بهالتصرف هذا من احمـد ؟؟؟؟؟؟؟؟؟؟؟؟
شوف يا خليجي اللـوم علي احمد في شئ واحـد بس
تعرف ايه هوا
نظره للفتيات وترقميهم
وبس
مش اكتر
لكن حكاية اخته هوا ما يعرف انها اخته كيف الومه عليها
لما يعرف انها اخته ورايح يرقمها هنا نتكلم ونلوم براحتنا لكن الومه علي انه ينظر للفتيات ويعجب وهالكلام
وبعدين العائـلة المفروض تكون متعلمة و عندها عقل..خلاص الولد اخطأ يعاقب علي خطأه ومعاكسته للفتيات عموما .. لكن يعملوا حكاية من غلطة ويفضلوا يقولوا عامل سالفة مع اخواته وكلام فارغ
قلة عقل طبعا
نسال الله العافية
من جـد ياجماعه يوم صديقي عبدالعزيز يوم يقص لي الحكايه انا ساكت على نفس واحـد
من شدة الموقف ورهبته ، وإلى الحين قبل ساعه واشوي
نفسي اعرف ايه هوا الموقف اللي تقصده وشدة رهبته ؟؟!!!
اتصل فيني عبدالعزيز ويقولي :
أن أحمـد متصل علي يقولي تكفى وش اسوي > - no comment
حتى ان خويي عبدالعزيز الحين امدخلني أنا بالسالفه ويقولي وش اقول لأحمـد يسوي خليه انسان واثق من نفسه يروح لوالديه ويقولهم ليه الشنة والرنة دي مجرد سؤال لو احمد كان عاكس البنت دي وما طلعت اخته؟؟ ايه اللي كان هيحصل؟؟! اكيد ولا حاجة..كان هيكون امر طبيعي اذا كل المشكلة عشان اخته طيب يا عالم افهموا هذا انسان جهـل بمن تكون تلكـ الفتاة ولو علم انها اخته لما فعل طيب ليه الشنة والرنة دي علي ايه؟؟ للاسف العقول خاوية علي عروشها فيذهب لوالديه واخته ويعتذر ويقولهم وليس عليكم جناح فيما اخطأتم به ولكن ما تعمدت قلوبكم ويعاهد الله انه يترك هالطيش ولعب العيال ويخليه ممن قال الله فيهم كنتم خير امة اخرجت للناس تامرون بالمعروف وتنهون عن المنكر
أنتظـر آرائكم ياجماعه لأنها من جـد سالفة فيها لحسة مخ
" ودمتم بـود "
20-06-2009, 04:24 AM
المواضيع المتشابهه 
.gif){kind=icon}
وش رايكم بهالموقف ألي صار اليوم لواحد من الشباب ؟؟ 
ملاك
.gif)
.gif)
اشراقة امل.gif)
العرض العادي
