اهلين ديمة يشرفني ان اكون اول من يرشح للرد ع الموضوع
يعطيك العافية ع هيك طرح
والسموحة ع التاخير
لكن مو مني كل مادخلت ورديت يطير الموضوع :
[ المحطه الاولى ]

اوصف طفولتك بجملة واحدة
خليط من البراءة والشقاوة

.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟
لمواقف الجميلة كثييرة في مرحلة الطفولة لكن عندي ذكرى حلووة يوم كنت صغيرة كنت احب اقوم الفجر بدري
وسبحان الله الى الان وكنت اقوم واستنى الين اخواني وخواتي يرحون المدرسة وسييدة على بيت جيراننا
عندهم بنت اكبر مني بسنة وكان عندهم خلف بيتهم مكان فيه جميع الحيوانات دجاج بط غنم وارانب وحمام خخخ وديك
كنت اسميه ( الريش ) يعني الريس خخخ
كان للارانب غرفه كثيييرين مرة وكنا ندخل الين عندهم ونقعد نحفر نشوف الارانب الصغار اللي دوبهم ولدوا لحم يجننون خخخخ
وناخذهم ونطلعهم برى على السكة نلعب بهم يعجبونا عيونهم مغمضه ويزحفون على بطنهم <<اجرام خخخخ
الين ماتناديني امي يوم خلاص الشمس حميت ونرجعهم وبعض الاحيان نخليهم معنا الين الظهر نقول الين ينامون
ونرجعهم اذا ناموا وهم ماتوا ههههههههههههههههههههههه
بعدين اكتشفوا اخواني واخوانها سر موت الارانب باعداد هائلة خخخخ لان كنا نفتح الباب ومانعرف نسكره وتدخل القطاوه وتاكلهم مساكين
وانحرمنا من لعبتنا المفضلة بعد ماقفلوا الباب بقفل.

.
.

[ المحطة الثالثة ]

ما هو أصعب أو أحزن موقف مر عليك في طفولتك ؟
احزن موقف يوم تزوج اخويا كان مرررة حنون كنا ننام عنده ويجكينا ويلعبنا
يوم تزوج فقدناه نتراص انا واخواتي الصغار ورى الباب ونبكي هههههههههههههه
اذكر حتى دعيت على حرمته بالموت علشان يرجع لنا خخخخخخ
.
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟
من عمي الله يرحمه( عروسه) اللي تقول ماما وبابا وتبكي وتسكت بالمصاصه اكيد تذكرونها
جابه لي من الهند مررة كنت احبها لكن طلبوها مني لان عمي نسى يجيب لبنت اخويا وضحيت واعطيتها
وحتى وهي عندها اذا جيتهم بس ماسكتها والعب بها .
.
.

[ المحطة الخامسة ]

هل هناك انسان معين كرهته في طفولتك .. ولماذا ؟

اممممم ماكنت اعرف الكره كثير متسامحة ومسالمه لكن مرة يوم كنت بصف ثاني ابتدائي كانت ابلتنا مرة شديدة ودايما
معقدتني اذا جاء دوري بالتسميع تقول لي حافظة اقول ايه تقول كذابه اقول والله حافظة تقول كذابه تشككني بنفسي
وبعدين ماتخليني اسمع وتضربني بالمسطرة وصرت اخاف اروح المدرسة وكل صبح اقول بطني توجعني واغيب وامي
عندها اموت ولا اغيب هههههههههههه وماعلمت اهلي بعدين سالتني اختي الكبيرة وقلت لها وقالوا لي كلمي المديرة وماشاء الله
علي ونزلت وقلت للمديرة خخخخ وبعدين المديرة نادتها وقالت لا عاد تضربينها قالت طيب ويالله وزادت علي الضرب والكلام
وبآخر السنه ايام الاختبارات الشفوية اخر يوم قالت تعرفين امل قلت ايه بنت عمي وقالت فلانه قلت اختي وسالتني هم بصف كم قلت بالثانوي
وبعدين عرفت ان عمي مرة شكاها بالرئاسه وكتبوا لها لفت نظر وسوى لها سالفه والابله حاقده كانت خخخخ
.
.

[ المحطة السادسة ]

ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟

خخخخخخ جات الفضايح ابويا الحمدلله ماكان يطق كان يقول البنت قزاز اذا انضربت انكسرت وفي مواقف مشاغبة انطقيت فيها بس مارح اقوول هههه
بس اذكر مرة رحنا الحرم وايامها كنت صغيره وبالطواف ضعت وكانت امي تقول اللي يضيع ينتظرني عند
بئر زمزم انا من الفجاعة اروح البير وارجع للطواف ادورهم ماانتظر وهم يروحون ومايلقوني وبعد 4 ساعات من البحث
قابلتني حرمه من الخليج باين من لهجتها ومعها 4 بنات يسالوني اسم الفندق كم رقمه وانا مو عارفه ايش يتكلمون بالاخير قلت لهم
انا من مكة وصاروا يدورون معي وبعدها شفت امي ومن الفرحه طرت لامي طيراااان واضمها غير امي صفقتني كف خخخخخخ من الفجعة
و انهارات تبكي خافت علي ..
.
.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟
امممم ماكنت اغار مشكلتي كنت اشوف نفسي كبيرة يعني كنت اضحي اذا شفت اختي الصغير بتنام عند اخوي
اروح انام عند اختي الكبيرة واذا لقيت اختي الثانية عندها اتنازل وانام لوحدي حتى بالالعاب اذا بكت اختي اللي اصغر مني اعطيها
بس ايه تذكرت كنت اغار من اخويا اللي اكبر مني بسنه في العصر كان ابويا يوزع علينا ريالات نشتري من البقاله
كان ابويا يعطيه ريالين ومقهورة ليش يعطيه مايعطينا وبعد مده قلت لابويا وضحك وقال هو رجال يلعب مع الاولاد مايصير بس اعطيه ريال خخخ
وكان مرررة دلوووع عنده العااب كثييره ومايخليني العب بس اذا راح المدرسة لعبت خخخخ

.
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

كنت احب العب بيت بيوت خخخخ مع بنات خالاتي والبس كعب اخواتي وطق وطق في البيت رايحة وجايه
واحب العب في كمبيوتر العايلة الكلب اللي يطلع ونقتل البط اللي يطير بالمسدس عرفتوهااا
لعبة ماريو
.
.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟
دايما اسئل نفسي ايش هي تربتنا كثير عاجبتني بس مااعتقد انه بالمستقبل ما اربيهم بنفس الطريقة
لان الوقت اختلف البيئات اختلفت زمان كان المجتمع كله يربي
كان الجار والجد والجدة والاخوان الحين الاباء يقولون لاولادهم مالك صلاح بنتي وانا اعرف كيف اربيها
الحين مو بس اقتصرت التربيه على الاب والام فقط في اشياء كثيرة غيرنا تقوم بالتربيه
التلفزيون البلاي ستيشن الكومبيوتر الصديق .. الخ
وبالاخير المربي هو الله واهلنا كانوا سبب في التربيه
والدليل نوح عليه السلام مااستطاع ان يهدي ولده وهو اول الرسل لان المربي هو الله وحنا سبب في التربية

والحين انتهيت اتمنى انكم استمتعم بطفولتي
انا كثير استمتعت نفضت غبااآار عن ايام حلوة
ديمه دُمْتِ بِسَعَآدَهـ تَْغْمُر قَلْـبِِكـ الرَقِيق