حب في الجمس "قصه سعوديه~أنوااع الهبااال والوناسه..لوقريتوها ما رح تنسوها..

بليز بليز نبي تكملة القصه(لوسمحت) لأن القصه تشد الواحد وشكراا

صراع أنثوي طبيعي من الممكن أن نعتبره تعبيرا صادقا عن مختلف حاجات حواء الغيورة و المغار عليها ، صورة لتلك المرأة التي تتشبث بكل حلم و تتمنى أن يتحقق حتى ولو كان بعد عد السنين ، البقية تأتي..................

من جد يا سعود حرقت اعصابي طيب رجاء رجاء خاص كمللللللللل

اختي المقلعه لايصير خاطرك إلا طيب
بإذن الله راح تكمل تنزل أجزاء هاليومين

ترى انا مسجله بالمنتدى بس عشان القصه وانت طولت علينا بس الله يرضى عليك على قد ما تقدر انك تكمل القصه ولك الف الف الف شكر . ومن جد ماشاءالله القصه تجنن واكرر شكري مره ثانيه وثالثه ورابعه وخامسه و..............

يسلمووووووو القصة اكثر من رائعة
بس ياريت تكملها بسرررررررعة
ومشكوووووورين

تسلمين يا ام المزايين

ايه والله من زمان وأنا بخطري القصة تكتمل

البارت 12
رهف: دلالوه عن الهبال حرام عليك والله وحشتيني وانتني باين من النيم انك مشتاقه لنا
فارس: هذي شكلها من السعوديه ااااااه ياريحه بلادي متى اشوفها
فارس: انا مو دلال صدق بس انتي سعوديه
رهف قالت اكيد دليل تستهبل والله لوريها
رهف: ايوه
فارس: طيب وش اخبارها وش اخبار اهلها عساهم طيبين
رهف استغربت لو انها دلال ماسالتني بهلهفه وهي اللي متمنيه تسافر وهي ماصار لها اسبوع اكيد غلطانه خلني اقفل وتوها بتقفل الا شافت
فارس: تكفين جاوبيني
رهف زاد فضولها: طيبين ليش هاسؤال
فارس: اهلي هناك
رهف: طيب ارجع لهم
فارس: ياليت اقدر كان راجع من زمان وشفتهم
رهف: انت ماقد شفتهم
فارس: اتمنى اشوفهم يالييت
رهف وش ذالحوسه والله انا فيني النوم
رهف: عن اذنك وبظطر اطلع
فارس: باي
ـــــــــــــــــــــــــــــــــــــ
فهده: حمد تكفى الله يوفقك جعلك بجنات النعيم.....
حمد: اقول كلي تراب منب طالع
فهده: عيد ميلادي الاربعا
حمد: الاربعا وش تبين بسوق الحين اليوم سبت وانا توني ماسك خط مالي خلق
فهده: زييين..... اروح اكلم نهى اشوفها
حمد هنا اللقافه بدت تشتغل: ليش وش فيها
فهده: مافيها شي تزقح بس وحشتني
حمدوانا بعد: توك شايفتها
فهده: اوووووووص ولاكلمه هذي توام روحي لاتخليني اقتلك
حمد: اعوذبالله خلاص
فهده دقت: ترن ترن
....: الو
فهده: الو
.....:الو
فهده: الو
.......:الو
فهده: وجع يكفي
........:ههه طيب
فهده: ممكن اكلم نهى
......: نهى انت من تبين
فهده: عن الهبال ابي نهى
...: طيب ثواني بس من نقولها
فهده: قولها توام روحك
.......: طيب..دقايق
نهى كانت فوق وتقول خاااااااااااااااااااااااااااااالللي طلال سكرها
فهده: الو
نهى: الو
فهده:كيفك
نهى: ولا احلى
فهده: كل هذا عشانك فارقتيني
نهى: لاا يافالحه خالي طلال رجع
فهده: انت عندك خال اصلا
نهى: ايه بس هومنذ مبطي يدرس برا
فهده: والله احسب ماعندك خوال
نهى: معك حق انا ماعرفته
فهده: ليش ماتشوفينه
نهى: هذا ياطويله العمر خالي هذا كان مااااايدرس ابدا فلما خلص متوسط شحنوه على اول طياره يعدل راسه وتوه راجع
فهده: يعني كم عمره
نهى: 20
فهده: يوووووه صغير
نهى: ياشيخه وش لنا فيه
وجلسو يسولفون وحمد ميييييييييت يبي يعرف منه هذا اللي يتكلمون عنه
ـــــــــــــــــــــــــــــــــــــــــ
نرجع للمعرس نايف جالس مع رفيق عمره احمد
ويسولف احمد : تدري انك جاحد
نايف:؟؟؟
احمد: ترى ماعزمتنا
نايف: ليش؟؟؟"
احمد: كل اللي بيعرسون يسوون حفله توديع العزوبيه
نايف: اقول اسكت لااتوطاك هنا
احمد: خلك ياشيخ فررررري
نايف: اسكت والله اني اغار منها
احمد: افا لييييييش
نايف: كلن يحبها وحاقريني كل من شافني يوصيني عليها تقول بوديها الصين
احمد:هههههههه والله وصرت تغار
نايف: اسكت وقم نذلف لبيوتنا
احمد: شوي شوي على نفسك ان بتوصل بس مو بهاطرقه الدفشه
نايف:ههههههه توكل
ـــــــــــــــــــــــــــــــــــــــــ
مرت الايام واليوم الثلاثاء رهف شابكه النت
رهف:
هاااااااي
فارس: هلا بسعوديه
رهف:
من دون مقدمات ابي افهم عشقك للسعوديه
فارس: مالك باللهم
رهف: الا قلي
فارس: طيب انتي فاضيه تسمعين
رهف: اكيد<<لقافه حريم
فارس: هذا ياطويله العمر من25 سنه ابوي كان يدرس بالخارج وتعرف على امي وحبها وحبته بس لما رجع للاهله السعودين قالو له مستحييل وجدي طرده من البيت لانهم كانوا محيرين بنت عمه له وينتظرونه يخلص عشان يتزوجها يوم خلص صدمهم بقراره وتزوج ابوي من امي مع العلم امي اماراتيه يعني مو من بلاد غريب ومن عقبها ما شاف ابوي اهله ابدا وانا كان نفسي اشوف السعوديه والله نفسي اسجد على ثراها اه لوما الظروف وابوي مانعني اروح قبل لايتوفى الله يرحمه والحين انا برجع للسعوديه بس عندي تخليص بعض الشغلات وار جع
رهف: طيب ابوك متى مات
فارس: من اسبوعين
رهف: ييوووه عظم الله اجرك
فارس ماعرف يرد : شكرا
رهف: عندك اخوان؟
فارس: اختي بس
رهف: وامك
فارس: امي بتروح عند خالي هي واختي وانا برجع للعماني اشوف وضعهم اذا استقبلونا جت اختي وعشنا هنا واذا لا بنرجع عند خوالي بابو ظبي
رهف: لا انشالله يستقبلونكم
فارس:انشالله بس امي تقولي توقع منهم أي شي واحتمال يكذبوني
رهف تعاطفت معااااااه:الله يقدم اللي فيه الخير
فارس: هذي انتي
يقصد\ صوره الماسنجر
رهف: وييييييين ليته لا هذي مغنيه عندنا يقالها بنت وهبي
فارس ولي مو فاهم شي : ايوه
رهف غيرت الصوره وحطت صورته يومها صغيره يمكن عمرها8 سنوات
رهف: هذي انا
فارس: ماشالله
قام فارس حط صورته
رهف في نفسها ماشالله اطخم الله لايضره
رهف: ماشالله عليك عيونك حلوه
فارس: انا نسخه طبق الاصل من ابوي في كل شي الله يرحمه
رهف: الله يرحمه زين بغيت شي انا طالعه
فارس: لا بايو
وطلعت
ـــــــــــــــــــــــــــــــــــــــــ
نروح للواحد قاعد بغرفته وجالس بعالمه الخاص ويفكر كيف الدنيا فرقتهم
هذا عبد العزيز من يوم عمره عشر سنوات وهذا حاله مهما غاب هذا الموضوع يرجع يطري بشكل اكبر من قبل
السالفه ومافيها عبد العزيز كان له توام ولد وعاش معه عمر الين صار عمره عشر سنوات وبحادث مات عبد العزيزكان يبتسم لان اخوه ماراح عنه كان يحس فيه هذا حياه التوام مسك الالبوم وصكه يوم دخل عليه مشعل
مشعل: وبعدين والله حرام
عبد العزيزابتسم: هذا حياتي
مشعل: والله هذا دحيم صرت اغار منه
عبد العزيز: لاتقول دحيم
مشعل: لحول طيب خلاص امش نتمشى على كثرت ماقابلت اشخاص وناس بس مثل شخصيتك عجزت عنها انا ابي افهمك يارجال
عبد العزيز: مو لازم وتمشي حدد مكان وانا افكر
مشعل استانس انه قدر يقتحم عالمه: خل نروح للممشى
عبدالعزيز: يلله
ــــــــــــــــــــــــــــــــــــــــييوم الاربعاء:
نهى: يممممممممه تكفين ماشريت هديه للفهده خل نروح احنا ثلاثه منب ميتين
ندى: يلللله يمه خلي فهد يحطنا واذا خلصنا جا
ام فهد: طيب بس لاتتاخرون وانتي يانههووه والله ان سمعت انك مهبله باحد منتيب طالعه طول عمرك
راحو البنات للسوق وهم يدورون راحو للمحل هدايا وشرو منه كل وحده شي
نسايم:وش رايكم نغلفها مع بعض
نهى: طيب بس نغلفها تغليفه على ذوقي
ندى: صبر في عطر فهده كانت تبيه بروح اجيبه عشان نغلفهم مع بعض انتظرو وراحت
وارحت للوجوه
ولقت العامل اللي ماقصر تحفى فيه وهو لبناني الجنسيه وقعدت تسال عن بعض الالشيا وجا واحد من الشباب
ندى: عندكم عطر ستيلا
الشاب: عندكم عطر ايس تي ديبونت
ندى التفتت وعطتها نظره بس هو مغسول وجهه بمرق
وكل ماسالت شي سال
اللبناني: لوسمحت شوف الاخ هونيك فاضي روح الالو اكيد رح يخدمك
ندى عاد السانه لازم يذب كم كلمه: صدق فكنا
الشاب: ايش افكك وبدا يعلي صوته الحين انتي من ساعه ناشبه وتقولين فكنا
ندىضرب فيوز عندها: ههيييييييييييييييه خير انت ماتدري من يلاحق الثاني
وبدت الطقاقه تحمى بينهم وتجمعو الناس وندى مو راضيه تتنازل والشاب يبي يسوي مشكله
نواف وصديقه بالجهه الثانيه من المحل بس عند قسم بعيد
وليد:شف شف تعال والله فيذاك مطاقه شكلها حاميه
نواف: امش نشوف وش السالفه
وراحو نواف ماعرف انها ندى وبدت ندى تصيح لانها مقهوره ومظلومه وكل عاده اللسانه ماسكت وهي قاعده تجادل الشاب وهي كانت متغطيه بطرف الطرحه وجها باين بس مو كثير
واعرفها نواف مايدري وش يسوي في الف راي وراي والف فكره وفكره براسه وقطع عليه التفكير
وليد: بنت اللذين حلوه له حق يتبلى عليها
نواف انفقع: انت ماتستحي على وجهك حرام عليك تخيل لوها اختك
ونواف دخل بين الناس ووصل عندها
ندى كانت تتكلم كانها لقت ظالتها: نوااااااااااف تعال شوفه........ وتشاهق ....قاعد يتبلى علي وقام نواف التفت عليها: خلا ص لاتصيحن
الشاب: ماجمع الا وفق هو قالها ولا ماقالها اوووووه
نواف امسكه وبدو مطاق وندى قامت تصيح ازوووووود خلاااااص نواف قم ماعليك منه وخرو عن بعض مااستحملت وطلعت وقعدت تصيح عند واجه المحل دخلو السيكيورتي وفكوهم وطلع نواف وهو معفوووووووس وحالته حاله
يوم شافها راح لها
ندى قامت: نواف عسى ماجاك شي والله هو اللي قعد يغايظني.....
نواف مسك كتفها وقال: والله ان شفتك هايته بالحالك بالسوق لاوريك شغلك وهالغطوه حقت الفقر لاعد تلبسينها تغطي زي الناس
سامعه
ندى: صاحت ازود دبلات من يحسب نفسه راحت للدوره المياه( وانتو بكرامه) وغسلت وشربه مويه وعدلت نفسها وراحت
نواف جلس مكان ندى وكان شكله معفوسة وثوب ومفتحه ازاريره وشعره اللي مطوله عالموضه معتفس
طلع له وليد
وليد: نواف اسف ماكنت ادري انها بنت عمك
نواف: حاط يده على جبينه
والتفت وقال حصل خير
وليد: طيب وينها؟؟
نواف: راحت بقريح اللي مايحفظها هاوشتها خليتها تعرف الادب
وليد: والله انك غبي هذي بنت عمك مفروض انك هديتها وخليتها ترتاح انت ماسمعت اللبناني حق المحل وش قال شهد انها ماسوت شي تقوم تهاوشها والله حرام
نواف: ندم قد شعر راسه
وليد: انا بطلع
نواف كان مو معاه دخل للمحل وقال للبناني
نواف: الزبونه اللي كانت تو هنا تتهاوش ايش كانت بتشتري
البناني:مسكينه هيدا ابن الحرام بدوه ضرب
نواف اسكت لاتزيدها علي
اللبناني: طلع العطر : هيدا هو
ندىراحتت للنسايم ونهى وقالت لهم انها مالقت العطر وكملو تغلف الهديه وراحو وهم طالعين كان نواف بعدهم وشاف ندى وعرفها من اطراف عبايتها الحمرا
ندم دبل الندم اللي كان نادمه وبعد ماجت بلحالها يعني كملت انت غلطان على البنت يانواف
نهايه البارت
وش بيصير بين رهف وفارس؟
وش للعبد العزيز وهل فيه احد بيقدر يقتحم عالمه اللي مسوره بذكرى اخوه عبدالرحمن ويطلع من صمته؟؟؟
ندى ونواف هاذوول النقيض ايش بيصير بعد هذا الحدث؟؟؟
نسايم ونايف هل منن جديد؟
الخال طلال هل له دوور جديد بهذي القصه؟؟
وفي تطورات على العائله اولا كل هذا بيكون بالبارت 13 انتظروني؟؟

البارت الثالث عشر
ندى لمى ركبت السياره كانت ساكته ومنقهههههره بقوووووه وصلو ونزلو استقبلتهم فهده وندى راححت على طول عند المرايه عشان تعدل اللي اخترب من مكياجها وسلمو وجلسو يسولفون لحد مايوصلون البنات الباقين
ــــــــــــــــــــــــــــــــــــــــــــــــــ ــــــــــــــــــــــ
في الممشى عبد العزيز ومشعل يتمشون ومشعل طفش من سكوت عبد العزيز
مشعل: ياخي قل شي لساني اوجعني من كثر البربره
عبد العزيز ابيتسم: وش اقولك يعني
مشعل: ياخي لاتذبحني عندك جامعه تدرس فيها وعندك دوام مع عماني وعندك اخويا لاتقول وش اقولك
عبد العزيز: سكت
مشعل: شف موب هذاك عمي سلمان حمد بعد
عبد العزيز : الا
مشعل صدق طفرر منه
وراح وسلم عليهم وجلسو يسولفون ويدردشون
حمد: عبد العزيز كيفك
عبد العزيز وهو يناظر بنظرات عميقه: بخير
مشعل: وش عندكم هايتين بشوارع
حمد: فهيده مسويه عيد ميلاد وطاردتنا
عبد العزيز رفع عينه وحمد لاحظ بس سكت وكمل
: وقلت خلنا ادوج مع عمي اوريه الدنيا من بعد ماراح وش صار
مشعل لااااااااهي قاعد يبلتث(يعني يرسل ويستقبل من البلوتوث)
وسلمان يطل بالجوال
حمد: يالمراااهقين وش تسوون
سلمان: ياناس ابي من هذاا ياشر على الجوال
عبدالعزيز رفع حاجبه انتو برى ماعندكم
سلمان: الا بس محد يشتريه وانا قلت بكشخ وشريته وكل ماسويت بحث ماطلعلي احد بعته وشريت هذا
مشعل : اللي برى عمليين موب زينا متسدحين عند المكيفات
سلمان طلع جواله ودق
ترن ترن
:سلمان: الو
فهده: هلا
سلمان: يعنبو الخيانه قولي عمي مسيكين يهنئنني شي بس جحده
فهده: حرام عليك لاتفهمني غلط بس هذي حفله بناتيه. يعني مالك داعي افهم
سلمان: وانتي وهاللسان ماتبتي تادبي
عبدالعزيز سحب كرسيه وقرب حمد مطير عيونه وشسالفته هذا حمد يفهم عبدالعزيز من نظرته وهم دايما مع بعض
فهده: اخلص ترى ورانا رقص وهبال باي وسكرت بسماعه
سلمان: افاااا باي
ــــــــــــــــــــــــــــــــــــــــــــــــــ ـــــــــــــــــــ
في بيت ابو فهد
الجده والجد
الجده طاااااالعه معصبه ماااااااااااااااره وحالتها حاله وفهد كان بوجهها وهي تمشي بسرعه وتتسند على عصاته وراها شغالتها بشنطتها
الجده: فهد ققققققققققووووم ودني ل\بيت عمك بو حمد
فهد: بسم الله فذالليول انت اصلا وش مقومك
الجده: قم لااروح بلحالي
وقام فهد وداها وهي بطريق تصيييح وحالتها حاله
فهد: يمي ساره وش فيك قوليلي
والجده: سسسسسسساااااااااااااااكته مافيه صوت غير صياحها
وصلو البيت
وفهده والبنات موسعين صدورهم على رقص وغنا وهبال
الجده: دخلت بندفاع وراحت للمطبخ ورقت فوق للصاله اللي فوق ولقت ام حمد جالسه
ام حمد: هلا والله خالتي وش فيك
الجده: وش اللموب فيني اذا هذي هي علومه
ام حمد وش صاير قولي روعتيني
الجده: اجل حمد بعد هالعمر بيعرس علي وتصيح وتكمل قال ايش بخليها ممرضه بعرس عليها كذا ينصب علي وتصيح وتشاهق كنها بنت امس
ام حمدكاتمه الضحكه وف نفسها هاشيبان مايتوبون:
افا هذا علوم خالي ماهقيتها وانت ياخالتي وش قلتي له؟؟
الجده: قلتله يطلقني بشوف حياتي مابقى الا هذي
ام حمد ماقدرتمسك نفسها:هههههههههههههه
الجده: لاتضحكين وانا صادقه عندربي
ــــــــــــــــــــــــــــــــــــــــــــــــــ ــــــــــــــــــــــــــ
البنات تحت رهف: فهيييييد ماعندك سامري
فهده: عندي نحمد الله
رهف: عز الطلب روحي جيبيه
فهده: مااالي نفس روحي انتي
رهف: فيه احد فوق
فهده:لا بس امي
رقت رهف الدرج ويوم دخلت الصاله لقت جدتها واستغربت
رهف: هلا امي ساره وش خبارك
الجده: سفهتها
ام حمد: وش عندك رهف
رهف: ابد ابي اجيب اشياء من غرفه فهده وهي تاشر يعني وش فيها
ام حمد تغمز لها روحي ماعندك احد الا وش اخبار عبير
رهف: بخير غثتنا هي والحمل
ام حمد : الله يعين
رهف: عن اذنكم وراحت
ونزلت بنااااااااااااااات تدرون امي ساره فوق
فهده: ياوييييييلي اكبد كشفت خطتي
رهف: لا زعلانه وحالتها حاله
البنات:::؟؟؟؟؟؟؟؟؟؟؟؟؟؟؟؟؟؟؟؟؟
مشاعل : يمكن طفشت وجت هنا
نسايم: وييييييين مصدقه امي ساره الساعه تسع تشخر
ندى ساااااااااكته وتناظرهم
ــــــــــــــــــــــــــــــــــــــــــــــــــ ـــــــــــــــــــــــــــ
الجد تحسف انه قالها هذا الكلام هو يمزح ولوهو فيه شده عرس ومايدري وين راحت يدق على جوالها
الجده: طلعت جواله برنس وحاطه فيه ميداليه ومكشخته وشافت رقمه : مالك الا السفهه ياولد لطيفه
والجد يدق ويدق ولا احد يرد
دق على فهد اللي راح عند الشباب وعمك اصمخ مايرد لان الجده محلفته مايرد
مشعل: تراك غثيتنا انت وجوالك رد ولا قفله
فهد: ودي بس مااقدر
عبد العزيز : ليش؟؟؟؟؟؟؟؟؟
وكل الشباب زاد عندهم الفضوول
وقالهم فهد السالفه
حمد: ياحليلهم هاشيبان هههههههههههههه
شسلمان: والله امي مب هوينه
حمد: وفهيده طالعه عليها الله يعين اللي بياخذها
وجلسو يسولفون
ــــــــــــــــــــــــــــــــــــــــــــــــــ ـــــــــــــــــــــــــ
في شوارع مدينه الرياض كان يدووج وطفشااان حالته حاله ناظر الساعه 11 مالي الا اروح اخمد في بيتنا خست من ثلاث الين الحين
ــــــــــــــــــــــــــــــــــــــــــــــــــ ــــــــــــــــ
نسايم وندى ونهى بيطلعون لان الكل راح ومابقي الا هم والعنود
نسايم: عنوووووووده تعالي بنوصلك
العنود: ليش لا يلا
فهده: ندوش وش فيك اليوم هاديه وين لساانك
ندى تبتسم تسكتها يعني: مافيني شي بس فيني النوم
نهى/ فهده اذا عرفتي وش فيها امي ساره قولي لي
فهده: ابشري رويتر ابنشر الخبر
وسلموا وطلعو
نهى استغربت بالفان ندى ماعمرها ركبت ورى دايم طقاق هالمره ركبت ورى من دون أي نقاشات
وجلسو يسولفون يوم وصلو كان نواف توه واصل العنود مانزلت بسرؤر عه سلامات وسواليف ماتخلص جا نواف وطق الشباك على السواق
نواف: هلا باشا كيف حال انت
باشا: كويس
وراح ومن باب الميانه المعهوده فتح باب الفان وش اخباركم بنات
نهى: بخير نسلم عليك وش اخبارك
نواف يناظر ندى: بخير
العنود: ايا يالسوسه تستغل فتره خروجي وتروح للوجوه بلحالك ماهقيتها عطني الكيس بصادر اللي فيه
نواف: اتحداك
لعنود: بدفاشه سحبت الكيس وخذته وشهقت ونواف يحاول ياخذ الكيس
العنود: نوااااااف وش ذا
نواف: وش دخلك؟؟؟؟؟
العنود طلعت اللي بالكيس وطلع العطر نفسه الي كانت بتشتريه ندى
ندى: انصدمت ومبين على شكلها والحمد الله انها ورى
العنود: اعترف شاريه للمين وليش ومتى
نواف نرفز وقرب وياليته ماقرب بين شكله
العنود:هييييييه من الليي سوى فيك كذا
حوسه الطقاق مازالت على حالها وندى كل مالها وتندهش وش صاير
نواف : هييييييييه يالدبا جيبيه ومالك شغل
العنود: نواف علينا ش جايك اعترف
نواف: خذى الكيس وراح
وندى مصدووومه وكل الافكار براسها تدور وش السالفه ليش كذا وش خلاه يشتري العطر و ووووو
نهايه الجزء
الردود والتوقعات
ايش بيصير على ندى ونواف
والجد والجده بكره اليوم اللي بيروحون فيه لمزرعه وش بيصير بينهم ,,,

البارت الرابع عشر
رجعو البنات للبيت راحو اجتمعو بغرفه نهى يسولفون ويدق جوال نهى
نهى: هلا والله وغلا وش صار..............لا عاد.........انهبلو..........كذابه..........كل هذا يطلع منه...........لحول.....مانامت
نسايم: هيييييييييه يالخاينه قولي لنا وش صار
نهى وتاشر يعني صبر
ندى منسدحه ولاهي معهم تفكر باللي صار
نهى: لحظه لحظه خليني اقول للهل خببله
وقالت نهى السالفه وندى شد انتباها الكلام
وقامو يضحكون على جدتهم
نهى قامت تسولف مع نهى وعن الحفله
نسايم: تفكر في يوم من الايام ممكن انا ونايف نكون كذاعاد الافكار تروح وتجي الملكه الاسبوع الجاي
ــــــــــــــــــــــــــــــــــــــــــــــــــ ـــــــــــــــــ
الخميس الصبح
الجده: صباح الخير
فهد\ه: هلا والله وغلا تو مانور بيتنا
حمد: هلا امي ساره
رامي قام وحب راسها وررامي على دجته الا انه مؤدب مرررره ويحب النظافه بشكل جنوني واخلاقه صح بس ااذ تجمع اتحاد البيبسي يخربها
يرن التلفون ترن ترن
ابو حمد جنبه: الو ...........هلا يبه.......... بخير......... وانت ..........الحمد الله ,....... الله يحيك..........لاتشيل هم .........
الجده تاشر له قل لحظه
ابوحمد سد السماعه بيده
ابوحمد: وشو
الجده: قله اني تعبانه ومنب رايحين الاستراحه الا العصر
ابو حمد كتم ضحكته وكلم ابوه وقاله الكلام اللي قالته الجده
رامي وفهده فاقعينها ضحك ووتريقه وحمد ماسك الريموت ويحوس
ابو حمد وهو يكلم: بتجي للغدا الله يحيك............ فمان الله
الجده: بيجي للغدا
ابوحمد:ايه
الجده: ايه مسيكين خله يجي يتغدا
ورقت الجده فوق
رامي: اكيد راحت تتكشخ له
فهده كانت تشرب مويه وشرقت : كح كح كح
ام حمد: تطقها مع ظهرها اسم الله عليك فهيده وجع كلميني
فهده:هههههههههههههههههههههه
ام حمد: روعتيني حسبي اللهه عليك
ــــــــــــــــــــــــــــــــــــــــــــــــــ ـــــــــــــــــــــــــ
\ عاساعه 1 جا الجد وحطو الغدى وقلطوهم
ام حمد: فهيد روحي نادي امك ساره
فهده بمكر: ان شالله
وراحت ونادتها
الجده: بجي الحين بس صبر
فهده:يلا عاد عن التغلي
الجده: اذلفي خليني على كيفي
\ طلعت فهده وهي تضحححححك
وحطو الغدا وجلسو ينتظرون الين جت الجده بس الصدمه معها شيلتها متغطيه
الجدعلى وجهه اكبر علامه استفهام؟؟؟؟؟؟؟؟؟؟
حمد:هههههههههههههههه
فهده اللي كانت تداري الضحكه انفجرت
ورامي كملها
ابو حمد وهو يتكلم بين ضحكه:ههه وش فيكم ههه ياعيال ههههه
ام حمد:هههههه سمو يلله هههههه
وجلسوا وخلصو غدى
ــــــــــــــــــــــــــــــــــــــــــــــــــ ـــــــــــــــــــــــــــ
رهف تكلم نسايم
رهف: ترىمنب رايحين للاستراحه مبكر بنروح بعد المغرب
نسايم: ليش انشا الله
رهف: وانتي يافالحه متى ببتفتحين مخك هذا الله يسلمك اول مره نروح هذي الاستراحه يعني بيقعدون ينظفون ويرتبون وووووو وانا وحده ماابي اتعب عمري
نسايم: صادقه طيب وش النظام
رهف: نجتمع ببيتكم ونطلع من هناك للمزرعه نخلي احد يودينا
نسايم: واثقه من هذا اللي بيرجع عشان سواد عيونا
رهف: عبد العزيز يرجع اخوي حنون مايرد طلب
نسايم: اوكي ببلغ قبيلتنا
رهف: يلله باي
اجتمعو ا البنات في بيت ابو فهد ودنيا ماشيه
رهف :نسايم ماودك نسوي مقلب بنهى وفهده
نسايم بانتقام: الا دايم يهبلون فينا وانا ياعمري نسكت يلله ما بقي شي وياذن المغرب
رهف: نهى فهده روحو جيبو ثلج من المطبخ الخارجي
نهى وفهده: منب
رهف: اقول ترى عطيناكم وجه حسو انتو قاعدين وانا نكرف
قامو وهم يتحلطمممون وراحو طلعت وراهم رهف ومعها نسايم وصكو عليهم الباب بالمفتاح ونهى وفهده جوا يهددون ورهف ونسايم يضحكون
رن الجرس حق باب الكراج وناظرت رهف الساعه اكيد عبد العزيز هذا حزته
نسايم: اجل بدخل
فتحت رهف الباب الكهربائي
وهي لافه على وراها تضحك على فهده ونهى اللي فتحو الشباك يهاوشونها وهي ميته ضحك التفتت
:"يمممممممممممممممممممه
لقت شاب مايتعدى عمرال23 وشكله مو غريب من الخرعه سكرت الباب ودخلت : بناااااااااااااااااااااات فيه حرامي
واالللي عند الباب حمد الله وش السالفه اقول اروح للسواق يمكن عنده