لابوك لابومن ترجا حنانك

ياللي عطيتك كل ماملك وشاريك
وانته تعرف انه بقلبي مكانك
لاتقعد تزود عليه تغليك
لابوك لابومن ترجا حنانك
لابوزمانن فيه قلت اني اغليك
كله سبايب زله من لسانك
ارحل عقب ماصار يازين ناسيك
ارحل فمان الله واغنم زمانك
ماعاد ابي شوفك ولا اسمع بطاريك
خلاص عفتك روح وانته وشانك
عقب امتحنتك روح ماعاد يمديك
الظاهر انك راسب في امتحانك
ياكثر ماشفتك وياكثر مااجيك
ابيك تشعربي ويشعر كيانك
لكن حسافه روحت ذي مع ذيك
وطنشت قلبي يوم حبك وصانك
ان كان في قلبك عشيق مهاويك
الله يه***م وتسمع بذانك
قبل امس تنخاني وتشكي بلاويك
واليوم خنت القلب والحظ خانك
ياما تحملت القسا لاجل اراضيك
وياما رضيت الذل كله عشانك
والحين يالله لاتغلى ولا ابيك
لابوك لابو من ترجا حنانك

لشاعر
عامر المطـــــــــيري

تسلم اخى سعود على الطرح الرائع

ياللي عطيتك كل ماملك وشاريك
وانته تعرف انه بقلبي مكانك
لاتقعد تزود عليه تغليك
لابوك لابومن ترجا حنانك
لابوزمانن فيه قلت اني اغليك
كله سبايب زله من لسانك


الكلمات00مؤثره00وجذبنا بريق الكبرياء00والقوه الذي يكسوها00وليت كل مخطئ يستطيع صقل مشاعره

بقوة وكبرياء00رغم عظم مشاعر المحبه التي تظهر من المعنى العام للقصيده00

ومهما جنى المحب من الم00ربما يكون كسب نفسه اذا اخفى ذلك الألم00


تسلم اخوي سعود عالنقله العظيمه بمضمونها00

الأخ العزيز سعود السيف تسلم على هذه القصيده الرائعه ويسلم لسان قائلها الشاعرالمبدع:عامرالمطيري والى الأمام ياغالي والله يعينك ودمت لمن تحب يامشرف النقاشات الجاده.