شلة الأنس

بسم الله الرحمن الرحيم
اقدم لكم قصتي وهي من احداث حقيقية حصلت لي ولصديقاتي وراح اغير الأسماء الى اسماء بنات بالمنتدى

--------------------------------------------------------------------------------

الوقت : الساعه ثمان ونص الصبح.

المكان : اروقة الجامعه الله يخليها لنا<< ما حبيتها الا يوم دريت ان كلها ترم وتطردني

الأشخاص:

احم احم انا طبعاً...

سرور : ديناموا الشله << يا ناس ذا البنت فيها سنع غير طبيعي
طبعا حنا لازم مع الفطور في الجامعه نشتري شطه عاد اذا شرينا نجي اليوم الثاني نلقاها حاطه الشطه في شنطتها وبكل فخر تطلعها من الشنطه بعد ما تكون لعوصت ابو الملازم وتقول " خذوا الشطه با بنات بن طخطخ كل يوم بتشترون شطه بريالين"

ام المزايين: المتحدث الرسمي باسم الشله <<< أرز وحده بالجامعه
والله تمشي تقول ناقه هي ورقبتها .. اول ما تعرفت عليها قلت وش ذي شكلها انواع الثقل مهيب من مواخذينها والله مادريت عن المصخره اللي بدمجتها..
طبعا كلمتها المشهوره اذا انقفطنا ولا انكشفنا " بناااات ... دقوا العفريته!!!!! " وحنا ما نقصر ندق ابوها ..

عسكريمه : فضيحة الشله
هي جداويه متزوجه وعندها بنت وقدر الله عليها وجت الرياض ودخلت الجامعه بس تبي تضحك..
لو مع الجدران عادي بس اهم شي تضحك .. من هذاالمنطق ضمينها لشلتنا الموقره..



الموقف :
في مره من المرارير كعادتنا داخلين للقاعه بكل ثقه الساعه 8 ونص وكل وحده في يدها كوب كبشتينو حاااار والدنيا حر :w57:
بس لااازم الجدول الغذائي يمشي بالتمام .. فيه فلوس مافي فلوس مالنا دخل لدرجه ان الفلبينيه صارت عارفتنا كل يوم تجهز لنا الطلب ودفتر التوقيع <<< قصدها دفتر المطفرين نكتب وش شرينا وبعدين ندفع لها
المهم.. دخلنا القاعه نتلفت يمين يسار ما فيه الا كرسي واحد فقط...
هنا وفي هذه اللحظه تبادلنا نظرات حاره وساخنه لمده لا تزيد عن 14 ثانيه .. وفجأه كل وحده سحبت على ابو 4 سنين عشره عشناها سوا ... في سبيل انها ما تروح تطق مشوار للقاعه الثانيه عشان تجيب كرسي..
وااله يا صار مخامط الله لايوريكم صارت حالة استنفار مغير تقبيص ومعامط وشباصات تناثرت وبنات توطيناهم بس اشوا بعد ذا المعركه انا اللي فزت وقعدت على الكرسي مير اشوا يوم اني تواسيت وكل وحده تلم شباصاتها وتطلع عباتها تمسح الكبتشينوا اللي كبوته وراحوا يدرعمون يدورون لهم كراسي .. وانا متربعه على عرشي <<< امحق عرش اشوا ان الكرسي فيه 3 رجول بس..

المهم راحوا سرور وام المزايين وعسكريمه يدورون لهم كراسي..
دخلوا اول باب قابلهم صارت غرفة الفراشه ام سليم..
واالله ويتكون بنات بن طخطخ على قولة سرور وكل وحده تسلقت ويتقهوون من ذا القهوه ويدقون سوالف مع ام سليم ..
والله ام سليم ذي ينشك بامرها علوم العميده كلللللللللللها عندها وما يمدينا نتربع عندها الا هي خارتن الاكو والماكو علينا وحنا هات يا اسئله : ام سليم؟؟؟
ام سليم : هاه <<<تموووون بس معليش في سبيل الفضايح
حنا : اقول العميده مداومه اليوم ولا مغير تبطوز علينا بالحرمانات ؟؟؟
ام سليم : هو هو هو هو!!!! صاحيه انتي تداوم ذا الحزه ؟؟ ما تجي الا لين قضى القيض!!
حنا : والله ما يندرى عنتس يام سليم تعطين خيط وخيط
ام سليم : اقول ضفو خششكم يا بنات ابليس يالله قوموا قامه اشوف عطيتكم وجه!!


وبعد ما ضفت كل وحده خشتها دخلوا قاعه فيها دكتوره مصريه وراح اسميها ( أمة الله ) تشرح : دكتوره ممكن كراسي؟؟
الدكتوره امة الله: لأه مش ممكن .
طلعوا بكل ادب ونيه حسنه اثر القاعه فيها باب ثاني في اخر القاعه دخلوا البنات بكل وقاحه وسحبوا كراسي
والدكتوره منشدهه تطالع !!!!!!!!!!!!
والبنات ماشين في طريقهم رايحين لقاعتنا وهي اللي تركض وراهم : طااااااايب طااااااااايب والله لانا أيله للعميده.
والبنات ماشيييييييين 180.. ودخلوا القاعه يكركرون وانا قلبي يطحص : وش فيكم ؟؟ وش صار ؟؟ عسكريمه طاحت ؟؟ <<< طبعاً عسكريمه احسن وحده تطيح واحلى ما فيها انها اذا طاحت ما تقوم علطول زي الناس وتتفشل .. لا تقعد ساعه تضحك على عمرها يعني اللي ما درى انها طاحت تناديه توريه شلون طاحت وتضحك هي وياه ... قلت لكم جايه تضحك بس ..
وعدت هذي المحاضره على خير يوم طلعنا من القاعه الا ذيك الدكتوره واقفة لهم تبي تصيدهم بس المشكله انها ما عرفت الا سرور وعسكريمه أما أم المزايين ماعرفتها ..
وهااااااات يا تحقيق : من البت التالته اللي كانت معاكوا هه؟؟؟
والبنات ماشين على نصيحه أم المزايين وداقين العفريته : مين يا دكتوره ما كان فيه الا حنا الثنتين ماكان معنا احد!!
بعد عمررررررررررررررررري الصداقه والله
والدكتوره مصره : يابنات انا عرفاها هي ساااارااا كانت لابسه بلوزه "لبني" ؟؟ <<<< لغير الناطقين بالمصريه لبني = سماوي
<<< الله يقلعها لصقتها فيني بنت الأيه ما تدري اني كنت قاعده اجاهد على الكرسي ابو 3 رجول
وجتك عسكريمه فازعه ( بالحجازي) : وفي بنتي ماهي سارا!!
هي قالته ولا ماقالته وتصول عليهم الدكتوره : الحلف بغير الله شررررررررررررررررررك حراااااااااااااااااااااااام
طاخ طاخ طاخ << صوت يدها على المكتب
هذا الكلام كله وانا وأم المزايين في القاعه قاعدين نحلل الموقف والدكتوره نشف ريقها وهي تسكت فينا وحنا ماسكين خط : وش يبون بهم ؟؟ :02:
تتوقعين حرمان ولا محضر ؟؟
لا ما اتوقع محضر اكيد مجلس تأديبي!!

وشوي ويقبلون علينا الثنتين من اول القاعه كل وحده تقول وجهي والطار سوا من كثر الصياح !!! :w77:
وتجيك كل وحده تهبد على كرسيها طراااااخ وهاااااات يا صياح
والله اتذكر شكل سرور وعيونها تبطبط على الطاوله من العين عالطاوله على طول ما تمر بالخدود
والثانيه وجهها احمرررررررررررررر وعيونها تغوووورق بس يقالها ماسكه روحها مسويه فيها كبيره
وحنا عيونا تلاقط عليهم وبلهجه الخايف : وش فـــــــــــــــــــيـــــــــــــــــــكم؟؟
والبنات مااااااااااااااااااش قاعدين يصيحون موب فاضين لنا
وتلقط سرور شناطهم : نعنبوكم وين ملفاتنا عطوكم اياها؟؟؟؟؟؟؟؟
كل ذا الكلام والدكتوره تشرح مسكينه يأست مننا وسفهتنا خلتنا على راحتنا
وبعد جهد جهيد عرفنا السالفه بس المشكله ان الدكتوره قزت بلوزة ام المزايين السماويه
ونلقط عمارنا ونروح لسوق الجامعه عشان نشتري لها بلوزه
مااااااااااااا امدانا ندخل الا راعيه السوق طاردتنا: اقول موب حلا هو اطلعوا براااااااااااااااااااااا :zxcv15:
لاننا دايم ندخل عندها ونقعد نضحك على بلايزها عاد يوم احتجناها صدق طردتنا
بس بالاخير اشوا رحمتنا وشرينا من عندها بلوزتين عشان نراضيها :nodgrin_:
وما بقا وحده بالجامعه ما ضحكت على بلوزة أم المزايين الجديده خخخخخخخخخخخخخخخ :49:

والله ذاك اليوم كان طووييييييييييييييييييييل بشكل بس الحمد لله عدا على خير

هههههههههههههههههههههههههههه

والله شله رايقه حيل

وام المزايين عندنا محل يبيع بلوزات رخيصه


مشكوره كريستاله

ههههههههه
حرام عليك كل لبسها من الماركات بس عشان ماتعرف

القصة حلوة ........وانتى واصحابك >>>>>زى انا واصحابى تمام............لكن........عجبك كده وانا قاعدة اقرأ القصة سمعت صوت فرقعة فى المطبخ عرفت ان البيض بيفرقع طلعت اجرى الحقة..............والحمد لله انى لوحدى فى البيت...................

ههههههههههههههههههه
وش هذا يا كريستاله طلعتي شيطانه وتلبسيني من سوق الكلية

[BLINK]هههههههههه


قصه00حلواااا00بحلاوة حضورك[/BLINK]

بسم الله الرحمن الرحيم...والله قصه حلوه كريستاله وموقف مضحك وان شاء الله فى المستقبل تصبح ايام الدراسه الجامعيه من الذكريات السعيده...وبالتوفيق ان شاء الله كريستاله.

كرستاله


:nodgrin_: اثرك الهبال بدمك وتوك تطلعينه



اجل الله يعين بس



قصتك كوووول

تسلمين وما قصرتي

هههههههههههههههههههههههههه

حلوه القصه

بالتوفيق كرستاله