السلاااااام عليكم
اهلييييييييين شباب وصبايا
اعلومكم؟
ولعت اللمبه الحمرا حقت المودم ((لحقين الينك سيس ))
وافتح المنتدى يطلعلي لايمكن العثور على الصفحه
قلت ابد جاه بلاوه اللي قوبل
جلست اتامل جهازي لين تفتح اللمبه الخضراء ومير افطن اني واعدتكم بسالفة د.كيييف
قلت يابنت هذا وقت الوورد
ومن هنا تبدا السالفه ....!!
هذي السالفه قبل البارح صايره طلعنا انا وبنات خالتي ندج كالعاده بشوارع الرياض .. وقبل لانطلع كنا دابينه غدا (( غدا المغرب )) المووهم يوم جت الساعه ثنعش وشوي الليل ومير قلنا محنب راجعين البيت وحنا ماتعشينا .. قالت وحده من البناااااااات نبي خفافي اليوم وش رايكم بساندوتش حلومي من د.كيف <<<مسوين خفافي
قلنا ولا نردتتس
ونروح لـ د.كيف .. ويوم دخلنا قسم العوائل ومير نضيع بعض مع هالزحمه قلت مالله امر نتعشى بوسط المطعم قوه نطلب طلبات سيارات
ونطلع ...!!
كان معنا وحده من البنات حيويه بالحييييييييل جالستن ورا السواق يعني لابغينا نطلب يبي يساله حق الطلبات هي
وقفنا عند المايكروفون ومير ينادي علينا الرجل .. ايوه وش طلباتكن ..؟؟
قلنا بسرعه اهرجي ثنيييييين حلومي وثلاثه دجاااج... قالت لا لا استحي .. قلنا بسرعه بس قالت لا خزيييييييييه .. طبعن هو كان يسمع ومير ينزرنا قال تتطلبون والا وشلووون .. واسوي انا اني حمشه وانقز من المرتبه اللي وراه واحط افمي عند المايكروفون واقوووووله لو سمممممممحت .. ومير يعطييييييين اشكل واعيد مره ثانيييييييييه لو سممممممحت ولا كأني اهايت .. همن قال لاتفقتن علمنن قلت خلاص خلاص اتفقنااا .. اثنيييييين حلومي وثلاثه دجااااج <<< احفظو بسمعلكم
قال وش بعد قلنا بس ... الموهم يوم وقفنا بناخذ الطلباااااات ومير يعطينا طلبنا ويرجع قروشنا معهن .. الصدز بنا اماااانه رجعنا القروش قلنا هييييه رجعت القروووش .. قال جيتن بوقت حلوو اليووم مسويين عرض بعد 12 تطلبون بلااااااااش .. ومير انا منب مفحوشه ابد قلت اجل زد الطلب ميخالف <<< باخلتن على عمره قبل لاتدري انوه بلاش
قال وش تبن قلنا عطنا تشيييز كيك قال بشووووف كانه فيه جت بنت خالتي مسوييييييه فاهمه اختبت يوم درت انوه بلاش قالت اسمع اسمع وجب ببسي فرررش تكفى ومير نلخه مع دميجته الله يفشله المووهم سوا نفسووه ماسمع .. قال وقفن السياره على جنب لييييييين اقضي من طلب السيارات اللي وراكن
المهم لقينالنا موقف
ونوقفبوه
ونحتري
ونحتري
ونحتري
قلنا بس جحدنا الرجل
ومير اشوى مامدانا يدخلنا الماء الا هو جاي ومعوه الحلااا قال دوكن بس هاتن ثلاث واربعييييييين ريال ومير اقوله وراه موب بلاش؟
قال خلاص خلاص مب لازم
عاد انا مسويه يقالي قلت لا لا خذ قروش
وامدله خمسيييييين قال لا مايحتاج قلت اقول امسك وامده لوووه وتجي بنت خالتي الملقوووفه وتسحب القروش من يدي
قالت خلاص هماه قال مايبي
ومير يفشل الرجل ويروح
طبعن لعنااااااااااه هالتسلبه شوي همن قلناله جزاتس الله خير وفرتي
قلت هاتي الخمسيييين قالت معصي لي قلت حلوه لتس انا اللي دافعته قالت ايه بس كنتي بتعطينوه ولزمتي عليه وراه ماتلزمين علي انا اولى منوه ومير نتماعط شوش الا شوي بالسياره العلم انوه بالاخير انا قويته واخذت خمسييييييني
يعني تعشينا وحليناااااااا ببلاش ... ولااول مره وستكتب بالتاريخ قصدي بمفكرتي الله من زين المفكره ان حظي طلع زييييييييين هالمره ..!!
وان شاءالله ان هالمره فاتحة خير علي <<< ماتسوى عليتس هالفرحه
ادري انكم تتلعنوونن مب لم سالفه السالفه بس قايلتلكم من بدايه الموضوع اني براسي سوالف ...!!
يالله سلاااااااااااام
نحتري ردودكم ...!!
11-02-2007, 08:02 PM
د.كيف 
(إظهار الكل)
الأعضاء الذين شاهدوا الموضوع : 0
العرض العادي
