بروستـد أحلى من الافندي والبيك

مـــلـــكـ · 17-02-2007, 10:48 AM

صباح الخير للجميع

اليوم جايب لكم طريقة طبخ بروستـد تاكلون اصابعكم وراها

الطريقة سهلة تحتاج إلى مقلاة وقدر كاتم ( حيث انه اسرع في السوا )

ملح ــ بهارات ــ ليمون اسود ــ دارسين ــ بصل ــ طماط

ثوم ــ بيض ــ زيت ــ بقسماط (خبز مدقوق)

طريقة التحضير:

7

7

7

7

تصيد ضب سمين

1- ذبح الضب (ولاتنسى التسميه)

2- فتح البطن وتنظيف محتوياته مع مرعاة ان الثروب
(تبي تلاحظها مثل الاكياس الصفر) والبيض في الانثى

3- شق من بداية الصدر الى اسفل باتجاة العكره واخراج الجهاز التناسلي اللى بأول العكره
4- تقطع اليدين والرجلين من عند المفصل الاول
5- سلخ الضب ( وسلخه مايبي له شي كنه يقشر تقشير إلا العكره سلخها اقشر شوي )
والعكره يمكن تقشيرها بعد الطبخ بسهوله

6- يقطع قطع صغيره على حسب المزاج اما العكره تقطع على شكل قطع سميكة

7- يتم غسيل الضب بماء وبعضهم يحط معه ليمون وملح ولو اني اشوف الماء يكفي

8- يتم تقطيع البصل والطماط ووضع الضببه في الكاتم
مع وضع الملح والبهارات والومي والدارسين والثوم والماء
ويترك في الكاتم اذا كانت الضببه متوسطه لاهي كبيره ولا صغيرة 20
دقيقه ( يتم حسابها من بعد تصفير الكاتم )
وبعدها تشيل الصفاره لين يخلص منسم

9- بعد ذلك تصير مرقة على كيف كيفك ويتم اخراج الضببه على جنب

10- وضع قطع الضبان في البيض ثم بالبقسماط

11- وضعها في الزيت الين تصبح ذهبية اللون

ويتم تقديمها ساخن

بروستد ضبان مع الكوكا كولا

وبالهناء والشفاء

ملاحظة : البعض تبي تحوم كبده

بس صدقوني جربوا الطريقة وتشوفون

كريستالة · 17-02-2007, 09:19 PM

الله يلوع كبدك مثل مالوعت كبدي
يمه يمه وينك يبي يغمى علي
والله والله جاني غثيااااااااااان

مـــلـــكـ · 17-02-2007, 10:50 PM

افا الضبان احد يقولها لا

لو يجوني بضب والله لاكلله

تسلمين علي مرورك

ღحــــورღ · 18-02-2007, 03:42 AM

واااو إيش هذا
معدتي بدت تقلب شويه عليه تلوع الكبد

مـــلـــكـ · 18-02-2007, 03:45 AM

حوري يارب تاكلينها وانت ما تدرين خخخخخخخخخخخخـ

مشكوره علي مرورك

ღحــــورღ · 18-02-2007, 03:50 AM

لا حرام عليك ا
صلا اخاف منه كيف اباكله ...؟؟

مـــلـــكـ · 18-02-2007, 03:57 AM

:angel: كلنا نخاف منه بس الكل يمدح لحمه ^_^

وياهلابك منوره والله

بــســمــه · 18-02-2007, 02:57 PM

استغفر الله
وش ذا اه ياقلبي اه يابطني
حرام عليك وش هالصور

مـــلـــكـ · 19-02-2007, 02:20 AM

يؤ يؤ يؤ
كلهم بنات

وين النشاما حقين الضب

حرام

والله ناه خطير ^_^

بــســمــه · 19-02-2007, 07:16 AM

الناس تمدنوا صاروا ماياكلون هالأشياء

مـــلـــكـ · 19-02-2007, 07:40 AM

خخخخخخخخخخخخخخخخخخـ

لو ان الضب موجود بكل مكان كان تلاقينه الحين مكان الدجاج خخخخخخخخخخخـ

ياهلابك مره ثانيه

عسكريمه · 19-02-2007, 07:50 AM

اقول برستد ضبان شي جديد هههههههههههههههه

مير ترى حومة تسبدي الصدززز

بس احسن مابالضبان العكره <<<<يقولونه مدري عنه الصدز

بس تدري احسن مابالصوره الكولا هههههههههههههههههههه

يالله مطرح مايسري يمري

<<<ليتن مصورتن غدانا وعشانا بالبر علشان اقهركم هههههههههههههههه

مـــلـــكـ · 19-02-2007, 08:04 AM

خخخخخخخخخخخخخخخخخخـ

صوريها وجيبيها

خلينا ناكل عندك بالصور هعين

ياهلابك

~..شموس..~ · 26-02-2007, 11:58 AM

احس بالغثيان عاد على وقت الغداء شكلي ماراح آكل.
يسلموووو ملك على الطبخه.

السفيرة · 01-03-2007, 01:57 PM

ياااااااااااااااي ..
لااااعت جبدي ..
استغفررررررررررررر الله .. ياملك شنو احلى شي

اصلا شلون ياكلونه ..

واللـه يسلـمك يــارب من عــذاب جــهـــنم ..

واجهة الموقع	المنتديات	دليل المواقع	القرأن الكريم	مركز تحميل ملفات وصور
طلب رقم التنشيط	الصفحه الشخصيه لحور	استعاده كلمة المرور	أتصل بنا	أسعار الاعلانات