اهداء

الفذ · 25-02-2007, 02:47 PM

أبارك لكم الجهد الكبير أباحمد

واشكرلك مجهوداتك الرائعة

سرور · 25-02-2007, 03:08 PM

مبروكـ على إفتتاح القسم

وانا ماتقبلوني في العايله والا شلون

<<ماصدقت نفسها هع

الله يديم لكم المحبه والترابط يا بوحمد وكل السيف

aalsif · 25-02-2007, 10:23 PM

اقتباس:

المشاركة الأصلية كتبت بواسطة سرور

مبروكـ على إفتتاح القسم

وانا ماتقبلوني في العايله والا شلون

<<ماصدقت نفسها هع

الله يديم لكم المحبه والترابط يا بوحمد وكل السيف

نتشرف بكي يأخت سرور :---- ونقبل فيك بصفة قرابة يعني اذا كان لك اخت نزوجها من عائلة السيف أو العكس
وفي هذه الحالة تكونين قريبة جداً جداً يعني تكونين واسطة لباقي الأعضاء .:w31:

هيبة السيف · 25-02-2007, 10:47 PM

السلام عليكم ورحمة الله وبركاته

الحقيقه هذي اول مشاركة لي في هذا الصرح العظيم بمسماه وبمحتواه ,
ااهدي شكري وامتناني للاخ /محمد بن حمد السيف . ولكل من ساهم بفكرة انشاء
رابط جديد يدعم ترابط وتعارف هذه العائلة العريقه والتي انا فرد منها ,
ومعرفتي بعنوان الموقع هو من احد افراد العائله له تواصل مع والدي عن قرب,
فانتابتني الغيره والشغف للمسارعه بالتسجيل والتعرف على اقاربي بصوره اقرب ,
لااريد ان اطيل الكلام على الجميع , بياناتي الشخصيه:

الاسم : عبد المحسن بن خالد بن عبد المحسن بن محمد موسى السيف.
المنطقه : القصيم -بريده
العمل :طالب, ورجل اعمال مبتديئ
الطموح : التعرف على عزوتي واقاربي لانه بصراحه مااعرف منهم احد والمعذره

دمتم بود ,,, ولكم كل الود

aalsif · 26-02-2007, 04:11 PM

[align=justify][overline]يا ولد عمي / عبد المحسن بن خالد بن عبد المحسن بن محمد موسى السيف.

الله يحييك وهذه الساعة المباركة بأن نتعرف عليك وانا من الناس الذين يحب إن يتعرف على أبناء عمة .
طيب إنت تقول بأن :-
( الطموح : التعرف على عزوتي واقاربي لانه بصراحه مااعرف منهم احد والمعذره)

وينك كل هذة السنين ما تعرف بإنه عندنا في القصيم جمعة شهرية على كل شهر واحد وجمعة سنوية تعم كافة عائلة السيف في المملكة العربية السعودية وخارج المملكة .
عموماً في الشهر القادم 3/3/1428هـ جمعة السيف السنوية في مدينة الرياض ( لا ) تنسى هذا الموعد وسفا تشاهد أبناء عمك من مدينة القصيم والرياض وحائل ووادي الدواس والمنطقة الشرقية وغيرها من مدن المملكة ومن دولة الكويت .
والمعروف بأن السيف في دولة الكويت من ( آل عبدالمحسن ) السيف يعني أنت منهم قريب جداً .

لا تنسى الموعد .
ولد عمك عبدالله بن عبدالعزيز بن عبدالله بن ناصر بن سليمان السيف
الرياض[/overline][/align]

هيبة السيف · 27-02-2007, 04:23 PM

اخوي عبدالله

حياك الله وسعيد بمعرفتك وانشالله تقوى المعرفه

عندي خبر بجمعه السيف السنويه وحضرتها وحنا من المرتبين والمشرفين عليها لما كانت بالقصيم

ولكن مع الزحام صعب انك تعرف هذا مين وهذا مين ولكن انا عندي راي افضل

وهو انه نجتمع حنا كشباب اولا بمنطقتنا ونتعرف على بعض ومن ثم نحاول ندخل مع الشباب من العايله من مناطق

اخرى بحيث نعرف اشكال بعضنا والاسامي كاملة وبكذا نكون كسرنا حالات التجمع العائلي الكبير اللي
الواحد يدخل ويطلع مايعرف الا اخوانه وابوه

ودمت بود

aalsif · 27-02-2007, 06:54 PM

[align=justify]اخوي / هيبة السيف
مثل ما تحب أنا احب أن آخذ أقتراح كل واحد من السيف مهما كان من اقتراح فهوا ( مهم لدي) .[/align]

سرور · 05-03-2007, 03:55 PM

اقتباس:

المشاركة الأصلية كتبت بواسطة aalsif


	نتشرف بكي يأخت سرور :---- ونقبل فيك بصفة قرابة يعني اذا كان لك اخت نزوجها من عائلة السيف أو العكس وفي هذه الحالة تكونين قريبة جداً جداً يعني تكونين واسطة لباقي الأعضاء .:w31:

راحت عليكم

انا الاصغر فيهن

احنا اربع بنات فقط يعني مافيش اولاد يكفخونا الحمدلله

وكلنا متزوجات :rolleyes: والحمدلله

حتى اني صرت اقعد معاكم واشوفكم اكثر من اقربائي:coool:

ويشرفني وجودي حواليكم

والنعم في السيف:zxcv24:

~..شموس..~ · 05-03-2007, 11:13 PM

الف مبررروك القسم الجديد
وان شاء الله يديم المحبه والاخاء بينكم.

*اميرة الذوق* · 06-03-2007, 04:23 PM

الف الف مبـــــروك
على افتتاح القسم
تحيـــــــاتي

هيبة السيف · 07-03-2007, 12:18 PM

شاكر تواضعك اخوي وتفاعلك مع الموضوع ..

لنا لقاء قريب وخاصه الحفل قرب انشالله نلتقي ونتعرف على بعضنا ......

دمت .. بود

شذى السيف · 07-03-2007, 04:53 PM

الف مبروووووووووووك لعائله السيف

اخيرن بنتعرف على عيال عمي

بس ليش مافيه بنات السيف نتعرف عليهم

يعني بجمعات السيف السنويه مافيه بنات وكمان في المنتدى

على العموم فرصه سعيده اتعرف بعائلتي عن قرب

بحر · 10-03-2007, 12:06 AM

شكرا لك أخوي أبوحمد على الهدية الغالية من إنسان غالي وماقصرت أخوي
الحقيقة فكرة رائعة وفرصة للتعرف والتواصل أكثر
أخوكم أبوحسام / سيف عبدالله عبدالعزيز السيف
القصيم بريدة

وافر الود والتقدير للجميع

خالد السليمان السيف · 12-03-2007, 10:53 PM

تحياتي لكم جميعا يا ايها السيوف واسعد الله اوقاتكم وعمر قلوبكم بالايمان وطاعة الرحمن

انا خالد السليمان العبدالعزيز المحمد السيف
القصيم

اتمنى لكم التوفيق دائما والى الامام

اهداء

اخبار عائلة السيف