ديوان/رباعيات السيف

أنا اللي مايخاويني سوى ذيك الليال السود

وأنا اللي قصتي قصه عجزت اعرف معانيها

مشيت بسكة الغربه مشيت ولا وجدت حدود

وجلست أطالع بدنيا الحب وماحصل فيها

وجدت أن الامل يصبح لمن مثلي قبر ملحود

أمل باكر علي يهدم بيوت كنت بانيها

غريب الليل وش يلقى سوى هم عليه يزود

وضيقة صدر والدمعه عن الناس يخفــيها

يسافر مع نجوم الليل صوب الماضي المنشود

ولا يلقى سوى ذكرى مرور الوقت ماحيــها

طالت الغيبات يا الغالي علينا
وان تحريتك.. فهذا من غلاك

لو يطول البعد ما والله سلينا
المشاعر.. حلمها لحظةلقاك

يا كريم النفس.. مثلك ما لقينا
لك معزّة.. زادها..عندي وفاك

تدري بودي وحنا ما درينا
ليتك تبين انا شفت الهلاك

وليت قربك .. يا هنا العمر بيدينا
واتبعك كني ظلال من وراك


والله ان اللي كتبنا.. او حكينا
من ضميري.. يا جعل عمري افداك

ما هو عجيب قلوبنا لي تناجن
اللي عجيب عيوننا ترجمنه

واللي يحب وصابه الشوق لو كن
حبه وتيار الهوى يجرفنه



وده يخفى بس هن ما تخفن
لازم اعيونه لو سها يفضحنه

يقولها اللي صابه الحب وازمن
عينه وقلبه والاذن جربنه

صح لسان الجميع ,,\

مختارات تكاد تنطق حروفها ,, لاتحرمونا من عبير حروفكم ,,

اهلين ياهاجس ٍخاواني اللي
,,, النديم اللي مايغض الطرف عني

إن نام قبلي فاظنها اليوم سيل
,,, ون نمت قبلها ماستبعده عني

اليوم مامرني هاجسي بالليل
,,, ولا جاني في تاليات المعنُي

تراها مزحة هذي ترى كذبة ابريل
,,, فراشه الكرسي والغطا سني
لو يبتعد عني غنيت المواويل
,,, ولا كتبت الحرف من زود وني

حال وقت صعب مابيني وبين اللي ينـام

وسط عيني بالحشا بالصدر في قلبي فريد

ليت ياصل له كلامي ليت ياصل له سـلام

ليت بس ياليت ما فادت ولا سوت جديـد

أرتجي لامرت طيوفه مع أسراب الحمـام

بس أمني النفس بطيوفه وأنا ماني سعيد

لاتحسب اني اذا ابطيت ناسيك
ماينسى عشرة صاحبه غير الانذال
حدتني ظروفي على البعد لاجيك
هم بوسط القلب والدمع همال
وإلا انت ياكل الغلا افتخر فيك
وحبك سكن داخل فؤادي ولا زال

سهرت أعين ، ونامـت عيـون ........... في أمـور تكـون أو لا تكـون
فادرأ الهم ما استعطت عن النفس .........فحملانـك الهـمـوم جـنـون
إن رباً كفاك بالأمس مـا كـان ............سيكفيك فـي غـدٍ مـا يكـون

الغـلا والحـب لـك كلـه اكـنــــــــــه داخل اعماقي حبك يجري بدمي انـا
لو عيون الشوق تحكي بكـل ماأكنـه كان قالـت للمـلا هـذا حبــــــــــي انـا
لو هلت الدمعه تهل من فـرح اكنـه داخـــــل قليبـي لمحبـوب قلبـــــي انـا
الغلا لك والامر امـرك هـذا كلـــــــه لو تطلب عيوني يفداك عمــــري انـا
يامالـك احساسـي وشعـوري كلـها ا مــــر تدلـل قـــــــــول انـا لــــــــك انــا

طبع الوفي لو راح شوقه يجيبه
وعلى حبيبه ماأعتقد يقسى قلبه

في الدنيا ماحد ياخذ إلا نصيبه
وياليت قلبي ياخذ اللي أحبه

أنا تعبت وفرحتي مو قريبة
وأحيان أقول الحب ياناس كذبة

لكن قلبي يرجع وهذا عيبه
يشتاق للي مبعد حيل دربه

يارب رجع كل حبيب لحبيبه
دام الحياة في بعدهم حيل صعبة

طلبتك يالله الواحـد .. تِصَبِّـر قلبـي المجـروح
طلبتك ترحم دموعي .. وتبعـد حزنـي وآهاتـي
أنا ادري انه .. على بابك .. أكيد ان الرجا مسموح
وقفت بخشيتي وذلي .. لاجل تمحـي لـي زلاتـي
أنـا بـي هـمْ ذابحني..وقلبـي بالالـم مفضـوح
رجيتك تنتزع همي .. تزيحـه مـن وسـط ذاتـي
أنا من جور مافيني .. مليت ارضي دمـوعُ ونـوح
لوِ انِّ الصخْر يسمعني..بكـى مـن كثـر وناتـي

صديق ليس ينفع يوم بـؤس قريب من عدو في القيـاس

وما يبقى الصديق بكل عصرٍ ولا الإخـوان إلا للتآسـي

عمرت الدهر ملتمساً بجهدي أخا ثقة فألهانـي التماسـي


تنكرت البلاد ومـن عليهـا كأن أناسها ليسـوا بناسـي

احوال ترسمنى وعيون تنظرنـى وقلوب لست ادرى ماتخفى
اناس تحيى بجوارى ومن حولى ولست اشعر بوجود لغيــرى

ياكثر شوقي لك ..وأنا ماني مشتاق===وشلون أنا لأشتقت... يصير شوقي

حبك تعمق...موقعه وسط الأعماق===أعماق قلب اللي لحبك سروقي

حبك معا دمي..وللدم دفاق==يدفقه قلبي لين يوصل عروقي

أحذر يجي من بعد حبي لك أفراق===أفراق يعني الموت..موجود (فوقي)