000
النصيــــــب !!
أبد .. ماجيت ابارك ولكن جيت باوصيك
على اللي ناوي تدخل بها الليله .. معذبتي
ترى لولا الظروف اللي عطتك وحدت محاكيك
قسم بالله ماتدخل عليها لو على رقبتي
ولكن النصيب اقوى ولا ادري ويش اسوي فيك
نعم .. صارت معزبتك .. ولا صارت معزبتي
كذا شاءت بنا الأقدار تحرمني لجل تعطيك
كذا لازم عشان تفوز إنت .. اخسر بتجربتي
تراها غاليه جدآ .. وتكفى .. والله يخليك
تدللها .. تدلعها .. تنسيها مصاحبتي أنا من كثر ما اغليها احس اني بديت اغليك
ولا تسأل بأية حق؟ ولا وش مناسبتي؟
لإنك لو بتسألني بتسمع شيء مايرضيك
لذا ياخوي لا تسأل ولا تسمع لأجوبتي
أبيك تحطها في داخل عيونك وبين ايديك
وهي دلوعه اعتادت على كثرة مداعبتي
فداعبها شوي شوي حتى تشتهي طاريه
وشاغبها إلين تقول لك بطل مشاغبتي
وإذا هي مالها خلقك .. ولا تضحك ولاتسليك
تحملها وإسألها : ياعمري ليه عصبتي
وبالك اسمع انك يوم تضربها وهي تشكيك
مايحتاج اوري لك بفن الضرب موهبتي
صحيح انك بتملكها ومعك العقد بالتمليك
وانا عارف حدود الله ومن حقك معاقبتي
ولكن قلها المجنون وصاني وهو يعنيك
يقول انه بينتظرك ولو شيب وشيبتي
وانا مجنونها اللي ما نساها وانت مايمديك
تغطي ذكرياتي في هواها .. وربع تجربتي
أحس اني تماديت بكلامي .. والغضب حاديك
لو انك في مكاني ماتفكر في محاسبتي
كفاك اني تركت الليله أشغالي عشان اجيك
دخلت القاعه برجلي ولا ادري ويش عاقبتي
وانا ماجيت اخرب عرسك الليله ولا أذيك
أنا جيتك عشان اخاطبك واسمع مخاطبتي
توصى .. وانتبه .. واحرص عليها الله يهنيك
ترى كل الكلام اللي طلع من ضيقي وكبتي
ولكن ماقدرت اني أقوله وانت مايخفيك
أخاف اني إذا قلته تقول وتقطع رقبتي
:line1:
اخي "الـــم" اسمح لي باضافه هذه القصيـــده لاني شعرت انها تحمل نفس الالم ,,ونفس الجرح!! \
/
أخي الــم 
ســـلم بنانك
ودام احســــــاسك
"ذائقة جميله ومؤثره "
لك تحيـــاتي 
10-03-2007, 07:31 PM
ثلاث سنين 
(إظهار الكل)
الأعضاء الذين شاهدوا الموضوع : 0
العرض العادي
