[CENTER]على ماهي عليه اكتب قصيدي واعذب الحانه=
وشمس تشتكي للزرع فعـل الغيـم والتربـه =
أمانـاتٍ كتبناهـا محتهـا كلمـة خيـانـه=
مثل مالعاصفه تفنـي ثمـار التربـه الخصبـه =
بقلبي عرضةٍ تشكي علـى اليامـال والدانـه=
وْدفوفٍ تزرع الدمعه علـى الخديـن ملتهبـه =
حروفي مالهـا فالخيـر خيـر وْلالهـا خانـه=
ذبحها الجوع ماجت به سنين العمر راحت بـه =
عطاشا والفرح جفّ وعروق القلب ضميانـه=
لشعرٍ يزرع الـروح ويلـذّ لخافقـي شربـه =
قطعك الله يادنيـاً علـى التجريـح شفقانـه=
مجاديف الصبر ضاعت زماني كيف انا ابحربـه =
رسمتك يالزمن وجهين كـلٍ هـذي الوانـه=
الاول شاحبٍ لونـه والآخـر ديـرةٍ رحبـه =
الاول وان صدق كذاب لو هي تكثر ايمانـه=
كذوب الهرج لو يصدق تبين بوجهه الكذبـه =
صديقٍ لاحشا ماهـو صديـقٍ نتبـع اديانـه=
حشا ماهو كفو كلمة صديق ووقفـةٍ جنبـه =
والآخر صادقٍ قلبه قبـل لايصـدق لسانـه=
صديقٍ يرفع الراس ويقـدّر قيمـة الصحبـه =
صديق الضيق في وقته وفي الشـدات عنوانـه=
صديقٍ لاطلبته شـي قـال فـداك وابشربـه =
ابنشدها نجوم الليـل عينـي ليـه سهرانـه؟=
إذا نام القمر بدري عيوني ويـن تسهـر بـه =
تقعّد لي وعقّـد لـي زمـان الهـمّ حجّانـه=
وانا مثل العمى ضاعت عصاه وضاع في دربه =
كما حال السجين اللي حرم من شوف خلانه=
يمنّي نفسـه الطلعـه بـرئ وياكبـر ذنبـه =
يكلّم وحدته بالسجن يبكـي بيـن جدرانـه=
يبي حرّيتـه لكـن بقايـا القيـد فـي قلبـه =
غريب الدار وان طالت به الغربه عن اوطانـه=
يعـود لموطنـه ولاّتزيـده غربتـه غـربـه =
سلا عن غربته واثره عجز يسلا عـن احزانـه=
تلحّف جفنه الذكرى تلفّـت شرقـه وغربـه =
وانا مثله غريبٍ وامتطيت بصهـوة حصانـه=
سريت برحلة الهاجس اجـدد رغبتـي رغبـه =
ابفرح لو تنام العيـن تالـي الليـل زعلانـه=
وابضحك لو هموم القلب حطّت به وحاطت به =
وابنسى مامضى من حزن واهدم كـل بنيانـه=
عساني مااذكره همٍ يسولف بي واسولـف بـه=
بصراحه ذكرني بالعضو غريب الدار وقلت انزلها لانها مقتطفات عبدالله بن عميره
[/center]
14-03-2007, 02:01 AM
غريب الدار 
(إظهار الكل)
الأعضاء الذين شاهدوا الموضوع : 0
العرض العادي
