السلام عليكم ورحمة الله وبركاته :
مساكم الله بالخير جميعا ...
طبعا بعد الليله التي تحتسب من اروع ليالي العمر اقول للجميع الله يبارك لنا ولكم على حضوركم واجتهادكم ..
وحبيت اطرح القصيده التي ألقاها والدي / خالد بن عبدالمحسن السيف . من القصيم
في ملتقى السيف السادس لتكون في متناول الجميع وهي بالتاكيد مهداه لجميع ابناء وبنات السيف ..
هلا ابهلي يازيـن جمــع المحبـــين .. يازيــن جـــو ٍوالاهــل حاضرينـــي
وصْل ٍتواصل محترينه من اسنـــين .. واليـوم اشــوف العقــد دلا يزينـــي
وسط الحـنايا ســر للنـاس مايبــين .. شلته واهوجس واعسى مايبينـــي
واليوم انا مظطر وافتــح دواويـــن .. حيـث اننــا بالســر متشاركينـــي
السر كنا انقول وين الاهــل ويـــن .. وين اهلنا عــن اهلنـا ضايعينـــي
واليا نشدنا قيل اهلكـم كـثيريــــن .. وعن اهلكم ياناشــدي تايهينــي
لكـــــم اهــل كــانوا دوام ٍوفيــيـن .. رغم ظــروف الوقـت متواصلينــي
كانوا على الفطرة ويمشون حافين .. وعلى الركايب للوصل عـانينـــي
نسمـــع سوالفهــم تســر المحبيــن .. تــاريخهــم معــروف للفـاهمينــي
من بعدهم صار التفـرق من اسنيــن .. كــل لهــا بدنيــاه والـله يعينـــي
جانا البشير وقال اسمع معي زيـن .. ترى لك أهْـل باللـقا طامـعينـــي
انهــض ودورهــم تراهــم قريبيـــن .. وحبل الوصل ياخوك خله متينـــي
قمنـا على الرجـل الطويلة طويليــن .. ثـم اكتشفنا الكنز واثره دفينــي
صوًت امصــوًتنا وصــرنا امجيبيـــن .. وبدْيــــار حاتــم كلنـا بـاديينــي
بخمس اجتماعات على الولف واللين .. واليوم سادسها وطاب العرينـــي
ماحْلا التلاقي باهل العرف والديـن .. واكفوفنا يـم ْالولــي رافعينــــي
لو هو بعد عام تكحًل بـه العيـــــن .. ونطمـع بقـبل العـام يالـوافيينــي
السيف له ســله تهيب الشجيعيـــن .. والْيا بقا باجــراب مـاهــو يبينــي
والسيف حنا ياهلـــي والمسمـــين .. ناخذ من اسم السيف علم يقينـــي
ياليت جمعتـــنا ابحــين ورا حيـــن .. حيـن ٍقصيـــر دامهــا باليـدينـــي
ومن شال في قلبه مشاريه فامين .. ا‘مين يــاربـي عسـاهــا تـلينـــي
عما مضى ياليتـــنا اليوم طاويـــن .. وباق العمر نقضيـه متـوالفيــنــي
ونزرع بدرب اعيـالنا قــرة العــين .. وقطف الثمر جعله هنــيٍ معينــي
تـــرى العــمر تجــارب للعريفـــين .. ومن لاتلافى الوقت ماهو فطيني
وترى التفـرق قــل ْلونـا كثيريــن .. واليا اجتمعــنا كـل شـي يزينــي
قـولـوا معي امــين امـــين امـــين .. يـالله عسانـا للوصــل واصلينـــي
وصلاة ربي عد مــن هـم امصلــين .. على شفيع الخلق يالحاضرينـــي
اخوكم / عبدالمحسن .
الإهداءات
23-03-2007, 03:06 PM
قصيدة ملتقى السيف السادس بالرياض
