يقولك في يوم من الايام وعندما دقت الساعه 12 مدري ((صباحا او مساء)) دق تلفون البيت
رحت اركض مطلقا سيقاني ممشوقة القوام للريااااح ،، >>>> يسمع بالوصف
ورفعت السماعه بحركه سريعه ،، تدل على خفة يد ونظره ثاقبه للمستقبل >>> وش دخل المستقبل
وقلت : الووووو ،، وانا واثق من نفسي ،، وصار اللي على الخط ابوي وقال لي : انقلع ناد امك ،،
قلت له : ترى لي اسم .. وبعدين ليش كل مره تقعد تهزئني وش سويت لك ..
قال لي : اخلص انت ووجهك .. قلت له : طيب لا تدف..
نقزت ادور امي وقمت اصارخ ادورها .. (( يمه .. مامي .. يا مامتي .. ماي موذر ))
وبعد جهد جهيد استمر قرابه الثلاثين ثانيه بلياليهن ،،
ردت عليه يوم ناديتها بالفرنسي >>> هذي آخرة اللي يشوف وضحى وبن عجلان واجد
تتغير ثقافته ..
قلت لها يا يمه.. في واحد يقول انه ابوي على الخط ،،
قالت لي: خله ياخذ تكسي ويجي >>>> ياهي فاهمه غلط او تستخف دمها ...
المهم قلت لها : لا يمه ،، قصدي ابوي على التلفون ،، قالت لي : خله ينزل عنه وش مرقيه عليه ،،
في هذي اللحضه بالذات تعقدت انواع التعقيد ...
وشلون اشرح لها ،، المهم وآخذها بيدها الين وصلتها عند التلفون واعطيها السماعه في يدها ،،
وقلت لها : حاتسي رجلتس
يوم بدت تسولف معه ،، وانا اللي انقز للتلفون الثاني وارفع السماعه
بسمع وش يحتسون فيه >>>> الله من اللقافه...
ما امداني ارفع السماعه الا وانا اللي لازق وجهي في ارقام التلفون وارفع راسي والقى
رقم ثمانيه طابع في جبهتي والتفت الين امي واقفه وراي ومعها (( زبيرية اخوي )) ،،
قلت لها وش دعوه يا ختي محد يمزح معكم ،، >>> مطيح الميانه
المهم ما عبرتني وتسحب السلك ،، وتدوير وتهز كتوفها قبل ما تمشي >>>>>>> مدري ليش سوت ذا الحركه
انا انفقعت مرارتي الا ابي اعرف وش يسولفون فيه ،، واروح واتميلح عند امي
وكل شوي ارص (( مكبر الصوت ))
وامي تلفخني بالسماعه ،، اعجبتني الحركه احسب ان امي تلعب معي ،،
وكل شوي ارص وامي تلفخني ،، لين زودتها شوي قلت لها خلاص بطلت ،،
اصلا من زين زوجتس هو وسواليفه ،،، >>>>>>> قايلها من ضيقة الصدر...
بس اللي ابي اعرفه روميو وجوليت مدري وش يخافون عليه يوم انهم ما يبون احد يسمع حتسيهم ،،
خلصت من التلفون ،، ودريت اني طرف في السالفه اللي بينها وبين جاكي شيان >>>
اسم ابوي يوم كنا نلعب مع بعض في الحاره >>>>>>>> اخس ياللي لاحق على ابوه
المهم ،، قعدت استخف دمي عند امي ومسوي امون عليها واقعد اناديها باسمها ،،
قالت لي خير ..
قلت لها كم لنا نعرف بعض مالها داعي يمه وماما والرسميات بينا ،، يوم عطتني نظره
عرفت اني مصختها ،،انسدحت على ظهري ،، واحط يدي على راسي مسوي ضايق صدري ،،
قلت يمكن امي تفهمها وتجي تقول وش فيك ،، واخليها تقول اللي عندها ،،
بس انها مهيب معبرتني ولا كني موجود ،، خلصت امي وجت بتطلع من الغرفه وتلتفت علي
وقالت لي : ابيك انا وابوك بموضوع بعد العصر ،،
قلت لها : وش شايفتني برتقانه (( برتقاله )) يوم انتس تبيني بعد العصر >>>> استخف دمي انا ووجهي
قالت لي : اقووول لا تستخف دمك عندي اذا صرت عند اخوياك ذا الماصخين سو
نفس خفيف دم عندهم >>>> شويه لوقلت ان وجهي ضاع
المهم العصر خلك فيذا ولا يكثر ،،
المشكله وش تتوقعوووون ...
..
...
....
....
وش هي اني ما ادري العصر ذا متى هو في الليل والا الصبح ،، اقول على تبن بس
قعدت اتسدح واتطبح ،، احس ان وقتي ضايع >>> رح بلغ عنه ،،،
المهم خلال البرهه المذكوره لاحقا ما خليت شي ما سويته..
نمت على جنبي اليسار ،، ثمن نمت على جنبي اليمين ،، وانسدحت على ظهري ،،
وانسدحت على بطني ،، وقعدت العب برجليني في الهوا... مافي امل في الحياه نيهاااااا ..
حتى كل الاغاني اللي حافظها سويتها فيديو كليب لحالي ،،
مثال على مقطع فيديو كليب اللي سووووويته ..
ملحوووضه .. لاحد يسوووييه بالبيت .. اللي بيسووويه بالشارع ..
((( رحت واتوزى ورى الستاره ،، بعدين قعدت اطل ،،
وانا اسوي بيديني دائره في الهوا زي كذا ،، بعدين احط يدي اليمين على يدي اليسار
على صدري زي كذا ،، واقعد احرك كتوفي كوذيه كوذيه >>>>> ابو الوصف اللي تعرفه ،،
وانا قاعد اغني
بطه يا بطه شيلي الشنطه .... والعصفور فوق الشجره ... هيه هيه هييييه
انا في الروضه وايا اصحابي .... والعصفور فوق الشجره >>>>>> وش ذا العصفور اللي ناشب في كل شي الظاهر انه مسوووي له عش في الموووضوع
يادمي البايخ >>>>>>>>>>>>>> خخخخخخخخخخخخخخخخخخ
وانا متحمس مع الالحان العذبه الا ابو الشباب هو حرمته داخلين علي >>>> يموووووون عليهم بقوه ،،
يوم دخلوا علي عرفت ان الوقت صار العصر >>>>>> يلعن ابو الاكتشاف
بعدها كل ما دخل علي امي وابوي مع بعض عرفت ان الوقت العصر ،، >>>> احلى يا الداهيه
ما يستفاد من السالفه اللي فوق
واحدون - العلم بحر عشان كذا امي دايم تلبسني لستك لين رحت
للمدرسة خخخخخخخخخخخخخ اللستك حق الكفر ... هع هع
اثنيون - اللقافه ثقافه فلا تتردد الين شفت حادث انك تسفط على جنب وتدق
على اخوياك << يذكرن بواحد يجي للخيمه
ثلاثتون - امك وابوك ثروه فلنحافظ عليهم من اصدقاء السوء
اربعتون - العصر يجي قبل الظهر وبعد المغرب >>>>> فائدة عظيمه اتمنى الاستفاده منها
خمستون - احب اني اقول خلاااااااص كفاية مصاخه رح وارعص على اعتمد الموضوع الجديد
14-04-2007, 03:25 PM
احداث يوم من ايام سهم الخواطر ... 
(إظهار الكل)
الأعضاء الذين شاهدوا الموضوع : 3
العرض العادي
